صدمت والحمدلله على قضاءه وقدره .ابي تقديراتكم

25 12

لايمكنك التصويت حتى الحصول على 20 نقطة على الأقل
إضغط هنا للإخفاء

m11013 923
قبل 10 سنه و 6 شهر

السلام عليكم ..



ماودي اطول مقدمات وغيره نفسيتي زفت ...

المهم انا كنت طالع ادور لي عشا قبل 3 ساعات وماحصلت المهم رديت البيت وفي الطريق
شفت الاشارة  ولعت اصفر والعداد 3 ثوان المهم قلت كلها 50 متر وانا ماشي 80 شديت يوم نص السيارة تعدى الخط

ولعت احمر ومشى الطرف المقابل فيه سيارة فرمل والا تدعس صادم صادم وكل الحالات بتضرر
مامداني افكر بكم كلمة الا الدنيا دخان واصوات الكفرات والبواري وضربات والارض ترجف تحتي والارباقات بوجهي

السيارة ترتفع وتنزل ثواني وهجد كل شي اطالع حولي ... والله ماني مصدق اني حي ثواني والله كأنها ساعات
المهم كان في مجموعه يحاولون يفتحون باب السواق اشرت لهم ان مافيني شي وطلعت من باب الراكب

نظرت الا انا بعيد عن الاشارة اكثر من 60 متر كيف؟ مادري والا اثار طلعتي ع الرصيف وعقدة مدري عقدتين

رحت للطرف المقابل ونا مادري وين اودي وجهي منه... الحمدلله هو سلم كمان بس الوجهيه عنده ويمكن الاديتر والايرباقات طلعت

نص ساعه وجا نجم وخلصنا الاجراءات ورميت السيارة في ساحة جنب التقاطع ورجعت البيت ,وانا اتمنى لو كان ساهر موجود هناك

خلاصة الموضوع لاتستهين بالضو الاصفر والله انه نكبة ... والله لايوريكم مكروه بسياراتكم وانفسكم



وبسألكم :انا  عندي كفر امامي يسار راح وطي وكفر خلفي يمين انعوج على جوا
والجنب الايسر الابواب ماتفتح ومحكوكة وداخله شوي على جوا والارباقات طالعه.

كم ممكن تكلفني؟؟
الجزء الايمن والامامي والخلفي والداخليه والمكينة ماجاه شي وهذا خلاني اول ماطب البيت اسجد شكر حتى زيت المكينة رغم طلعة الرصيف ماهرب
وكل من مر قال:والله انه شي ينحمد عليه سيارتك على طلعتها الرصيف على جنب كان المفروض تنقلب
والله للآن برجفة الحادث وانا اكتب...

عذرا ماصورت السيارة عشان التقدير لكن مافكرت بشي وقتها

أخيرا: لاتستهينوا ي اخوان بالضو الاصفر مو لعيون ساهر لعيونكم والله اني مغتم يوم رجعت البيت وشفت الوالده مهمومة
لانها قالت لي م يلزم تطلع عشان عشا بذا الوقت ..

خلك على النظام والله ماوضع النظام عشان ينهبك والا يتكسب من وراك والله اني نادم لكن الكلام بالماضي نقص خلاص قضاء وقدر


والله لايوريكم مكروه بانفسكم..

اتمنى تعطوني تقديرات التصليح.

إبلاغ

الردود