اعتقد والله اعلم مجرد شكليات للسيارة
تقبل مروري :)

وعليكم السلام ورحمة الله وبركاته ،،، هذا الهوائي يجي على السيارة المستوردة، أعتقد أنه لجهاز لاسلكي شبيه للكنود، غالبا يجي على السوبربان واليوكن والتاهو والفانات، لاحظت أنه مايجي على السيارات الصغيرة مثل الفورد ,,,

حبيبي اتذكر واحد قال هاذي للإرشاد حق الطرق بأمريكا

اللي تضغط على زر وتقول اسم المنطقه او المكان اللي بتروح له عاد النظام يرشدك على افضل طريق بعيد عن الزحمام و من ناحية المسافه 

شفتها في فلم امريكي فهمت الفكره 

طبعا هنا ماتستفيد منه نهائياًً

ان شاء الله اكون افدتكم وبالتوفيق.....

هـذا الجهـاز يجي على السيارات وارد امريگا له فايدة لگن بأمريگا مو بالسعودية  

مااعتقدله فايدة بس لكل شركة فنياتها في وضع لمسات جمالية لسياراتهم وانسيابياتها

فائدة هذا الاريل انه تبليغ في حال الكوارث لاقدر الله من جهاز اتصال هاتفي بالطوارئ من خلال
 ألأقمار الصناعية ويوجد هذا الجهاز في المراية الوسطى على الزجاج الأمامي للسيارة

اجابات غير مقنعة
؟
؟
؟

الانتينا هذا يخص النداء الاستغاثي SOS عبر الاقمار الصناعية والراديو الستلايت

لان بامريكا مايتعاملون مثلنا بالشبكات الارضية الا بالمدن ... اما خارج النطاق العمراني كلش اقمار صناعية للراديو وجي بي اس للاستغاثة

الاخ هيمي hemi ksa ماشفنا جوابك :) ممكن يكون مقنع ؟.........

كلام ياسر505 صحيح
وانا قرأت عنها في احدى مواقع السيارات الامريكية
لذلك مالها اي فائدة عندنا في السعودية وتقدر تشيلها لو حبيت... بس مدري هي مثبتة بمسامير والا غيرها

هذا الله يسلمك يجي في الجمس يوكن اة أكس ال شفر تاهو سوبربان  في الأمريكي وهو في نظام في أمريكى المساعده على الطريق والنجده تلقاه بالمرايا علامت زائد وحق ال GPSوحق النور إلي يشتغل جنب حق الإشاره 

تقدر تشيله وبتلقى محله محفور بس نصيحتي خله أزين

هذا فايدته بأوروبا ، بينما بالشرق الأوسط عديم الفائدة 

هذا هوائي ، تستطيع الاتصال بمركز الصيانة [الوكالة] وتحديد موقعها جغرافياً وعلى خطوط الطول والعرض ، وتوجيه فرقة الصيانة 
للموقع  ، وعند الاتصال لايطلب منك شيء ابداً كموقعك او اسمك او نوع المركبة ، فمجرد كبسة زر تكون جميع بيانات المركبة واضحة لدى مركز الصيانة

اخبر اخوي انه حق gbs

مثل ماقالو فوق هذا نظام في امريكا لو تعطلت سيارتك يحددون موقعك وتقدر تتصل على الوكاله يجون يصلحونها لك

اخوي هذا اذا عندك جي بي اس 
هذا هو الاريل حقه

منه فايدة ياخوان بس تسجلون في موقع هيئة الاتصالات وتقنية المعلومات وتدفعون رسوم سنوية خمسين ريال فقط


هذا رابط لكل من يقول ماله فايدة في السعودية العالم تطور يالربع هههه


إجراءات تسجيل طلب أجهزة إستغاثة للأفراد


http://www.citc.gov.sa/arabic/RulesandSystems/RegulatoryDocuments/FrequencySpectrum/Pages/CITCTermsAndConditionsForRequestOfDistressEqupment.aspx

هذا آريل حق الراديو و بس موجود بعد في السيارات الكورية مثل الفيلوستر و هذا بديل للأريل التقليدي ابو عصا