موضوع بعيد عن السيارات محتار ؟

خل قدامك هالكلمة (لكل حادث حديث)

الواحد مايقدر يقول: ابفصل لي ثوب البسه بعد خمس سنين ...

فكر الآن تجيب أعلى نسبة في الدراسة والقياس , ثم اختار كلية لها مجال واسع , ثم احرص ع المعدل بشكل كبير اول مستويين

يعني قدامك شي كثير لاتفكر بشئ الآن صحيح حلو الواحد يكون له هدف بس لازم معطيات المعطيات هذي انت تحددها خلال السنوات الجايه

وصدقني لو جبت معدل عالي بتطلع لك مجالات انت ماكنت تتصورها , لكن اذا فكرت بالامنيه راح يكون همك معدل يمشي الحال
بتجيبه لكن افرض مانقبلت في الامنيه؟ بترجع تتذكر وتقول ي ليتني حرصت ع المعدل ....


موفق خير اخوي ..

وقل ولن يصيبنا الي ماكتبه الله لنا
 انا حاليا مدرس رياضيات والله ماعمري حبيت الماده بسبب مدرس كان يضرب ضرب
لدرجه ماحبيت الماده
شأت الاقدار ودخلت الكليه وقالو مافيه مكان الي الرياضيات وانا كنت ابي حاسب الي
وحاولت احول انجليزي بس قسمتي ونصيبي ورزقي بتدريس ماده الرياضيات
الخوف وانا اخوك ان الواحد تصير الدنيا اكبر همه
توكل علي الله واوزن الامور ولك نصيب من هالدنيا تبي تاخذه
قبل لاتقدم علي الامنيه او غيرها صل استخاره لانك تستخير الي خلق الخلق
وربنا سبحانه وتعالي رحوم بالعباد وراح يكتبلك الخير
بالتوفيق

كيف بعد ماتتخرج من الجامعه تتوجه ل كليه الملك فهد الامنيه 
وضحح لحست مخخخي

حط براسك دراسة تقنية المعلومات لأن مافي جهة حكومية أو خاصة الا تطلب ها التخصص كل شي يعتمد على الكمبيوتر شرعي كان او علمي
وبالتوفيق للجميع

اذا نظرك تمام 
و الطول ما يقل عن 165 ففيه امل

اخوي نادر كلية الملك فهد الامنية هذه الكلية عسكرية تقبل الطلاب الجامعيين المتخرجين وتدرسهم سنة او سنتين عل حسب التخصص وتتخرج برتبة ملازم او ملازم اول

ان قدرت تصرف نظرك عن العسكريه بصفه عامه فهو ابركلك وانا اخوك ... وكلية الملك فهد الامنيه اذا بتسجل فيها فكر بالواسطه قبل المعدل ... عسى الله يكتب لك اللي فيه الخير

اشتر راحتك وابعد عن شيء اسمه عسكريه 
العسكر اللي اعلى منك برتبه يأمر وينهى عليك خلك حر  

المدنيه لو تقفل معك من المدير تغسله غسله ما يفك فمه 

عموما كل انسان له هوايات وركز على هوايتك ... ومافيه مشكله اذا استبعدت هوايتك لاجل مصلحتك

ما ودي احطمك لكن اغلب الشباب اللي اقابلهم خلنا نقول 90% القاهم طموحهم فووق وامنيه وخراط فاضي وبالأخير القاه جندي اول 

حط الخيارات في راسك ولا تتراجع عنها 

المدنيه افضل شيء التدريس وخصوصاً صعوبات التعلم الراتب 8034 + بدل صعوبات 2000 الصافي 10034 من غير التعديل وحصصهم ماتتعدى 12 غالباً بصراااااااااااحه انصحك فيها وتعيينها سريع 

اخواني . حبيت اسئل هل كل الوظائف تطلب فحص نظر ؟ 

انا اخوي متخرج من كلية الملك فهد الامنية دخلها بدون واسطة وحاليا نقيب بس والله مكروف يدقون عليه العمل اخر الليل وقروشة وحاليا نقلوه من الرياض الى جدة نصيحة ابعد عن العسكرية وانصحك بشركة ارامكو ...

استخير اولا

وانصحك تدخل جامعة وتشوف التخصص الي يناسبك حسب ميولك ورغبتك
والله يوفقك

بالنسبة للوظايف حتى لو تخرجت ان شاء الله ولا قسم الله انك تتوظف على تخصصك
تتوظف بشهادتك الجامعية في اي قطاع مدني 

الله يوفقك

نصيحه لوجه الله تبي الامنيه جيب  معدل مرتفع مثلا ممتااز او جيد جيدا مرتتتفع 

انا ودي بارامكو بسسس تعرفون الغربه صعبهه اوالمدينه م فيه ارامكو 
وارمكو يبي لها انسان متعلم انقليزي وانا بصراحه انقليزي عندس ميييح مرهه م اعرف

انت شوف ميولك وين يتجه لان هالشي راح يخليك تبدع فيه لما تدخل الجامعه

واذا مافيه ميول حاول تدخل ارامكو او بعثه صحيح غربه لكن هذي الدنيا كفاااح

موفق 

و عليكم السلام ورحمة الله و بركاته...
اول شي تسويه الان تشد حيلك في الثانوي + و تجيب اعلى درجة في قياس + اعلى درجة في التحصيلي... اجتهد قدر المستطاع و الله يوفقك... و لا تشغل بالك بأي شي ثاني ,,, ان شاء الله لمن تتخرج من الثانوي و ذيك الساعة درجاتك في الثانوية و قياس و التحصيلي عالية راح تنفتح لك ابواب كثيرة... مثلا ..الابتعاث او تدرس طب او هندسة... و لازم تعرف انت مبدع في أي ناحية و اش نفسك تصير في المستقبل... و ركز على تخصصك الجامعي حاول يكون قوي و مطلوب مثلا يعني تدرس نفرض هندسة كهربائية و اتخرجت و بمعدل عالي ..عندك كذا خيا اول شي تتوظف مهندس في ارامكو في سابك او شركات الكهربة و الخيار الثاني انك تقدم على الكلية الامينة... و بالتالي تكون ضربت عصفورين بحجر....
مهندس و ضابط... او مثلا تدرس طب و تتخرج ان شاء الله و تختار يا انك تكون طبيب او تدخل الكلية الامينة و تصير ضابط و طبيب بنفس الوقت و تتوظف في المستشفيت العسكرية...و الله يوفقك و ييسر طريقك بس اهم شي الان تسويه شد حيلك في الثانوية و القدرات و التحصيلي لانه صدقني ان شاء الله يوم تتخرج من الثانوية راح تجيك فرص ما كنت تفكر فيها...
مثلا ابتعاث ارامكو و وظيفتك موجودة او جامعة الملك فهد للبترول و المعادن ... يعني تجيك فرص ثانية ما كنت تفكر فيها.. وموفق ان شاء الله.

اشكركم اخواني اقسم بالله اني كنت أسبوعياً افكر تقريبا بالمستقبل وشاغلني انتوا
كذا ريحتوني شكراً لكمم ♥~...