اصحاب المعارض وكذبهم من اجل كسر سعر السيارة

6 3

لايمكنك التصويت حتى الحصول على 20 نقطة على الأقل
إضغط هنا للإخفاء

goodhearted 130
قبل 10 سنه و 7 شهر

السلام عليكم ورحمة الله وبركاته

اخواني اليوم رحت المعارض ببيع سيارتي اوريون 2011 طلعتها وكالة على يدي
السياره مرشوشة صدامتها

المعرض الاولى قالي سيارتك فيها صبغ قلت له على يدي ماجاها شيء الا الصدامات
قالي الا شوف الرفرف يمين الخلفي جايه رش قلت له يابن الحلال انا متأكد سيارتي وانا ابخص فيها ولو فيها شيء مني بكاذب عليك
شوي جا خويه يسوم وقاله ترى فيها صبغ بعدين راح وياه عند الرفرف وفتح الباب ورجع قال حتى الباب جايته رشه

مشيت ورحت لمعرض ثاني قالي السياره فيها رش بالرفرف الايسر الخلفي قلت له يابن الحلال مافيها شيء والله
قالي الا قلت له خلاص قالي تعال كم تبي فيها قلت له ابي فيها كذا قالي لا مرشوشه وسومتي بعيده قلت له مع السلامة

رحت للمعرض الثالث وطلع قالي فيه رش او صبغ او حوادث قلت لا بس الصدامات مرشوشه قالي خلني اشوف يوم قرب عند الرفرف الامامي الايسر قالي جايها صبغ ماتصلح لي

والله العظيم يا اخوان ان السياره على مايدي وماجاتها صدمات ولله الحمد ومارشيت الا الصدامات

ليه الكذب واصل للمرحله هذه لدرجة ان بعضهم يحلف كذب

إبلاغ

الردود