رايكم بأسعار الكورولا الجديده

انا اشوف ان سعرها غالي على غير سنع 
اطقلي النترا اقوا وارخص وافخم بعد 
فالاخير القرار راجع لك

غالية جدآ المشكلة لو كانت تستاهل مو مشكلة القيمة بس والله فاشلة

اجل مكينة كبر الأكسنت بمبلغ 58000 ؟؟؟

انت تدري ان مبلغ 58000 يجيب لك النترا 2000 سي سي قير تماتيك اصرف مليون مرة من بلاستيك تويوتا

خذلك النترا ارخص وازين وشكل اجمل من داخل والخارج

رأيي انها اسعار مرتفعة 

عليك بالهيونداي النترا ( سيارة اثبتت وجودها محلياً وعالمياً ) 

النترا اجمل وافخم وتتحمل بنفس المستوى وصرفية بانزين قليلة واكثر تقنية والصدام حقها مو ورق يطير بالخط وفوق هذا ارخص
الكورلا احسن بشيء واحد وهو سعر اعادة البيع
لكن انت بتشتري وكالة يعني بتقعد معاك عادة 3 الى 5 سنين
ليش تستخدم السيارة الاقل مستوى

اسعارها مبالغ فيها . حتى هونداي

جي ال اي 2000 سعرها 77500 هههههههههه اخذ سوناتا بانورما ولا احلى
ولا اخذ كامري ستاندر او اللي يسمونها شركات تصدق تزيدها 3000 وتاخذ كيا كادينزا ستاندر 6 سلندر ويكفي انها صنفت انها سيارة العام

عموما ماتستاهل اسعارها سلامااااااات والله سلامات كورولا هالسعر شوف بكل بسطاه الالنترا افضل وسعرها انسب وعند خيارات شوف الالتيما بكم

كل شي ارتفع ولا حسيب ولا رقيب

مشكورين على التفاعل انا نزلت الموضوع للفائدة
ولاستطلع رايكم انا موظف في تويوتا 
احب اقول لكم انه احنا سبب غلا الاسعار
في هذا العام قلت مبيعات الكامر بشكل ملحوظ
قامت الشركة بانقاص السعر 
لعدم البيع لوتحكم المستهلك بنفسه وصبر
لقلت الاسعار في جميع المستهلكات
تلاحظون ان جميع أسعار السيارات في ازدياد
ملحوظ للجميع لو قامت حمله مقاطعه لمده
سته أشهر فقط لنقصت اسعار جميع انواع السيارات
مشكورين مرة أخرى

النترا بلا منازع .. 

ـ

اخوي طفشت فعلا واتوقع الكلام ينطبق على الاوريون قل الطلب عليها كثير الى ان نزل السعر للتسنادر من 107 الى 93

هلا اخوي الاوريون بكره انشاء الله بتفصيل^^^^ انتضرني

اعتقد من وجهت نظري المتواضعه مناسبه الى حد ما
قستها على السياحي قير اوتو 61 اشوفه معقول خصوصا الشكل جديد ومتغير تماما
عطفا على الشكل الى قبله الى هو 2013 كان السياحي قير اوتو 59الف

كورولا مكينه 2.0 تاكسي قير عادي قزاز عادي
القسط 1300
الموخر15645
الاجمالي78045
كورولا سوح المكينه 1.6 اكس ال اي قير عادي قزاز كهربا
القسط 1400
الموخر 16853
الاجمالي84053
كورولا سوح مكينه 1.6اكس ال اي قير أوتوماتيكي قواز كهربا
القسط 1549
المؤخر 18223
الاجمالي 92575
كورولا جي ال اي أوتوماتيكي نص فل مكينه 1.6
القسط1699
المؤخر20320
الاجمالي 101872
كورولا فل كامل  مكينه 2.0 
القسط1900
المؤخر22665
الجمالي 113865
طبعا عدد الاقساط 48 من غير المؤخر
اخوكم ابو محمد

النترا اجمل وافخم وتتحمل بنفس المستوى وصرفية بانزين قليلة واكثر تقنية والصدام حقها مو ورق يطير بالخط وفوق هذا ارخص
الكورلا احسن بشيء واحد وهو سعر اعادة البيع
لكن انت بتشتري وكالة يعني بتقعد معاك عادة 3 الى 5 سنين
ليش تستخدم السيارة الاقل مستوى

والله غاليه حتى اقساطها غاليه .. 
انا معي 2013 قسط 1260 مطور قير اوتو .. 
اخذتها عشان الشروط مو معقده والا لو معي كاش ما ابعد عن الالنترا