ايهما تفضل ؟

اتزوج وابني بيت واعيش حياتي
وخل السيارة لك والسفر والسربتة

مقدرين رأيت تعلمت
ونشوف رأي البقية

انت مقرر خلاص ماله داي تأخذ رأي حد.
أسأل الله لي ولك الهدايه.
الزواج مسؤلية و مرحلة انتقالية للإنسان.
اذا كنت ترا نفسك مو قد المسؤلية انصحك ابتعد.

ياخي موضوع الدس لايك ذا ابتلشنا فيه وقسم
يالورعان وراكم
مو عاجبكم الموضوع
انتم لاينفع لكم لازواج ولا سيارة
تقعدو في بيوت ابائكم وانتهينا

اتزوج واخد عربية 
بس مش لازم تكون العربية سعرها فوق ال50 ألف ...!!!

يعني كامري 2006 ب25 ولا التيما 2009 تمشي الحال ..
والسيارات المستعملة دامها نظيفة ..
توديك فين ماتحب 

شوف اللوميا اللي مع ابراهيم 

اشتر   سياره  ماهي   غاليه
 وتزوج   ابرك  لك    

وتربي  عيالك  بدري    


والواحد   مايفتح   عقله  لين  يتزوج
ويعرف  الدنيا   صح
اما  ابعزابيه   وش  تفكر  فيه   استراحه   وسعسعه  وهمك   هم  نفسك 

المشكلة هو ان يقارن شراء السيارة بالزواج

في ناس تقول بيضيع عمرك
وانا اقول انو كل هالكلام رح ياخذ بالكثير سنة
تسافر فيها وتفلها وتتزوج ابرك لك

بليز بمواضيعي انا بالذات ابعدو عن الردود الغير مجدية بليز

انا اشتري السياره طبعا لان الزواج ملحق عليه لاكن اذا تزوجت بدون سياره ما اقدر اروح دوام ما اقدر اطلع مشاوير

لاكن اذا عندي سياره الزواج ولا اسهل

بشتري سيارة و أفلها وسفريات ودشرة 
ليش مستعجل على الزاوج
قبل شهر والوالد يقول لي بزوجك ومصروف الزواج كله علي ورفضت 
لا حقين على الزواج 

اتعب قبل الزواج وحسن وضعك واضغط على نفسك وجمع لك قرشين مع الوظيفة 
عشان ما تبهذل بنت الناس معك !!

بدال ما تقول ابجمع واضغط على نفسي تقول بفلها واشتري سيارة واسافر قبل اتزوج ؟؟

الاجارات مرتفعة 
الاسعار في زيادة 
الزمن تغير والاوضاع ما تدري وش بتصفى عليه 

كلها امور تستدعي انك تشد على نفسك وتتحيزم قبل العرس ولا تفلها الا اذا اعرست وعينت خير 

ماقريت الردود 

لكن السياره اكيد رد  الكل 

لآن الزواج   يبي له شخص طفش ومل  

الا  فـ حالة الشخص  زوجوه اهلهَ

شفني عائلتنا  معروفه يزوجون  عيالهم لوصلو 20 او 21  
وانا صكيت الثلاثين ومابعد اعرستَ
والله عندي 4 اخوان اصغر مني كل واحد بعياله  

وانا مابعد جت النيه

احس اني مابعد مليت من الطلعات والسفرات  خاصتاً اني مخاوي بدو حقين برٍ

تحصلني يوم ببيتي وخمسه  براً

فـ ميـة بالميـة رد الكل السياره اولَ~ 

عن نفسي مستحيل اقارن السياره بشريكة العمر .. لان المقارنه صعبه

ولاكن الاثنين مكملين لبعض بمعنى اضغط على نفسي في البدايه .. واكون نفسي ثم اتزوج

والسياره وسيله .. اهم شئ تكون عمليه وماتطلب على المدى البعيد ..

