سداد القرض واستهراج قرض عقاري

تطلع قرض عقاري وتدبس 25 سنة ..

اقل نسبة ربح في العقار هي 3% طيب 3*25= 75% والتسديد هرمي يعني السنوات 11 الأولى راح تسدد الفوائد بعدين تسدد القيمة اللي اخذتها منهم وهالبند مكتوب في العقد وكل البنوك تتعامل به ...

انا الحمد لله مقدم على البنك العقاري من 9 سنوات واللي قدامي الحين 11 فقط والحمد لله ,, انت قدم على برنامج اسكان وامسك سرى وربي يكتب اللي فيه الخير لك

نصيحة لاتدبس عمرك في قروض عقارية والله لتندم

هلا اخوي انا كنت مثلك ادور احد يسدد قرضي ويطلع لي قرض عقاري بس اكثرهم يقولون انها ربا في ربا يعني بتحصل واحد يسدد قرضك وبيأخذ عشرين الف فوايده بدون سلعه يعني ربا عيني عينك ولو تبي روح اي مكتب عقار بتلقاهم بالهبل والله يرزقنا ويرزقك ويرزق الشعب السعودي بمنزل احلامهم

عليك بالاستخاره اخي والله يرزقكـ بالرزق الحلال الطيب 

لا تستعجل اخوي راح تتغير اشياء كثير في شهر شوال حيث يبداء صرف الوحدات السكنية الخاصة بالبنك العقاري
وسوف ينزل العقار وتتغير حجات كثير لا يتوقعها احد حسب اراى كثير من الناس

يبن الحلال شبعنا وملينا من هالسواليف بيسوون ويفعلون الحين انتوا تشوفون انه منطقي ان الرجال يدفع 100 الف كل 4 سنوات على بيت مايملكه هاذا الاجار وهاذا اللي ضيع ربعنا توني صغير بنتظر بفعل ولين كثيروا عياله ماعاد قدر يتصرف حزتها لين فات الفوت ماينفع الصوت ... اسمع الكلام اللي يجمد على الشارب ومن اخو مجرب وعارف اهم ماعليك البيت جعلهم ياخذون نسبة ايش لكن مردك بعد 20 ولا 25 سنة بتملك البيت لك وتقدر تستفيد من الشقق اللي فوق اذا كان البيت فيه نظام شقق تأجرها وتدخل عليك مبلغ كل نهاية السنة وبكذا ترتاح من اجار وكل سنة تحط لك 20 ولا 25 وتضيع دراهمك على الفاضي ...

وترى نفس المبلغ اللي بتدفعه في الاجار بتدفعه في التمويل العقاري اللهم ان التمويل اعلى شوي لكن على شي لي ملكي حلالي

اخوي a.ibrahem
ربما انك لك زمن تنتظر البنك العقاري باين من ما ذكرت ولاكن انا ذكرت فقط الي شهر شوال راح تتغير امور كثيرة
ان شاء الله .
ولا اختلف معك في ما ذكرت ابدا"يا ليت وضحت الفكرة اخ ابراهيم وسلامي لك