سبحان الله وبحمده سبحان الله العظيم

انا بختصر لك الاسباب اللي مخليه بعض الناس لازال متمسك بتويوتا واتحداك ينكر الشي هاذا
اولا ان تويوتا شيك في المخبا بحكم الشريطية اللي في المعارض يعني تشتريه ب 80 بعد 5 سنوات تبيعه ب60 الف
ثانيا ان الناس عندهم ان تويوتا يكرف ولا يخرب ابد وفعلن الكلام هاذا صحيح لكن مو معناها ان السيارات الثانية تخرب في يوم وليلة ترى الهوندا عملية وتصبر والسوناتا كذلك كل الناس تجلد فيها وماقد خربت ولا شي
وثالثا ان اغلب الناس خايف من المغامرة يعتقد لو شراء موتر ثاني امريكي او كوري او ياباني غير تويوتا بيطيح في حلقه او صعب صيانته او او او الخ يعني كل الدعوة سمعة صدق تويوتا شركة كويسة لكن الكلام هاذا كان في عام 2002 وطقته وتحت ايام التسعين والكرسيدا هاذا عز تويوتا لكن الحين خلونا نتكلم في الواقع وش فيها تويوتا اشكال مهيب زينة الكوري والامريكي وطقته غطا عليها في التصاميم يعني شكلها من برا عادي جدا داخليها عادي مافيه مواصفات ولا شي قيادة انس يا الرساوة وفوق كذا سعرها غالي طيب على وشوا بتقول لي مكينة وقير حافظ ويعيش انا معي سوناتا 2006 ماشيه 300 وزيادة بايعها اداء بساتمها في التسعين وانا شالخه مقاوم وانا رايح للدوام وراجع بس احمي واغير زيت في وقته ولا قد اشتكيت لا من قيرها ولا شي
وبرضوه عضلاتها ممتازة معي قامت معي 3 سنوات ماغيرت الا جلد عمود توازن وكرسي مساعد واحد هاذا وانا اطامر بها في البران وطعوس ... لكن مثل ماقلت لك الناس ماخذين تويوتا سمعة ويفكرون في البيع انها تجيب قيمة ودايم اصحاب تويوتا يقولونها التويوتا شيك في مخباك ولا يقول لك التويوتا شفه من عام التسعين وهو منتشر الكرسيدا وطقته طيب الحين الكوري مالي الشوارع كان قلنا الكوري والكوري وبعدين تويوتا ترى شركة واللي يشتغلون بها اوادم يعني مهيب دايمين على نفس الجودة يتغيرون بين فترة وفترة اكبر دليل ماكنا نعرف نقص زيت المكينة في تويوتا والحين طلع ماكنا نعرف تخبيط قير اوريون والحين طلع ماكنا نعرف تعليق مثبت سرعة والحين طلع ... يعني لاتعطونهم اكبر من حجمهم وتدافعون عنهم ترى مادروا عنكم ... واسف جدا على الاطالة لكن حبيت اوضح المبررات اللي اشغلونا بها حقين تويوتا