اهلين اخوي
-(انا بصراحه نفسي اتزوج اليوم قبل بكرا بس الحاله الماديه سئيه والحمدلله وللعلم لسه ما توظفت والحمدلله والله يكرمني ويكرمكم ويفرج همنا ويحفظنا)
-(ويـ اخوي الزواج نعمة من الله تعالى وهي كما يقال نفحة من نفحات الجنة وهي سنة مؤكدة اقتداء بسنة النبي علية الصلاة والسلام أن تتزوج وتكمل نصف دينك وبها تعف نفسك ثم تهدأ نفسك من وساوس الشيطان خيرأ من ان تتعثر بك مسالك الفقر في اتباع الهوى والاختباء خلف الجدران المظلمة في عالم الاوهام وعدم الاستقرار تحت دعابة مرح العزوبية البالية المؤقته التي لا راحة في دوامها ولا استقرار نفسي في ظلها من اقام صلاته ايماناً وبر بوالدية احتساباً وكان ممن يستطيع الباءة ثم تزوج فهذا هو المستريح اللي من الهم خالي حقيقة ربانية لا يستقر المرء إلا بالزواج سكناً ورحمةً ومودة العيش وراحة البال مصدرة الزواج
وهذا لكِ الخيار ام طريق السعادة الحقيقية في وقت مبكر ام التعربد وقضاء ثلث العمر لهواً ثم تعود لتبدأ شيئاً قد عافك سكناه
والله يعطيك العافيه وشكرااا لك

ايه قالوها الاولين
هذا الزمن زمن الوحده
عش لوحدك تعيش مرتاح
بلازواج ووجع راس وأسواق ومصاريف وبزر يصيح ولا يخليك تنام الحمدلله اني عزوبي ^_^

مايبي لها كلام الزواج وراح اذكر الاسباب اللي تثبت ان الزواج اهم اولا ان السيارة لو بتاخذها منتاب ماخذ اي كلام وربعنا يحبون الفشخره لين ماطق له قرض لين 2018 ولا مايرتاح ويطلع الموتر فوق 100 الف وغير قيمة التشييكات والتضليل الحاري والعازل الزبده كل دراهمه بتروح للسيارة ولين وصل 2018 وخلص قرضه لين فاقن خشته سيارته طاحت من عينه والسبه جته كم دقشه وكرها ولا انه جلدها وبدت تنهبل وبكذا بيكون ماجمع ولا ريال للزواج لانه مستحيل يصرف على نفسه وقرض ويجمع للزواج الا من رحم الله وحتى لو جمع تلقى ماكمل حتى قيمة المهر واخرتها قرض من جديد ويعرس والموتر نص عمر عشان استخدام ربعنا ماشاء الله مايحتاج محافظين ... احب اذكر لكم ان السيارة ترى مجرد وسيلة مواصلات يعني لاتكبر ...... بالخرق بعضهم عنده السيارة اهم من حاجاته الشخصية وكلها عشان الناس انا ما اقول اشتر اكسنت ولا سيكل لكن اشتر موتر معقول وعلى قدك ولين ذيك الساعة اعرست وامنت نفسك وماعليك اي التزامات اشتر ان شاء الله بنتلي ومنها تكون مستانس بالموتر الجديد انت والمدام مهب اخوياك بس وبعدين لاننسى ان الزواج اختلف عن اول مصاريفه زادت ويبي لك تاثيث ومنتاب حاط اي كلام لازم تحط شي زين ... تقبلوا مروري وارجو تتقبلون رايي بصدر رحب

اسمحوا لي على هالرد ياجماعة لكن صدقوني اني ماكتبته الا ابي اصحي اللي نايمين في العسل ويعتقدون انهم ماشين صح اغلب الشباب الحين لو تساله وش بتسوي لين توظفت ان شاء الله يقول بكمل ثلاث شهور وبطق لي قرض اشتري به موتر والباقي اسافر به افلها قبل ما اتزوج بعضهم مايرتاح لين يطب في الغلط طيب سافرت وشربت وزنيت وفليتاها وكل شي ماتخاف تموت وانت على هالحال وتفكيرك كله دشره لاتقول لي بسافر اشوف الطبيعة وما الطبيعة ترانا شباب وفاهمين بعض الا من رحم ربي ... لكن وش اللي يمنع انك تتزوج وتشيل من بالك فكرة السفريات والخربطة وعندك زوجتك بالحلال سو اللي تبي محد رادك سافر انت وياها لآخر الدنيا وكف عن نفسك موضوع السفريات ... اغلب الناس يسوي هالشي عشان اخوياه وعشان الناس لين قالوا له وين سافرت يقول كذا وكذا وكذا وانا اعرف في المدينة الفلانية كذا وعندهم كذا يعني يحب يستطلع يسمع بها ويبي يجرب حنا ماذبحنا الا هالعاده ما اقول الا الله يهديكم ... ملاحظة * ما اقصد الكل انما 60% من الشباب