أضف سؤال أو موضوع جديد          

صدمت والحمدلله على قضاءه وقدره .ابي تقديراتكم

up 25 down 12
m11013 927
قبل 4 سنه و 11 شهر



السلام عليكم ..



ماودي اطول مقدمات وغيره نفسيتي زفت ...

المهم انا كنت طالع ادور لي عشا قبل 3 ساعات وماحصلت المهم رديت البيت وفي الطريق
شفت الاشارة  ولعت اصفر والعداد 3 ثوان المهم قلت كلها 50 متر وانا ماشي 80 شديت يوم نص السيارة تعدى الخط

ولعت احمر ومشى الطرف المقابل فيه سيارة فرمل والا تدعس صادم صادم وكل الحالات بتضرر
مامداني افكر بكم كلمة الا الدنيا دخان واصوات الكفرات والبواري وضربات والارض ترجف تحتي والارباقات بوجهي

السيارة ترتفع وتنزل ثواني وهجد كل شي اطالع حولي ... والله ماني مصدق اني حي ثواني والله كأنها ساعات
المهم كان في مجموعه يحاولون يفتحون باب السواق اشرت لهم ان مافيني شي وطلعت من باب الراكب

نظرت الا انا بعيد عن الاشارة اكثر من 60 متر كيف؟ مادري والا اثار طلعتي ع الرصيف وعقدة مدري عقدتين

رحت للطرف المقابل ونا مادري وين اودي وجهي منه... الحمدلله هو سلم كمان بس الوجهيه عنده ويمكن الاديتر والايرباقات طلعت

نص ساعه وجا نجم وخلصنا الاجراءات ورميت السيارة في ساحة جنب التقاطع ورجعت البيت ,وانا اتمنى لو كان ساهر موجود هناك

خلاصة الموضوع لاتستهين بالضو الاصفر والله انه نكبة ... والله لايوريكم مكروه بسياراتكم وانفسكم



وبسألكم :انا  عندي كفر امامي يسار راح وطي وكفر خلفي يمين انعوج على جوا
والجنب الايسر الابواب ماتفتح ومحكوكة وداخله شوي على جوا والارباقات طالعه.

كم ممكن تكلفني؟؟
الجزء الايمن والامامي والخلفي والداخليه والمكينة ماجاه شي وهذا خلاني اول ماطب البيت اسجد شكر حتى زيت المكينة رغم طلعة الرصيف ماهرب
وكل من مر قال:والله انه شي ينحمد عليه سيارتك على طلعتها الرصيف على جنب كان المفروض تنقلب
والله للآن برجفة الحادث وانا اكتب...

عذرا ماصورت السيارة عشان التقدير لكن مافكرت بشي وقتها

أخيرا: لاتستهينوا ي اخوان بالضو الاصفر مو لعيون ساهر لعيونكم والله اني مغتم يوم رجعت البيت وشفت الوالده مهمومة
لانها قالت لي م يلزم تطلع عشان عشا بذا الوقت ..

خلك على النظام والله ماوضع النظام عشان ينهبك والا يتكسب من وراك والله اني نادم لكن الكلام بالماضي نقص خلاص قضاء وقدر


والله لايوريكم مكروه بانفسكم..

اتمنى تعطوني تقديرات التصليح.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


جزاك الله خير على نصائحك النافعة
هذا لاقالوا سل مجرب ولا تسأل طبيب




up 0 down 0
ابو ابراهيم114 79
قبل 3 سنه و 11 شهر



الحمد لله على سلامتك نفس قصتي قبل سنه نفس الحكايه 
المهم اعتبر سيارتك سليمه 60 % دام الزيت ماهرب ولا يغرك شمعه مكسوره وصدام وشبك 
اهم شي الديترات مكيف وحراره والشاص الحديد حق السياره منعوج والا لا والمكينه دامها ماهربت 
كويس بس لا تشغل السياره غالبا يكون الجربوكس يهب من جوت الصوفه فما يبان واذا شغلتها يخبط 
انا شاص منعوج وارباقات ظهرت ومكينه هربت وجربكس ضرب وكلها والسياره لكزس 400 موديل 2000 
اشتريتها والناس تحذرني قطعها غاليه وحالتك الماديه م تسمح المهم جمعت كم قرشين خلال 3 شهور وادور قطع تشاليح وارخص سمكري والراقات قطعتها بالسكين وشرطنت محلها 
وماكلفني السمكري 3000 مع الكهربائي وقطع من يمين ويسار تشاليح صدام شمعات لديترات مراوح كشافات كرتير عدلته كراسي مكينه وجربكس كلها كلفتني 3 الاف ﻷن قطع الكزس نار 
المهم خلص الشغل كله خلال 20 يوم مشيت حق ابو 3 كيلو الا السياره ادعسلها ماتدعس وشغاله وقفتها رجعتلها للصناعيه اليوم الثاني طلع الجربكس ظرب كان يهرب داخلي وظبته ب 2200 
كلها كلفت 8800 مع السطحات والمشاوير وزيوت 


up 0 down 0
1 سمو الأحساس 1
قبل 2 سنه و 11 شهر