السيارات الجديده هل تتمرن ولا شغل وامش

التمرين باختصار لا تشد على السيارة يعني امش 100 تلاحظ الضغط على 2 عادي 

والمكيف م له دخل 

لكن انك تتسارع وتتقاوم فيها لا هنا مشكله ..  

خلك راكد وانتهينا علشان لا قدر الله صار عيب بالسيارة م يتضاعف 

انا شغلت المكيف عادي بس ما ضغطت عالسيترة اكثر من 100 مامشيت

حسب الكاتالوج
السيارة لازم تتمرن ( فترة التليين )

لكن الطريقة الصحيحة للتمرين
1- تجنب التسارع المفاجىء
2- تجنب الوقوف المفاجىء
3- لاتمشي على سرعة واحدة 

يعني عادي تمشي بالسيارة على أي سرعة وانت مشغل المكيف لكن تكون السرعة تدريجية

غير صحيح ان السيارة ان فترة التمرين لاتعدي 100والضغط لايعدي 2
بل يجب ان يسرع احيانا حتى تتعود المكينة على جميع السرعات
المهم هو التسارع التدريجي والتوقف التدريجي يعني خل رجلك خفيفة على البنزين

ايضا ماتنفع تمسك خط سريع وتثبت السرعة وتمشي لين تخلص التمرين
يعني سوق داخل حواري وفي خط سفر يعني نوع في السرعات

الله الحامي انافكيت موترين جديده الحمدلله المكيف في بطنها والسرعه اول اسبوع اوصل 140 لازم بالتدريج عشان مكونات السياره جديده البلاستيك الحديد ماتعرض للحراره اذامشيت عليها بسرعه فجائه راح تشم ريحة حرق ويمكن تخلعك اذااول مره تشتري موتر جديد

التمرين للالف كيلو عندنا.   وفي امريكا الف ميل لاختلاف الاجواء والحراره 

اخوي بختصار لا تضغط للسياره  لا تدوس البنص كله خل الضغط يوصل 2 او 2 ونص وغير نمره 
ولو تبي تمشي فيها 200 امش عادي ماعليه شي ان شاء الله بس اهم شي خل السياره تجيب السرعه الي تبيها بالراحه  
وشغل مكيف واستانس بسيارتك والله يبارك لك فيها وخل عنك الوسوسه ...
كان معي مكسيما 2011 فاكها وكاله  طلعتها من باب الوكاله ومشيت عليها 200 والحمد الله جلست معي سنتين ونص ماغيرت غير زيت وفحمات  وبعتها لخويي ووصل ممشها الحين 150 الف ولا اشتك من شي الحمد الله 

والله يا اخوان ولد عمتي مطلع جديدة اوريون 
طلعناها من الوكالة وهي ماشية 32 كيلو

ومباشرة سافرنا بها من الوكالة طقينا طبلونها لين فصلت ع 215 

ولها شهرين الحين ماشاءالله تبارك الله مافيها شي وديناها الفحص قالو كل شي تمام 

برضو سيارتي كورولا جديدة مشيت ع سرعة 100 لين مشيتها 300 كيلو تقريبا وطقيت طبلونها 220
لها سنة وشوي الحين ماشاءالله تبارك الله ماتشتكي من شي 
واعرف كم شخص مامرنو ولاشي  مشو بها عادي كأن معهم سيارة مستعملة 
السيارات تجي ممرنة جاهزة 
وكل واحد وكيفه يبي يدعس والا يبي يمشي بشويش عادي مافرقت

والله يوفق الجميع

تمرين السيارة لأول الف ميل مهم جدا وماعليك من اللي يقول مو لازم . راجع كتيب الوكاله وبتحصل اشارة لهذا الموضوع . كل السيارات لها فترة تليين . وتشغيل المكيف عادي مايضر . اهم شيء ابعد عن ضغط المكينة العالي وعن السرعة العالية والتباطؤ القوي .

حسب كتيب الوكالة بأن التأثير في حالة عدم التمرين يظهر على السيارة مستقبلا .