أضف سؤال أو موضوع جديد          

متطلاب الرحلات البرية

up 4 down 5
taarq 679
قبل 8 سنه



السلام عليكم ورحمة الله وركاته

طلعت البر وعزمت الشباب  كم يوم نغير جو 

بس للاسف ماتهنيت بالطلعهَ

لا احد يضحك 
نسيت الرز -  احد ينسي رز  ههههه يمكن فهاوه
المهم رجعت جبت رز 
حصلت الدله ماهي فيه كيف اقهويهم اضطريت ارجع من جديدَ
ثاني يوم 
نسم الكفر  ووالاستبنه فاضيه
بس الحمدلله كان مع واحد من العيال ماطور هو  عدت على خيرٍ

المشكله الكبيره  لا احد يقول غبي تكفووووونَ~
قفلت السياره عالمفتاح ههههههههههههههههههههههههههههههههههه
بس الحمدلله كان بالبيت اسبير واتصلت على اخوي  وجابه لي

المهم ماتهنيت بالبطلع ابد كني ماطلعت 
بس رحت انكرف ورجعتَ~
فـ احد الاخوان كان منزل  موضوع بـ عن اغراض البرٍ   فـ انصحكم الي بيطلع البر يشيك عليه 
يشوف الاشيا الي لازمته ياخذه الي مايستخدمها يطنشها 

بس الي يطلع البر لازم يشوف هاللسته  عشان ماينسي  شي َ~








متطلاب الرحلات البرية
الخيمة ومستلزماتها:- 
( أعمده – أطناب- اوتاد – أروقه– ذرا شراع - أشرعه زرقاء بلاستيك – فرشة مع مراكي - 
حبال – ماطور كهرباء مع الأسلاك واللمبات – فأس – منشار – كريك – مسحاة - مطرقة – 
ملقاط – ذراية حديد – لي ماء + حنفيه- ترمس ثلج (حافظة) –
 جراكل ماء+أباريق وضوء + حطب + فحم ـ ماء زياده عن الحاجه ــ صابون ــ ليفه تنظيف .
السيارة ومستلزماتها :- 
( مفتاح احتياط للسيارة - ماطور هواء + عيارهواء – اشتراك – كشاف –واير سحب او حبل قوي- 
عدة كاملة - محول كهرباء من بطارية السيارة – لمبة على بطاريةالسيارة – صيدلية - خرائط خاصة بالرحلات البرية –
 قارمن+كنود-– دربيل – سلاح شخصي – كمرة فيديو+محول كهرباءــ جركل بانزين احتياطي 
– التأكدمن وضع السيارة :- 
الزيت + الماء + هواء الكفرات + ليات الماء(الخراطيش)+ البطارية+البنزين ) . 
عدة القهوة والشاي :- 
( دله قهوة + ملقمة قهوة + ليفة دله– أباريق شاي أحجام – إبريق تفويح - إبريق حليب –
 بيزه (جمع بيز) وهو الواقي من الحار – كبريت + مكعبات – مركب – محماس + نجر_
 طاسة أوسطل- قز وبرميل غاز ولي ومحول- ترامس شاي وقهوة ـ بيالات وفناجيل ـ كيسان ورق ).
طلبات القهوة والشاي :- 
( قهوة – هيل – زعفران – مسمار – تمر – شاي – سكر – نعناع وحبق – زنجبيل – حليب + شابوره ) . 
عدة الطبخ :- 
( قدر كبير + ثلاث قدور صغيرة – ثلاثة صحون – مقلاة - ملاسة - سكاكين – مسن - ملاعق –
 مفتاح علب – صابون لغسيل الصحون - صابون يد – ليفه مواعين + أسفنجه –
 صحون بلاستيك + أكواب + سفره – قصدير-اكياس نفايات ) .
طلبات الطبخ :- 
( رز – مكرونة – بهارات – زيت – لحم أو دجاج أو سمك – بصل – طماطم علب – طماطم طازج – 
ملح – ليمون أسود – فلفل أسود- بهارات مشكله – طحين – عسل - سمن– زبده – ثلج+ ماء بارد – فاكهه – معلبات + خبز )








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الموضوع هاذا مو مكانه 


up 3 down 8
xx -abdulrahman -xx 45
قبل 8 سنه



هههههه الظاهر أنك راعي تفكير واجد وهذا اللي خلاك تنسى كثير يارجال خلك رايق على طول

وبالنسبه لأفضل حل للرحلات البريه والطلعات تشتري عزبه من محلات الرحلات جاهزه بكل شي من دبة غاز دافور ومعاميل

القهوه وبراد شاهي وفناجيل وبيالات وعلب السكر والشاهي والقهوه والهيل والبهارات والقدر الكاتم والسكاكين وكل شي جاهز

ماعليك إلا تعبي العلب بالمواد المطلوبه فقط صحيح سعرها غالي ماهو مثل قبل ب 550 تقريبا لكن تستاهل لأنها شامله 

ومجمعه في شنطه واحده ..... بالتوفيق أخي طارق


توي قبل يوم مخيم على البحر وناسي الفحم 
جمعت حطب وتمت الرحله 
تبي الصدق هاذي حلات الرحلات تنسى شي 


