أضف سؤال أو موضوع جديد          

للنقاش -- فائض السيارات لدى الاسر السعودية وطريقة تدميره...

up 32 down 12
YASSER505 4164
قبل 4 سنه و 11 شهر



السلام عليكم



بداية الموضوع لجيل مواليد 1408 وماتحت
لان تقريبا ما احد بيفهم الي اقصده وعاشه غيرنا بصراحه

الي هو يا اخوان فائض السيارات الهاااائل وطريقة توزيعه عالابناء

يعني كمثال

طفل بالابتدائي معه سيارة اخوه الي كانت مع اخوه الي اكبر منه الي شرا سيارة غيرها واعطاه اياه واعطاه سيارته بعد ماشرا الحين سيارة " اتحداك تفهم هههههه "


الزبدة

اشوف كثييييير " اطفااال " معاهم جموس 2001 او هايلوكس 2003

وهذي تقولون كيف شراها له ومدري ايش
هذي الله يسلمكم فائض زايد بالبيت وبدل مايبيعونه يصرفونه على افراد الاسرة الذكور " للاسر المتوسطة الدخل طبعاً "

وبهالشكل تشوفونهم ماتعبوا فيها ريال واحد ,, ولا همتهم السيارة لانها رجيع ولاعادت ذات اهمية
والتسهيلات البنكية صارت بشكل عجييييب بعكس زمان
فتشوف الولد انواااع التفحيط فيها والحوادث

انا من ناحيتي ومعرفة شخصية تماماً ارمادا 2006 تو واحد بالمتوسط استلمه لان العائلة شرت سيارة جديدة وماهم بحاجة مبلغ الارمادا

وهكذا

عالعموم

تذكرون ايامنا ؟؟؟

يوم تنقز انت وابوك وامك واخوانك واخواتك والخدامة ان وجدت كلكم بسيارة وحده بكل مشوار ؟؟

الحين اي طلعة اسرية اقل شي 3 سيارات ..!!!

ولااا ايامنا ولا حتى كنا نفكر نطلب سيارة حتى بعد الثانوية
وان استلمنا السيارة كأننا مستلمين عهدة من ذهببببببببب



الحين توه مخلص سادس وفاتح لي موضوع بالمنتدى هنا " ايش احسن سيارة لطالب متوسط ههههههه "
ولا ياخذ رجيع اخوه ويجلس يفحط ويكسر سيارات الخلق ,, وبالنهاية الموضوع يرجع حسب التربية وتعليمهم قيمة الشيء الي عندهم الي البعض يتمنونه وهم كباار ولا حصلوه


وبس

مدري وصلت الفكرة ولالا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


يا شباب بعضكم فهم موضوعي غلط

انااقصد مواليد 1408 لانهم بصغرهم يعني 1415 وكذا عاشوا المواقف


وانا اتكلم عن الي اشوفه

مرات اشوف ناس يجون عند الجيران ورا بعض كل واحد بسيارته عشان اذا بغى يطلع بدري يطلع

وادري ان فيه عوااائل بكبرها ماعندها سيارة لكن اتكلم عن الي يعطي فائض سياراته للبزارين عشان يفحطون عليها ولا يسأل


up 1 down 1
YASSER505 4164
قبل 4 سنه و 11 شهر



الوالد رغم انه عنده اكثر من سيارة واخواني كذلك الا اني مامعي وحاس بقيمتها ولله الحمد والمنه اشتريها بفلوسي حتى لو كانت قديمة بس اروح واجي عليها ولا منة التكاسي والمكاسر وقلة الحيا والبهذلة بالحر والشموس 


up 0 down 0
ahamd9477 119
قبل 3 سنه و 4 شهر