عرض الوعلان على سوناتا 2014

رايي الشخصي

هي كلها نصبه بنصبه بس اشوفه ارخص من غيره  دامها بدون دفعه 

عروض نصابين تروح ويعطونك شروط تعجيزيه
جربت قبل مده معهم كلام فاضي

اعذرني اخوي عقاب ال مطير ونعم والله ... بس مافي شروط تعجيزيه تدري ليش هم يبون كل المواطنين او نسبه منهم يقصدون منهم مثلا تقدم 60 الف شخص نحسب نقول 1195 ضرب 60 الف شخص = 71700. الف ريال سعودي

ترا شركات التاجير يربحون اكثر والسبب عدم استيراد سيارات ماقبل 5 سنين + خوف من سرقه السياره + زحمه الناس والشوارع الى كلها مطبات وحفر + اخلاق المواطنين عند الزحام + الراتب والمصاريف لذالك تاجير السيارات هو الحل في نظر الغالبيه

اخوي مهراس ماعليك زود يالغالي
انا سبق لي تجربه تروح لهم يقولك الراتب..مبلغ وقدره طبعا فوق ال 5 آلاف لازم
ومثلك عارف قليل اللي رواتبهم فوق ال 5000
وكفيل عسكري وووالخ بالنسبه لي اشوف عرضهم غير ولما تروح لهم غير
وصاحب الموضوع ليت إذا رحت لهم تكتب تجربتك والله يكتب اللي فيه الخير

كل الشركات مسويه عروض
فورد مسويه عرض على ال اف 150 غمارتين فل كامل 
من 161 الى 142  يعني 19 الف ريال تخفيض
وباقي السيارات كلها مسويه عليها عروض

هذا هو موسمها
والي ناوي يشتري ينتظر رمضان يجي وبتشوفون كيف التخفيضات
واعتقد هالسنه الشركات ورطت في المبيعات وماباعت مثل كل مره لذلك العروض صارت كثيره جدا

اتفق معك ياخوي شاقح!

""واعتقد هالسنه الشركات ورطت في المبيعات وماباعت مثل كل مره لذلك العروض صارت كثيره جدا ""

العرض هذا مع بنك الراجحي
وشروط الراجحي لازوم يكون لج راتب عليه ومايكون 
اما بالنسبه للراتب فاضرب القسط ب 3 اذ كان المجوع فوق الراتب مايعطونك
اما اذا كان المجموع مثل الراتب او اقل يعطونك

واغلب العروض هي للاستدراج فقط
من فتره صلحت فورد عرض على جيب ايدج 95 الف وعبت الشوارع اعلانات رحت لمهم
وسئلت الموظف قالي سعرها 100 وهذا هو سعرها اساسا بدون عرض لما كلمته عن العرض
وان يقول مظبول 95 لكن تظيف عليها نقل من جده ولوحات ومدري ايش تتطلع صافي 100
وهي من يوم ما نزلت ب 100 فكل سالفتهم نصب بنصب

طيب يا الغالي السوناتا مهيب من غليها يعني اقصد مهيب غاليه مرره خذ لك قرض شخصي شف كم اقصى شي يعطونك على راتبك واشترها كاش وفك عمرك بلا عرض بلا طول واذا كان عليك التزامات عاد مادية ولا يمديك فطلعها ايجار منتهي بالتمليك والله يوفقنا وياك اهم شي لاتنسى تصلي الاستخارة وتقرا جميع بنود العقد صح وتفهمها عشان بكره ماتتوهق ... تقبل مروري

اهلا


a.ibrahem


عروض السيارات كلها اجار منتهي بالتمليك

نادرا ما تحصل في الوكالات نظام اقساط الحين

لابد من كتابة هامش الربح والدفعة الاخيرة وإلا يعتبر تدليس إضافة لشروط الراجحي التعجيزية إذا رغبت بتقبيل السيارة والاهم في الفترة الأخيرة جميع البنوك تقدم تسهيلات وقروض بفوائد اول مره تحدث والسبب سيكون بإذن الله هيكلة من وزارة المالية وشروط للقروض المواطنين فتجد البنوك تتسابق قبل ذلك  

السوناتا حتى سعرها كاش جيد 
نص فل بانوراما 71500 والله فرصة للي يبي يشتري 
حتى الاكسنت نص فل اتوماتيك 41000