أضف سؤال أو موضوع جديد          

بخصوص تمويل السيارات من البنوك

up 1 down 4
the shark 997 82
قبل 7 سنه و 2 شهر



مساء الخير على الجميع

يا شباب ياليت احد يفيدني بخصوص
ايجار السيارات المنتهي بالتمليك
ماهو افضل بنك و نسبة التمويل اذا راتبي في نفس البنك او خلافه
على حسب تجاربكم .. و في بنك اتوقع بنك الامارات ما ادري اذا احد تعامل معاه لأن حسب علمي انه لسكان الرياض فقط لعدم وجود فروع في المناطق الاخرى
و اهم نقطتين عندي : هي
في حالة لا سمح الله السيارة راحت تالف .. ايش اللي بيسير
هل بيعطوني سيارة جديدة و اكمل اقصدها . ولا يقولي توكل على الله مالك شيء . و اللي دفعته يعتبر ايجار
لأني سامع ناس تشتكي من النقطة هذه و ماهو البنك اللي يعطيك بديل بدون ما ينصب عليك
النقطة الثانية .. اني اقدر اتنازل بالسيارة .. ما يجيني البنك يقول لا يا حبيبي مالك تنازل و سدد كاش
و الامور الثانية اللي هي .. مدة ضمان السيارة اللي بيعطيك هي البنك .. و في حالة ارجاع السيارة . يطلب شيء
ولا يقول مع السلامة ما نبي شيء

ارجو اللي مجرب و عارف يفيدني و يحدد اسم البنك

و اكون شاكر لكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


دام إنك بتدفع أقصاد أشوف إنك تاخذ لك قرض وتشتري سيارة كاش
وأبعد نفسك من نصب البنوك


up 2 down 0
أبو العنود 564
قبل 7 سنه و 2 شهر



انا حسبتها من ناحية . لو حبيت اتنازل بالسيارة . لاني اخذ السيارة سنتين ثلاثة و اغير 
و العادة اسوي تأمين شامل . و السيارة لو قيمتها 100 الف يا خذ التامين حوالي 6 الاف و حسب نوع السيارة
فلما حسبتها لقيت ايجار التملك افضل و التنازل يكون بمبلغ بسيط . لان شراء الكاش بتلتزم 5 سنين مع البنك ولو معاك سيارة لاحقك القرض ﻻحقك 
و لو بعت السيارة بتبيعها بناقص ولا توفي البنك غير المبلغ المضاف للتامين الشامل اما لو ايجار تملك . في اي لحظة تتنازل ولا يلحقك دين . 


up 0 down 1
the shark 997 82
قبل 7 سنه و 2 شهر



وعليكم السلام بحكم اني اعمل في احد البنوك المحليه بحآول اجآوبك باللي اعرفه .. اولآ اعرف نقطه لاتغرك نسبة بنك
الا اذا حسبها لك كامله وقارنت بينه وبين البنك الثاني مثلآ فيه بنك يعطيك نسبة 6 ونص هامش ربح وتروح لبنك آخر ونسبته 8 فرق صح ؟! لكن لما تجي تقدم اوراقك للبنك يجيك يقولك البنك الاول المصاريف الاداريه مثلآ 3000 والبنك اللي نسبته 8 بدون مصاريف إداريه المسأله كلها نسبه وتناسب " 1-اما اذا صارت السياره تالف لاسمح الله اذا كانت السياره
جديده يتحملها التأمين وانت تدفع نسبة تحمل.. اما اذا مضى عليها سنه او اكثر يحسبون قيمة السياره قبل الحادث وبعد الحادث وانت تدفع الفرق.. او بعض البنوك يخلي التأمين يتحمل الفرق وانت تدفع نسبة تحمل 2- اما بخصوص تنازل السياره لشخص ثاني اللي اعرفه جميع البنوك عندها تنازل بإستنثاء "الراجحي" 3- اما الضمان على حسب الضمان اللي تعطيه وكالة السياره 4- اذا سلمت السياره للبنك يحسبونها كـ اجار يومي  .. وبالتوفيق 
انا اشوف افضل بنك واقل نسبة هامش ربح " البنك العربي " لكن اذا تأخرت عن السداد عنده ضريبه 100 ريال
واكثر بنك سهل في التعامل ويعطيك مهله اذا تأخرت  عن السداد لمدة 3 شهور ومن بعدها يبدأ يعمم على السياره


