وش رايكم بالتوروس تنصحوني فيها ؟

  ماعرفها

لاكن   حصلتها   بموقع   حراج  مصدومه     كم   وحده

وتكاليف   اصلاحها   وبديها   باهضه  جدا جدا

الله  يوفقك 

كيف تاخذ سيارة ماعجبك شكلها عشان كلام الناس؟؟ 

انا ناس كثير نصحوني بالتوروس الستاندر لكن مستحيل مسسستحيل مسسسسستحححيل
هههههههههههههه -تحمست- ادفع سعر وقدره في سيارة ماعجبني شكلها :/

نصيحه خذ السيارة اللي وانت تشوفها تنفتن فيها وخل اللي نصحوك بالتوروس يشترونها :))

اذا انت مرتاح للموتر توكل على الله واشتر موتر ماعليه خوف عملي ورسمي وعزم وانصحك بالنص فل فتحه جلد تسخين مراتب تشغيل عن بعد مراتب متحركه دفع رباعي انوار led  امام وخلف 

بالتوفيق ان شاء الله 

هي سيارة عملية وممتازة جداً ولكن يعيبها قطع الغيار المرتفعه مقارنه بالسيارات الاخرى

كذلك الدفع الرباعي فيه عيب مصنعي في الكرونه الخلفية تخرب عليك اي وقت واكتب بقوقل وشوف هالمشكلة

اللي ينصحون بالتوروس يذكروني بحقين مازدا6 هههههههههههههههههههه

معطينها فوق قيمتها اتوقع لو تطب المعارض تلقى اقل من سعر الوكاله بـ 20% ع الاقل 

انا اعجبتني وكانت من ضمن خياراتي  لكن ردني عنها حجمها كبير جداً ثانياً سعرها لو انا فاقد للوعي ما احطه فيها اذكر اللي اعجبتني سعرها 125000 احطها في جيب أفضل 
كنت ناوي في البداية على اكورد ورحت وكالتهم وشفت العالم كلن يسوي أوراقه بـ 149000 اقساط حرام عليهم العقل 
بالاخير استخرت اخذت ماليبو فل 

مش كل التورس دفع رباعي
بالعكس اغلب الفئات دفع امامي وقليل جد تحصل دفع رباعي واعتقد اعلى فئة الي تجي دفع رباعي

وش اللي ينصحون بالتورس يذكرونك باللي ينصحون بمازدا 6 وش جاب الثرى للثريا ياخي يكفي انها امريكيه وصناعة فورد 

وبعدين التورس سياره فخمه ومع ناس اعرفهم شخصيا يمدحونها بالحيل ومركبها هادئ جدا ما تحس انك راكب موتر بالقيمه هذي بعكس السيارات الاخرى المنافسه لسعرها الا انها جودتها اقل منها وعزمها وثباتها اضعف 

ع العموم يا راعي الموضوع احنا تعبنا من الناس اللي تنتقد 

ان مدحنا قالوا انت تطبل للموتر ومتعصب 

وان ذمينا قالوا انت ما سقتها ولا ركبتها  كيف حكمت عليها 

عشان كذا اي واحد يبي يشتري موتر يروح للوكاله وياخذ الموتر اللي يبي ويفك عمره من النفسيات اللي بالموقع 

وبعدين اللي يقول ان الدفع الرباعي ما يجي الا في اعلى فئه من وين جايب هالمعلومه 

يا حبيبي التوروس حافظها مسمار مسمار 

ويكون في علمك فيه نوع sel  يجي مخمل ودفع رباعي وبدون فتحه وبدون جلد ويجي sel2 نص فل فتحه وجلد وحساسات وشاشه ونظام مايكروسفت الصوتي وانوار led امامي وخلفي ودفع امامي وتجي دفع رباعي برضوه 

وتشغيل عن بعد ومواصفات عديدة واللون اللؤلؤي يفرق عن الالوان الاخرى 2000 ريال 

ويا صاحب الموضوع روح انت بنفسك واركبها واطلب تجربه لها وان عجبتك اشتر وماعليك من احد 

اللي يقهر انه فيه فرق بالسعر حوالي 10 الاف ريال للاستاندر بين موديل 13 و 14 مع ان المواصفات هي نفسها

ياورع اترك السيارات وروح ذاكر

بقولك معلومه الوزن العائلي اقصد صاحب الجسم المليان 
مايرتاح فيها مقعدها تعبان للجسم المليان 
ومعلومه اخرا لاتنسا الاستخاره 

قطع غيارها ما تحصلها الا في الوكالة فقط

مدام أنك تقول تصميمها الخلفي ما أعجبك أبعد عنها 

و لا تأخذ إلا سيارة أنت شخصياً حابها و مقتنع فيها

Ahm5656 من قالك مافيه الا بالوكاله !!!! 
اتوقع لو تشتري لمبرقيني تقدر تولف صيني  ،، اما تورس مالك الا وكاله احسها قويه شوي .

م انصحك فيها كانها وجه ثور هههههههههههههههههههه

هههههههههههههه الله يهديك يا تروك 

الله يعطيكم العافية

Pilot man
المثل يقول اسال مجرب 
كانت معي وحده واذا بغيت قطع سحبوا فيني 
طبعا جاها ضربه من الخلف
وغيرها ما خليت محل في الصناعية مارحت له حتى المساعدات عند الوكالة بس والمساعدات تجي اربع مقاسات
ولا تعرف الا برقم الشاص يعني بكل بساطه تغلط في قطعه تحمل ما يجيك ، وسالت المحلات ليش ما تجيبون فهمت منهم ان قطعها قلق
معليش التوليف هذا ينفع لسيارة خراباتها قليلة اما السيارات هالايام ركب اصلي وعساك تسلم.
تحياتي لكم
وبالتوفيق