أضف سؤال أو موضوع جديد          

اصحاب المعارض وكذبهم من اجل كسر سعر السيارة

up 6 down 3
goodhearted 130
قبل 8 سنه و 4 شهر



السلام عليكم ورحمة الله وبركاته

اخواني اليوم رحت المعارض ببيع سيارتي اوريون 2011 طلعتها وكالة على يدي
السياره مرشوشة صدامتها

المعرض الاولى قالي سيارتك فيها صبغ قلت له على يدي ماجاها شيء الا الصدامات
قالي الا شوف الرفرف يمين الخلفي جايه رش قلت له يابن الحلال انا متأكد سيارتي وانا ابخص فيها ولو فيها شيء مني بكاذب عليك
شوي جا خويه يسوم وقاله ترى فيها صبغ بعدين راح وياه عند الرفرف وفتح الباب ورجع قال حتى الباب جايته رشه

مشيت ورحت لمعرض ثاني قالي السياره فيها رش بالرفرف الايسر الخلفي قلت له يابن الحلال مافيها شيء والله
قالي الا قلت له خلاص قالي تعال كم تبي فيها قلت له ابي فيها كذا قالي لا مرشوشه وسومتي بعيده قلت له مع السلامة

رحت للمعرض الثالث وطلع قالي فيه رش او صبغ او حوادث قلت لا بس الصدامات مرشوشه قالي خلني اشوف يوم قرب عند الرفرف الامامي الايسر قالي جايها صبغ ماتصلح لي

والله العظيم يا اخوان ان السياره على مايدي وماجاتها صدمات ولله الحمد ومارشيت الا الصدامات

ليه الكذب واصل للمرحله هذه لدرجة ان بعضهم يحلف كذب








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


لا تستغرب ولا تتعجب من تصرفات شريطي !! ترى مستعد يحلف على عياله علشان الفلوس زي الي صار مع جارنا !! لا عاد تستغرب شيء تجار وجشع 


up 4 down 0
fahad11-11 160
قبل 8 سنه و 4 شهر



للاسف هذا حالهم وكله عشان الفلوس

لاتبيع المعارض الله يلعنهم

بيعها لشخص مستخدم ياخذها

اما الشريطية الهدف يتكسب لو يقول لك الماكينة مغيرة


up 0 down 0
TA CARS 854
قبل 8 سنه و 4 شهر



يحسسونك انه سياراتهم مافي زيها وكالة 
وسيارتك زبالة وانت بكرامة


up 0 down 0
business to consumer 1163
قبل 8 سنه و 4 شهر



جاني شريطي مره وقال سيارتك استخدام امريكي غير مرغوبه وسعرها ينزل ولاقي فورد انظف من فوردك ب38

قلتله طيب توكل على الله وروح خذ الفورد اللي شايفه انظف من فوردي وش اللي حادك علي ولاعاد اشوفك مره ثانيه

هذو هو اسلوب الشريطيه
اول ماتشوفه يعيب فالموتر قوله ايه تراه مرشوشه ومصدوم والمكينه موضبه عبجك بالسعر اللي انا ابيه خذه
ماعجبك شوف موتر غيره

ولاتجلس تترجى فيه او تحاول تقنعه ان موترك نظيف
على طول من يوم تشوفه يبخس فموترك ويطلع عيوب
قوله ايه فيه عيوب وبلاوي الدنيا كلها وتوكل على الله لا اشوفك مره ثانيه

اصلا مايشتري بسعر كويس الا اللي يبي يستخدم 
اما الشريطيه فلاتتوقع بيعطيك سعر ممتاز لانه يبغى يشتري بسرع رخيص ويبيع بسعر غالي عشان يكسب اكبر مبلغ 


حسسسسسبي الله عليهم بيعوني صني ٢٠٠١ اوتوماتيك نظيفه بالغصب يقولي فيها شمبر وفيها طرمبه الزيت وانا ابخص بموتري الله لايوفقهم


up 0 down 0
فهد4950 2543
قبل 8 سنه و 4 شهر



والله مافي اسرق منهم يحلف بالله كذب عشان حديد
قبل سنه كنت ابي فورد لقيت مع قريب خوي قراند ماركيز وحلف بالله ان الجهة اليمنى مرشوشه
قلت زين واطلع للفحص واشوفه من تحت طلع فيه ضربه في الشاصي،واقوله مضروب قال ايه بس ضربه خفيفه قلت ااجل كذا وسبحان الله استخرت اكثر من 5 مراتت
ويوم اوصل عند السيارة مابيها وكان يقول والله عليها 32 ونصاب وبالاخير تركته وباعه بباقل بكثير والحمدلله تبي تاخذ سيارة افحصها 200 ريال تطلع كل شي..واسف ع الإطالة حبايبي ^_^


