انتبه من نظام ABS

موضوع في مكانه و كلام من ذهب و مشكوور +1

اهلا


ادكر اول مره اسوق سيارة فيها ABS كانت كامري 2000 امريكي

وما عجبني !

متعود على السيارات العادية ما يفك البريك الا ادا شلت رجلك من الدعسه

اما ABS  يفك و يشبك ورى بعض 

في البداية فكرت ان بالسيارة فيها مشكلة بس بعدين علموني انها ميزة بالسيارة !

صرت ما اامن اللحم في احد اخاف يغدر بي

لأن لو تضغطه فجأة بقوه يفك وعلى ما يشبك الا و انت ضارب السيارة الي امامك


بس الحين تعودت عليه سقت بعد الكامري سيارات كلها فيها ABS

abs هو نظام منع الإنغلاق للفرامل بحيث يساعد على المحافظة على السيطرة والتوجيه للسيارة اثناء الفرملةebd هو نظام الكتروني لتوزيع قوة الفرملةو هذه الأشياء ضرورية و ليست من الإكسسوارات التي يمكن الاستغناء عنها ..

الABS هو منع انغلاق المكابح

يعني لو انك تمشي ودعست الفرامل على الآخر ماراح يمسكن (يجمدن) الكفرات الأمامية عشان تقدر تتحكم بالسيارة وماتنزلق واذا لفيت الدركسون تلف معاك وبدونه راح تنزلق السيارة خصوصا بالأسطح الزلقة واذا لفيت الدركسون ماراح تتجاوب ورات تستمر بالعبور للأمام بشكل مباشر وراح تتعرض للإصطدام

الEBD
هو نظام توزيع الفراملة الامامية والخلفية بشكل متوازن على حسب الوزن لسيارة

يعني لو انك محمل بالسيارة اشخاص واغراض كثيرة راح تلاحظ نزول السيارة من الخف وارتفاعها من الأمام
وبكذا راح تكون السيارة كفراتها الامامية مو ملتصقه بالشكل المطلوب بالارض ومع اي ضغطه للفرامل قويه رح تمسك الكفرات الاماميه وكذا تنزلق السيارة
وظيفة هالنظام في هل الحالة يخخف الكبح للفرامل على الكفرات الاماميه ويزيده بالكفرات الخلفيه لثبات اكثر وتجاوب اكثر من قبل الفرامل

الالتيما الاستندر فيها جميع انظمه الثبات ال٥ انظمه وبسعر اقل من منافسيه

هذا النظام ABS كاد ان يقتلني انا وابن خالتي 
السيارة شاص 2013 فيها نظام ABS وهي لرجل خالتي اخذها ابنه والسيارة لم تقطع غير 3000 كم والسيارة القديمة شاص ايظا 2009 وهي من يقودها ابن خالتي المهم لم يكن يعلم عن هذا النظام وكنا بالبر ومسرعين بعض الشيء لكي نلحق على العشاء وبنفود واجهنا قص ضرب الفرامل كر كر نسمع هذا الصوت ولا تمسك بحكم ABS ويجيك الشاص على وجهة والحمد لله تظرر الصدام الامامي فقط وكدمة بسيطة بذراع ابن خالتي  

الامان بيد الله 

اشكر الجميع على ردودهم وتقييمهم واضافاتهم.


اخوي سكر, اللي تتكلم عنه غير اللي اقصده.
اللي تتكلم عنه هو قصور تقني في نظام ABS بحيث انه لايهمه نوع الارض..اهم شئ عنده الكفر مايزحلق>>
تم حل هذه المشكلة "نوعا ما" من خلال تقنية TCS وفي حالة تويوتا تسمى A-TRC والتي يجب تفعيلها يدويا في اغلب السيارات.

اخي بالنسبة للكورولا 2012 ماعندي علم..

بالنسبه الي يسال عن كورلا 
ايه نعم فيها النظام.

بصراحة هالنظام ممتاز لان فيه ميزة وهي تقدر تتحكم في الطارة اذكر مرة طلع علي سيارة من الحارة الله يهدية وادق فرامل وقدرت الف عنة اما لو كانت بدون هالنظام مايمديك لان الفرامل تزحف 

وطبعا مثل ماقال صاحب الموضوع لا تعتد وتتهور وانما اعقلها وتوكل 

جزاك الله خير صاحب الموضوع 

أنا كيفت على كلمت تشمع لك لايك