.. رايكم ياشباب اوبترا 2009 ..

ابعد عنها مشاكلها واجد ارشلح لك يارس او اكسنت

شكلها مصدومه شوف الصدام من الداخل خلف الكفر مافيهه بطانه 

المشكله يا تأملت اني على قد حالي والفلوس ماتكفي ..☺

تبي موتر كرف خذ اكسنت موتر قلق خذ اوبترا 

طيب ياسكودر مايمديني اتصبر عليها كم شهر والسرعه على 120 ..؟

يعني رايك ياابراهيم التركي اهون عن الأوبترا مايمديها تصبرني كم شهر ..☺

تبي العلم الاكيد كانت معي وحده ٢٠٠٦ وقعدت معي ثلاث سنوات 
والله يا كنت كارفها كرف الحمير واتحدي اي واحد يقول انه الاكسنت اقوي ولا ارسي اتحداه والله يا الاوبترا انها ارسي واقوي حتي اخوي يوم شافها معي طقله بوحده ٢٠٠٧ وكدت معه بس اهم شي وديها كمبيوتر واكشف عليها اذا نظيفه شيلها وتوكل علي الله 

اكسنت أو يارس
غيرها لا تدور في هالفئة 

قطع رخيصة وصيانة سهلة وخدمة وشعبية في السوق 

اخوي سعرها مناسب وحلوة بس افحصها ومكينتها 1.6

اخوي بكم سعرها لاني اظنها 15 الف 

ابعد عنها نصيحة هي والافيو والابيكا هذول الثلاثي المرح ههههه تراها من دايو الكورية اللي فلست وقفلت زمان بس حاطين شعار شيفروليه خراباتهم كثير 
خذ بدالها النترا او سوناتا

لو صملت عليها ومرة قفلت بوجهك ولاتقدر على غيرها بقلك كم طريقة لفحصها بحكم تجربتي معها:

-شغل السيارة وامش عليها 120 لمدة ماتقل عن 30 دقيقه وانت مشغل المكيف ع2-3 وبعدين روح لطريق كله زحمة ويطول الزحام فيه وامش فيه وانت مشغل المكيف
بعدين وقف وطف السيارة وانتظر ربع ساعه( هذي الطريقة تطلع لك عيوب الحرارة والتهريبات الواضحة ) لان الافيو والاوبترا حرارتهم سالفة


ثانيا-دبل الدعسة على سرعة 60 للاخر اذا السيارة مكتومة او الار بي ام ماجاوب معك لين 5000دورة ع الاقل اعرف ان فيه بلا في عزم االموتر عاد على حسب

ثالثا-روح للمطبات واطلعها شوف هل فيه طقطقه وعطعطه؟

رابعا-تأكد من قزاز الابواب لانه غالبا يخرب بسبب القطع التجارية في السيارات ذي

خامسا-اامش على سرعه 100 وافلت الطارة شوف فيه حذفيه او امش بنفس السرعه وافلت الطارة وامسك فرامل وشوف (لاتسويها بشارع مليان وتجيب العيد ههههههههههههههه)

سادسا-وقف السيارة وحطها في N وافتح الباب وادعس بنزين ع خفيف وركز زين هل في اصوات مع الدعس ؟ كصوت خشخشه او رمان

سابعا-شيك على بطن الموتر لانه بيحكي لك واقع كبير اذا ماكان مرشوش لو في تهريب زيت او ماء او صدا


أخيرا هذا من اجتهادي ومن تجربتي للسيارة واللي واجهني معها ان اصبت فمن الله وان اخطأت فمن نفسي , واتمنى لك سيارة افضل منها بسعر افضل 

,, اشكر كل من رد وعلق والعجله على قولتهم شينه الزبده اني صملت على الأكسنت ..☺

ياابراهيم التركي فلوسي 15الف وانا من بريده ..

ابعد ابعد مساكلها الى قبل 

ي رجال معي وحده 2006
ماشيه معي تمام التمام 
بس قطع استهلاكي 
مثلها مثل اي سياره 
والبنزيم اقتصادي 
والعزم ممتاز ع حجم المكينه 
اللهم العزل الهوائي لك عليه