المخالفات وما ادراكم عن المخالفات

ﻻزم تسدد المخالفت أول شيء

غرامة التطويف 100 ريال

التأمين ما عليه غرامة لكن أقل تأمين حاليا 500 ريال تقريبا

وتسدد رسوم تجديد الاستمارة وتجددها

الإجمالي 9250 ريال

حياك الله

كلامك عالعين والراس .

لكن بعد اذنك بنشوف باقي الردود , يمكن يرد علينا واحد شغال في المرور .

لاهنت يبو عبادة

ابو سعيد يقول ينتظر باقي الرودود يمكن يلقى احد شغال فالمرور ,,,,,
انا شغال فالمرور عطني رقم هويتك واسقط كل المخالفات وماتعودها مره ثانيه خلاص بسامحك هالمره ,,
الله يصلحك وش تنتظر بالردود محد بيساعدك بشي !!
أبو عبادة قلك  الإجمالي 9250 ريال ,,,,     سددها ريال ينطح ريال هذا المختصر الطيب لاتتعب نفسك سدددددددددددددددد راح تسددها بالطيب بالغصب المهم سدد عشان تمشي امورك بالطيب 

اللللله .

يارجال شفها 8500 لكن والله اني اتحلم بها في الليل . لكن  خلني اسددها ان شاء الله وبعدها ابمشي 40 بسسسسس

يا عظيوي حياك الله

القصد طال عمرك ابي الكلام الاكيد من اصحاب المهنه , لان عندي دوام في الصباح وصعب استاذن عشان اروح استفسر !

وبعدين انا ما همشت كلام ابو عبادة , اعتذرت منه .

وبيض الله وجهك ووجهه على كل حال .

ياخي سدد والله انها حررقة 8500 ريال تعيش بها 3 شهور .. وكلهآ ببطونهم انا سددت 7600 ريال والله غبنة

وش نسوي يارجال ( انطبق علينا المثل اللي يقول : يداك اوكتا وفوك نفخ )

سدد وادع على من ظلمك وبرضوه هاذي غلطت بعض الناس الله يهديه يجمع ذا المخالفات ثمن يقول مقدر اسدد طيب لا تخليها تزيد عن مخالفتين الا وسددها على طول جعلك تتسلف ولا تتراكم عليك وبعدين معد تقدر تسدد منها ولا شي ... تراكم المخالفات يعطلك في اشياء كثيرة اولا استمارتك ماتقدر تجددها ولين طوفت بتخسر حق التطويف ولين جيت تشتري ماتقدر لازم تسجلها بأسم احد ثاني وش الله حادك سدد اول بأول ولنتاب حاس بها لكن تخليها تتراكم عليك كذا تحسها طالعه من قلبك ... عموما كلام ابو عبادة على متمة وكل الكلام اللي ذكره صحيح اول شي سدد مخالفاتك 8500 وأمن بحدود 450 الى 500 ريال ولازم برضوه يكون فحص السيارة جديد وهاذا يبي له 73 ريال و100 حق التطويف و150 تجديد ... تقبل مروري

حياك الله يا a.ibrahem

لاهنت على الرد الاكثر من رائع

الحاصل انه ما قدر اطلع تامين جديد ولا اجدد الاستمارة لين اسدد .

وبالعكس ماني بزعلان على موضوع المخالفات لاني حاسب حسابي من بدري واي مخالفة تجيني احط 500 ريال في الصرافه

لكن فداكم من زاد اسرع عقب اليوم .

اشكر كل من رد على موضوعي و اتمنى السلامه للجميع .

على كل سنه تطويف 100 ريال 
تامين تحصله في حدود 450 
واحد مسدد قبل فتره 14 الف
كلها في الباحه ماهو ساهر ﻻ من
العسكري 

حياك الله يبو سعيد

لاهنت الله يعطيك العافية

سالت اخويانا عن التامين لقيت واحد مامن من التعاونية ضد الغير بـ650 , والثاني من الدرع العربي ب450.

وباشوف الوقت المناسب واخلصها ان شاء الله 

والله يعين على الدنيا