up 1 down 0
الالنتراوي 5150
قبل 7 سنه و 2 شهر



^^^
واكثر بنك سهل في التعامل ويعطيك مهله اذا تأخرت  عن السداد لمدة 3 شهور ومن بعدها يبدأ يعمم على السياره" بنك الراجحي"


up 0 down 0
الالنتراوي 5150
قبل 7 سنه و 2 شهر



طيب يا اخوي الالنتراوي . 
اللي افهم منك ان السيارة . لا سمح الله تالف بعد سنة او اكثر
يا يحملوني قيمة التحمل او ادفع فرق السعر 
طيب في هذه الحالة . اطلع بدون سيارة . يعني راحت الفلوس ايجارات و ادفع فرق
و لا يعطوني سيارة اكمل بقية الاقساط عليها وﻻ يعطوني ريال و فوقها اعطيهم . و الله شغلة تحير


up 1 down 0
the shark 997 82
قبل 7 سنه و 2 شهر



نسيت اسألك . انا سمعت ان الراجحي اخس بنك لا يتنازل و فوقها تامين تكافل عندهم سيء

طيب كيف الفرنسي و العربي .. من ناحية تامين السيارة


up 1 down 0
the shark 997 82
قبل 7 سنه و 2 شهر



اخوي ميدو حنا اصلآ ماخذين فكره ان السياره اذا صارت تالف البنك يعطيك سياره بديله وهذه خطأ ويمكن اول كان نظامهم
كذا بس اللحين لا .. مثل ماقلت لك يحسبون قيمة السياره قبل وبعد والفرق تدفعه انت هذا اللي ماشي في الراجحي  واظن
اغلب البنوك كذا .. بالنسبه لكلامك " تقول راحت الفلوس ايجارات وادفع الفرق " الاجاارات هذه مدة استخدامك للسياره اساسآ
حتى لو السياره بالورشه او بالوكاله تتصلح لو تبقى بالوكاله 6 شهور بالوكاله قصدها ماشي مايوقفها البنك الا اذا كانت تالف
اما بخصوص الراجحي انا موظف فيه ماعنده تنازل وتكافل الراجحي على الاغلب اسوء تأمين فيه مرمطه ومماطله ..
الفرنسي مدري عنه بس توهّ بادي بالاجاره على مااظن اما العربي هذا افضلهم بس عنده ضريبة التأخير هي المشكله والثانيه
اذا بغيت تفويض خارجي تدفع مايُقارب 200 ريال رسوم تفويض ..زررف عيني عينك


up 3 down 0
الالنتراوي 5150
قبل 7 سنه و 2 شهر



الايجار المنتهي بالتمليك كل شروطه مع الشركة وضد العميل.


up 1 down 0
أبوعمر 99 1043
قبل 7 سنه و 2 شهر



عموما البنوك باستثناء الراجحي نسبتها أقل من الشركات لان الشركات تاخذ من البنك وتاجر لك يعني بتربح طرفين
اما اذا عن طريق البنك الشركة مالها علاقة
وفي النهاية العروض المتوفرة تحكم


up 1 down 0
albroker99 742
قبل 7 سنه و 2 شهر



الله يكتب اللي فيه الخير . و بيض الله وجهكم و ما قصرتوا


up 0 down 0
the shark 997 82
قبل 7 سنه و 2 شهر



اشرد من الراجحي


up 1 down 0
ابو فهد ابوبدر -36
قبل 7 سنه و 2 شهر



خوفتوني انا راتب يعلى الراجحي ومقدم على سيارة من هيواندي من الراجحي

معقوله مافيه تنازل ؟؟؟
وبالنسبه للتأمين يعني افهم من كلامكم ماراح يصلحون السياره ؟ طيب لو جيتهم بطرق نظاميه ولعنت خيرهم زي مايقولون هل فيه نتيجه ؟
لكن الراجحي اقل بنك لعرض الهيونداي حيث ان النسبه طلعت 29% لخمس سنوات شاملة التأمين


up 0 down 0
goodhearted 130
قبل 7 سنه و 2 شهر



و الله زي ما قالوا الشباب . الراجحي ما يخليك تتنازل و تسددها كاش 
و التأمين سيء جدا . لقيت واحد في النت .. يقول سيارته لها 7 شهور 
وﻻ صلحها و هي على تأمين الراجحي .. 
انا راتبي في الراجحي . وﻻ فكرت اخذ من الراجحي . عشان كذا نزلت الموضوع و اسأل
و فكرتي بتكون على العربي . بس يحول راتبي عليهم عشان تنقص اانسية


up 0 down 0
the shark 997 82
قبل 7 سنه و 2 شهر