أضف سؤال أو موضوع جديد          

مع حقدي الشديد عليهم ويستاهلون مايجيهم لكن ياويل اللي يسويها من الله

up 20 down 17
YASSER505 4167
قبل 6 سنه و 9 شهر



بالبداية أبرأ الى الله ثم اليكم من اي فعل ينتج بعد هذا الموضوع وتذكر رب العالمين ....

يا اخوان شدني الكثيييير من التهاون من بعض " اللي ما اقدر اسميهم الا حثالة" اللي ياخذون سيارة تأجير منتهي بالتمليك ومتى ماطفش منها احرقها ولا رماها من فوق جبل ولا ألف مسرحية سرقة وكل هذا عشان التأمين يعوضه بقيمة سيارة جديدة ...

طبعاً بصير عنصري حبتين بالنقطه هذي

اللي هم بعض الحثالة المذكورة سابقاً اللي يتلف السياره عشان الخط اللي عالجنب تغير ويبي يغير السياره كلها عن طريق تأليف حادث عشان يغير السياره لان الخط تغير انا قلت البعض وليس الكل

لكن احب اقول له

ترا مصيرك تبيع السياره وتشتري بفلوسها شي معين " هذا اذا ماصارت لك مصيبه قبل تبيعها " وهالشي يمكن يبقى منه مبلغ وتاكل منه ويصير حرام ببطنك ...!!!!!!


هذي بعض المقاطع الموثقة لبعض الحثالة " احد المقاطع قبل كم سنة يجاهر من رفعه بالتالي : ما رفعت المقطع الا بعد ما استلمت الشيك .. .... عساك بالدمار يالحرامي يالسراق "


يا اخوان

انا اشد عدووووو لشركات التأمين بس هذي حركة وسخه ونجسه وسرقة مهما كانت




المقاطع

http://www.youtube.com/watch?v=Zqc2KzzXkO8





ا

http://www.youtube.com/watch?v=LfTQf_IMETo






هذا المقطع واضح جدا انه تعمد لان اللي يصور وش يدريه ؟
http://www.youtube.com/watch?v=IQ11Yy2I85I



وغيره من الكثيييييييير من اللي يدمرون السياره دون تصوير


للمعلومية .....


شركات التأمين " الشامل " توظف محققين اجانب لفحص السياره ان كان الحادث مفتعل ام انه كان حقيقي وعلى السرعة المذكورة


علماً بأن شركة التعاونية " مع كرهي الشدييييد لها " تعطي مكافآة تصل الى 30 بالمئة من قيمة التعويض اذا ابلغت عن تلاعب احدهم " اذا حسيت بذلك فقط خذ رقم اللوحة وارسل ايميل للمرور او نجم info@rt.gov.sa او نجم عبر تعبئة النموذج على الرابط http://www.nisc.com.sa/index.php?cont=1&lang=ar "


ويا اخوان

لا اقول اني منزه من ذلك


لكن انا صحيح ان يجيني احد ويصدمني ويغلط علي ويكون مبلغ التعويض اكثر من تكلفة الاصلاح لكن اعتقد ان لي الحرية بتغيير الشيء او اصلاحه :)


واذكروا مواقفكم ان وجدت عن التحايل عن التامين لتحريك الموضوع

وآآسف على الاطالة












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بعد الي حصل معي لما شريت كامري 98 وكالة على وقتها  بصارحة يستاهلون
ظلموني فيها لا ربحهم الله
كنت امسح الغبار بثوبي النظيف اهم شي السيارة تبقى تلمع وتلق وجديدة والي يشوفني امشي بها يقول هذا مطلع بانوراما والا بي ام اخر موديل 
وهي كامري قير اوتواميتك وقزاز كهرب XL 
بعد اسبوعين صار لها حادث وبعد سنة اكتشفت ان السيارة تمشي على جنب . رجعت لهم قلت غيرو الكمر لاني دفعت مبلغ 84 الف قيمة السيارة بنظام التأجير المنتهي بالتمليك وقيمتها الاصلية 58 الف
ومع ذلك يقولون لي هذا يمكن انت طالع رصيف وانعفط الكمر !
هل هذا منطق ؟
انا من ناحيتي بعد الي شفته منهم وضمانهم الانذال 4 سنين اقول يستاهلون وحلال فيهم لا بارك الله فيهم ولا في وكالتهم


up 3 down 0
3zyiz 248
قبل 6 سنه و شهر



احبابي الكرام
احذروا من اتباع الهوى ..الحلال ما احله الله والحرام كذلك ,, لاينبغي ان ناخذ الامور بما تستحسنه وتذكر قوله جل وعلا " ومن يتق الله يجعل له مخرجا ...."


up 1 down 0
saqr111 35
قبل 5 سنه و 6 شهر