اسعار السيارات غير منطقية

والله وانا خوك بالاعلانات بالموقع الكل راح يلعب

بالسعر على كيفه لان لو راح المعارض

اجزم ان اكثر من النص سيارات

ودوها المعارض ولاجابت قيمه

وعرضها هنا يبي يلعب على الصغار واللي مالهم بالسيارات

وينصب عليهم ويبيعها بالسعر اللي براسه

هذا اللي اشوفه

والسوق يحكم النظيف ويعطونك حق موترك بدون مبالغه

بس الناس تبالغ ببيعة سياراتهم يبي يستخدم ويبيعها بدون خساره

ياخوي الاسعار بموقع حراج مبالغ فيها جدا ،،الا من رحم ربي 
انا كنت ادور على فورتشنر 2009  4سلندر دبل لون ابيض ملاقي اسعارهم بالموقع فوق 50الف 
لقيتها خارج  موقع حراج بسعر مره طيب  37الف الموتر ورده فل كامل
قير مكينه شاص على الشرط البودي فيه رشه بحجم الكف بالرفرف يمين وصاحبها مسويها بالوكاله

طيب انتوا الحين حارقين انفسكم اي واحد ينزل اعلان ومبالغ في سعره سدحتوه عندنا في المنتدى انت شفت من اللي رد عليه مارد الا واحد وضنتي يستهبل يقول يستاهل سعره خلها بتطيح في سبده ومررده يتحسف على كل هالزخرفه اللي مسويها في المعروض قصدي الاعلان وبينزل من سعرها غصبا عليه وهو مايقدر ينزل بها المعارض ويحدها بالمبلغ الفلاني عارف ان الرجاجيل بيحشرونه ف يتخبى من ورا هالشاشة ويعرض الموتر وان جاه واحد مطفي النور هو المستفيد وهاذي قليل تصير اغلبهم الحين تشوف اعلانهم تم تنزيل الحد او اخر سومة كذا وتراني منيب بعيد لانه عرف ان الناس مهيب على كيفه

والله يا اخوي هي مشكله والرجل طرحها للنقاش وتخص السيارات اكيد بنتكلم فيها ولا ددسن 89 قبل سنه اسومها يقول سوم 16 ونص وانا بايع 92 مكيف قبل 8 سنوات ب 9 الاف !!!!!؟؟؟؟؟؟