up 1 down 0
eng.07 51
قبل 8 سنه و 4 شهر



هههخ طيب وش رايك نزلت لومينا الي كانت معي للنسيم جاني شريطي يترجاني ابيعها ب10 الاف وقال هذا سعرها وهو يدخل راسه من الدريشه للي عندي عدت له السؤال قلت له كم سومتك اجل قال والله الي اقدر عليه 10 اقوله الله لايهينك شوي واسكر الطاقة في وجهه وامشي هههه لازم تهينه مثل مايهين موترك اجل 10 الاف يسومه وش اسوي فيها ابيع اللومينا 2008 واشتري اكسنت 2001 مثلا ههه ههه فارق بس


up 1 down 0
al_orainy 56
قبل 8 سنه و 4 شهر



باختصار بين البايع والشاري يفتح الله


up 0 down 0
craysiler 243
قبل 8 سنه و 4 شهر



اي وربك قهر واحد من العيال معه تشارجر 2008 يقول مريت بدون نية واحد خبط علي يقلي 25 بدون فحص الحين نتكاتب

يقول والله لولا اني مسكت نفسي وتعوذت من ابليس حطيته تحت الكفر ,سيارته ماشيه اقل من 150 ونظيفة ماشالله بريحة وكالتها

وهذا يقول 25 لاتستغرب واذا حشرته قالك والله هذا اللي اقدر عليه اما جازت لك اعتبرها فتح باب..!!!!!!!

فتح باب بقيمة السيارة تنقص الفين او ثلاث مب تجيب قيمة 50 الف وتقلي 25 فتح باب فتحوا راسك


up 1 down 0
m11013 923
قبل 8 سنه و 4 شهر



اخوي انصحك بقراءه دعاء السوق ... وبنسبه لى الحمد لله ماعمري انغشيت في جوال ولا في سياره ولا في قطاع غير الحمد لله فضل من ربي ..وبنسبه لى انا استخدم السياره لين ما اكده كد ولكان بنظافتها يعني معتني فيها واذا طابت نفسي منها اعطي اخوي
او اخليها عندي مستحيل ابيع ولا جربت اني ابيع شي اشتري فقط


up 0 down 0
مهراس الزهراني 1338
قبل 8 سنه و 4 شهر



مشكلة الشريطيه والمعارض انهم طماعين
المفروض موتر قيمته 50 الف ياخذه 47 الف ويترزق فيه 3 الاف
لكن هيهات اذا الموتر ماجاب معاه من 10 وانت طالع ما ياخذه


up 1 down 0
sc_est 717
قبل 8 سنه و 4 شهر



اهلا


نكتة المعارض

ادا بتبع سيارة وارد امريكا يسومها ببلاش و يقول ما لها قطع غيار وغير مرغوب

و ادا بتشتري سيارة وارد امريكا يمدحها  و يقول دي بطاقة جمركية وباقي الكلام المعروف


up 2 down 0
عمر الزمان 672
قبل 8 سنه و 4 شهر



وين بيروحون من رب العباد الله يهديهم


up 0 down 0
ahmad alotaibi 311
قبل 8 سنه و 4 شهر



ههههه

ذكرتني بالشريطي ابو سروال بني والله ما انساه

المهم نزلنا المعارض انا وولد عمي معه كامري 2006  لمتد تورنق  جديده مامشت الا 10,000  ريال  وباقي بقراطيسها وقتها

شاريها ب 75 الف  ونزلنا بها المعارض ووقتها ع ايام 2006 مانفهم شي ومانفهم ب اساليب الشريطيه
رحنا هناك وكلن يستهبل يركبون معك غصب  ومالك الا سعر طيب ومن هالخرابيط  ويوم نوصل  يقولك ب 45 الف
او 40 الف هههه

لا وبعضهم يقولك ياخي مبين انها مرشوشه   او اصلاً امريكيه لان فيها زوايد في الوجهيه والنور مكحل   ههه وهو اصلاً كذا وكاله

المهم ارتفع ضغطي انا  وولد عمي راااايق ويظحك  الين طحنا بواحد بهذلنا وركب معنا وبالزحمه و و و وصلنا المعرض حقه وما اتفقنا قال يالله رجعوني  قلنا له اركب
ونعششق ونمشي برررا المعارض  بالهاي وي ويقول لا وقفو نزلوني نزلوني  قلنا له ليش ياخي ماتبينا ؟ ههه خلك معنا حنا ماشين الكويت هههه  وشوي ويصييح يقول نزلوني
وننزله بعيييييييد حييل من المعارض  ويدقها كعابي مشي  هو وسرواله الاصفر



up 1 down 0
شكلين مابحكي 3159
قبل 8 سنه و 4 شهر



ههههههههههههههههههههههههههههههههههههههههههههههههههههههههه من جد يا (شكلين مابحكي)
نااس مايبغالهم غير كذا


up 0 down 0
ابو دحومي 673
قبل 8 سنه و 4 شهر



ههههههههههه شكلي مابحكي


up 0 down 0
goodhearted 130
قبل 8 سنه و 3 شهر