راح الحين وقت الكشتات جانا الحر والغبار الله يكفينا الشر 


up 1 down 0
كرومان 517
قبل 8 سنه



xx -abdulrahman -xx 44 
اخوي الغالي صحيح مو مكانه بس انا وقتي كله بالمنتديات عندي هذا المنتدا ومنتدين ثانيه   فـ فادني كثير هالموضوع من ناحية اللسته
اشيك عليها قبل اطلع البر قلت ابيه يفيدكم لان الاغلب هنا  حقين بر 

والموضوع فيه اشيا  تخص السياره   بس ماعليك وانا اخوك على عيني وراسيَ

ابــو ســنــد 8833 
اخوي ابو سند  اكثر من ثلاث عزب اشتريتها كلها تصادرت ههههه مايخلون شي الربع الي حولي   
لدرجة  شافو معاي  لمبة شحن  صادروها مدري وش يبون فيهاَ~
اصلا الولاعه لكانت  كشخه مايخلونها ههههه الله يسعدهمَ~ 
وكلامك صحيح ميه بالميهَ~
شكرا لك

ماجد ال زايد 533 
هههههههههه  الحال من بعضه الحمدلله بوه احد ينسى اغراض موب بس انا خففت علي

شكرا لك



توسان 2011 136 
تصدق  زمان ماحد قال لي هالدعوه  
الله  ان يجبر بخاطرك زي ماجبرت بخاطري 
زمان ماحد قال لي هالدعوه - لاني منعزل عن الناس  من 6 سنين ماجلس غير مع 4 من اصحابي  وهم بعد معزولينَ~ عشان كذا ماحصلت احد يقولها لي
جزاك الله الف خيرٍ ورحم الله والدينا ووالديكَ~
شاكر لك 



كرومان 325 
بالعكس قسم بالله استانست وماحسيت بالحر لسا  الهوا كان  زين كنك قدام مروحه  

بس ابشرك بوه مروحه زي حقت الاللديتر  كانت معنا  شغلناها على البطاريه  ومعنا البخاخ حق الي تضغط عليه زي الطرمبه يمتلي هوا
وحطينا فيه فتحه بـ دبوس بتحه وحه بس  وعلقنها ورا المرورحه وصار  زي الرذار وبردت علينا 
طبعاً الفكرا جات عشوائيه من واحد  من العيال يحب يخربز اذا مافك شي  كل 6 ساعات احسه بينجلط 
تخيل اي شي يخرب عندي او عند خوياني والله العظيم هو يسويه لنا  احسه موهوب بكل شي َ
وعلى فكره صورت المكان الي كنا فيه  انشاء الله بجيب الصور وبوريك هي  المكان كان جميل جداَ وفيه خضااااارٍ لان قبل كم يوم جاتنا امطار 
 يوم طولت 

شكراً لكَ~


up 1 down 0
taarq 679
قبل 8 سنه



عجبتني فكرت المروحه للأني كل أسبوع أخيم
بس ما تفضي عليك البطارية
لو عندك صور لها 
البخاخ حق الي تضغط عليه زي الطرمبه يمتلي ماعرفت أأيش تقصد باذا



البخاخ ذا يستخدمونه حقين النعناع  يكون طالعه منه ماصوره تضغطها وترفهعا وتضغطها وترفها  تتعبي العلبه هواً
ف فيها زر تحكم تضغط يطلع الماء   ومعاها زي الغطايه تقفل فيها من  فتحت الما  فـ هنا خوينا شاقها بدبوس  الغطاء 
وتكون العلبه مليانه ماء وبنفس الوقت هوا  ف يعلق على الزر الي يخلي الهوا يطلع  وبكذا يطلع الماء بشل رذاذ 
ومعلقه ورا المروحه بس
الشغله سهله جداً
واانشاء الله بصورها لك تشوفهاَ~ 
طبعاً فيه مراوح تجيك جاهزه شفتها بالموقع كثير  نفس الطريقهَ~
بس هذا كان فاضي وشاف بشنطة سيارته مروحه قال بيجربهاَ~
بعد ماجربها  جاته الفكره 
ووالله شبابنا مبدعين بكل شي كل ماجلست مع واحد احصله يخربز لازم يطلع لنا شي حلو هههه
وهذي مرواح جاهزه بالموقع شوف فكرتها  كيف 
اكتب بالموقع كذا هذا العنوان 
 أجهزة مراوح رذاذ مطوره بسعر مغري


up 1 down 0
taarq 679
قبل 8 سنه



أيه عرفتها اللي يستخدمونها المزارعين 
بالنسبة للأعلان شفته بس عجبتني فكرت خويك أكثر بطبقها وبركب بطارية في السيارة أضافية 
بس مابسويها ذي الفترة للأني أروح على موتر أخوي وتوه جديد gxr 2014  
معي هايلكس شغال عليها الحين تجديد وتعديل بركب عليها مكينة لكزس 400 
وبطارية أضافية للزينون والمروحه والأنوار للأني أحتاج الأنوار في الرحله ولابد تكون لها بطارية أضافية