إستفسار عن رش الجنوط أسود لماع دائم ... ؟

مالك جيه للقصيم

في محل الحسون بعنيزة حط جنوطك عنده وارجعله بعد اسبوع ممتاز جدا

غير هالمحل لا تدور لانه محترف بقوة

وفي جنوط اسمها لكساني هالجنوط من الاساس لونها اسود لماااع


وهذا هو رابطها

LEXANI® R-EIGHT Wheels - Black with Chrome Lip Rims



طبعا الطلب من الخراج وصراحة سعرها قاهرني لاني كنت ابطلبها

يا طويل العمر ما دام إنك من الطايف..روح للسواط وأكيد إنك تعرفه..وخله يرشها اللون اللي تبغى..
لكن عندي وجهة نظر بسيطة..لا ترش أسود..
رشها رصاصي غامق..أفضل من ناحية الشكل..

بس أهم شيء..خله يصنفر الرشة الأولى..لين يروح اللون الأساسي وبعدين يرشها..
ولا تستعجل عليها..خلها تجلس في الفرن يومين أو ثلاثة أيام بعدين طلعها..

.bmw. : للأسف والله مالنا جية للقصيم ... وما عندنا بيزات وانا اخوكـ نطلب شركات ولا هيا راودتني الفكرة , الف شكر حبيب قلبي
sultan-07 : اكيد اعرف السواط ... لكن بالعكس انا ودي باللون الاسود افضل ورياضي ... وايش تقصد بصنفرة اللون الأول يعني يزيل اللون الأول بالتقشير أو كيف ؟ ... وما قلتلي دام ان عندكـ خبرة "كم تكلف الشغلة؟"

موليا..
القصد من الصنفرة هو إزالة اللون الأصلي للجنط..يعني لا ترش فوق لون الوكالة...أنت قول لهم لازم تصنفرون الجنوط لين يروح 
اللون اللي فيها..لأنك لو رشيت فوق اللون الأساسي..ما بتكمل أسبوعين بالكثير إلا والبوية متقشرة وتجيك حواف الجنط لون..والباقي
لون ثاني..
أما السعر..فأنا رشيت 5 جنوط لومينا بـــ500 ريال عند السواط..وجلست عندهم 3 أيام..
ولو تروح لورش ثانية بيرشون لك بحدود 200 إلى 250 لكن شغل أي كلام

المعذرة وأنا أخوك..ما أعرف أوصل المعلومة صح..عساك فهمت قصدي بالصنفرة..!!!

الله يرزقني ويرزقك ويرزق كل زوار وأعضاء المنتدى33مليون ريال سعودي لكل واحد نفر..قولوا آآآآآمين

sultan-07 : يا شيخ ربي يسعدكـ دنيا وآخرة قول آمين ويرزقكـ مو بس 33 مليون الا 80بعد ... بس ما قلتلي إستمرت عندكـ الى الآن ما راحت البوية يعني كللوا تمام ؟

تبغى الصراحة...لا..!!
جلست تقريبا شهرين وبعدها بدأت الآثار لكن على خفيييييييييييييييييييييييييييييييف..وما تشوفها من بعيد..لازم تقرب وتلاحظ
خصوصاً حواف الجنط..وحواف المسامير..
مع العلم إني كنت أسافر أسبوعياً على السيارة من الطايف لأبها ومن أبها للطايف ومن الطايف للرياض..المهم الخميس والجمعه لازم 
أمسك خط ولا ما أرتاح

^^^
اووووووووه كذا والله هزيتني !!! ... والله مشكلة يعني راح تظهر الآثار عاجلا أم آجلا ! ... طيب اخوي سلطان وش نصايحكـ انا ابغى الجنط يكون اسود لماع بالقووووة ! ... طيب تنصح بالبخاخات وهل في منها لماع ؟ ... طيب اخوي سلطان لكـ حساب على الفيسبوكـ ياليت تضيفني عشان نسولف هناكـ براحتنا http://www.facebook.com/RKA003

موليا..
هههههههههههههههههههههههههههه
أخوك طعس كبير ولا يفهم في الفيس بوك والحاجات هذي..إذا تهورت فتحت المنتدى..ولا اليوتيوب..
عموماً..
إذا تبغاه لماع بقوة..فول لصاحب الورشة يزود (اللكر)..واللكر هو مادة تضاف إلى اللون لزيادة اللمعة..

-البخاخات<<هذي أيام الكرسيدا كانت تنفع..أما الحين ما تنفع بريال واحد..

^^^ ههههه الله يهديك ، ذحين القصة ماهي على اللماع ولا لا المشكلة في انك الان حيرتني لان الآثار راح تطلع ذحين ولا بعدين ، فوالله محتااار ومصمم اسويها في نفس الوقت ، فآخر كلام اخوي سلطان تنصح اسويها ولا لا ؟

ياخي تبغى الكلام اللي ملحه فيه..

لا تسويها...ماهو علشان الآثار....أصلا الاثار تعتبر عادية جدا ولا تأثر على الشكل العام..

لكن صدقني لو تسويها...بتجلس فترة بعدين تحس إن شكل السيارة غبي وترجع ترشها فضي من أول وجديد..
فنصيحتي خلك على لون الوكالة أحسن لك

والله وانا اخوك مصمم جدا وما اعتقد اني راح املها بعدين ، الحل وانا اخوك اروح للسواط ونستشيره ونشوف السوات 
، عالعموم الف الف شكر لك اخوي سلطان ما قصرت والله تعبناك معانا ^_^

تبي رايي و انا اخوك لا تسويها ترا مافيه احلى من شغل الوكالة هم مصممينها لك على ان يكون شكلها لائق ، لكن هذا راي فقط و انت حر و بالتوفيق

معلم رش جنوط جميع السيارات  فضي -اسود - مطفي - 
الرياض حي الخليج 
عزوز 
جوال 0557052092