ماهو المطلوب لاستخراج رخص قياده اول مره

اخوي اذا عمره 17 يعني يطلع تصريح ماهو رخصه 
والتصريح يبقى حتى سنه وبعدها يجددها لرخصه
طبعا لبغا يجددها مايحتاج يختبر على طول يروح للمرور ويعطونه الرخصه
والتصريح مثل الرخصه بالتممام والكمال يقدر يروح وين مايبي

بالنسبه للاشياء اللي لازم يجيبها معاه
اول شيئ صورة شخصيه له 4 في 6  تكون 3 صور تقريبا
ملف اخضر وهم راح يعطونه ورقه يعبيها يعني بيانات ومن هالكلام
وراح يعطونه ورقه يروح للمستشفى يشوف فصيلة الدم
والله هاذي اللي متذكرها بالضبط
وبالنسبه لك لايلزم حضورك عادي يقدر هو يجي لحاله واذا تبي تجي مافيها مشكله
وبعدين اذا ماخاب ظني تدفع للمرور 500 ريال 

بالتوفييق واي سؤال انا حاضر

ياخوي 17 ماتقدر تطلع رخصة السن القانوني 18 سنة 

17 سنة تقدر تطلع تصريح مثل الرخصة لكن داخل المدينة بس 

زي ماقالوا الاخوان 17 يطلع تصريح (رخصة مؤقتة) حتى يتم 18 عام 
طبعا يروح للمرور قسم الرخص 
يطلب انه يبي يستخرج تصريح قيادة بيعطيه ورقة هاذي طال عمرك تاخذها الى مدرسة تعليم القيادة 
وطبعا المدرسة بيعطونك ورقة تروح اي مستوصف تسوي كشف طبي ماتاخذ منك اكثر من دقيقتين 
وقبل ترجع لهم خذ ملف اخضر و 5 صور شخصية ضروري 
ورسوم مدرسة القيادة اعتقد 443 او 434 ريال 
ولمدة خمس ايام منها يحظر محاظرة و يتعلم في الميدان ع السيارة وبعد مرور خمس ايام تحصل التصريح جاهز 
عند المرور ..قسم الرخص ورسوم المرور 20 ريال خفضوها كانت 100 ريال 
اتمنى اني افدتك اخوي تحياتي لك..

المطلوب الي يطلع لي رخصه له 5000 مخالفاتي 15

الف شكر واحلى لايك للجميع اعرف انه تصريح وسؤالي الاوراق المطلوبه وهل يلزمه حضور خمس ايام كامله

حسب ماعرف انه لازم يحظر عشر محاضرات
يعني لو يجيهم الصباح والعصر يخلص بخمس ايام 
ولو يجيهم باليوم مره وحده يخلص بعد عشر ايام 
ولايلزم حضوره ايام متتاليه يقدر يخليها متقطعه
خمس مرات محاضرات وخمس ايام تدريب
واحد من الايام اللي هو الاخير موعد الاختبار
والاختبار يكون مثل اللي يبي ياخذ رخصه بالتمام والكمال 

-خليه يجيب معه صور شخصية خلفية بيضا تقريبا 4 صور وخليه يشيل زيادة
-صورة الهوية الاصل ( وخليه يصور من برا صورتين او ثلاثة )
تعبئ نموذج الحصول على الرخصة تلاقيه عن الاستقبال
-لازم يعرف فصيلة دمه - راح يتم الكشف عن النظر

بعد كل هذا الاختبار المبدئي اللي راح يقيمك فيه العسكري
اذا احذت تقييم أ حيكون عليك فقط رسوم الرخصة
سنتين 80
5 سنين 200 ريال
10 سنين 400 ريال

قبل لا تدخل الاختبار طبعا تسدد (النهائي)

اذا العسكري قيمك ب راح تدفع رسوم دراسه 5 ايام 425 ريال

يبن الحلال خذ العلم مني دراسه 5 ايام ويدفع 425 ريال حق مدرسه دله.. ومو لازم يجي كل يوم على حسب وضعه .. ويدفع 400 ريال حق رخصه 10 سنوات واخر يوم هو اختبار نهاىي ..

اذ ا فشل الله يعوضه راحت عليه 500 
وملاحظة مهمة التصريح في السعودية فقط واذا طلعت فيه لدول الخليج او اي دولة سيتم اعتقالك وهذا الكلام من صحيفة