أضف سؤال أو موضوع جديد          

قهر..اوفر قيمة شغل اليد ويأخذها المرور

up 11 down 6
b or not be 1422
قبل 8 سنه و 2 شهر



بسم الله الرحمن الرحيم

المفروض اني في هذا الوقت انزل موضوع 
عن تغيير الاقمشة الخلفية واقمشة الجلنط للكابريس بعد ما فكيتها وباقي القطع ما شريتها
فأخذت سيارة اخوي الاكسنت وانا راجع من قطع الغيار
على اساس اني اشتري القطع وايضا اشتري العدة او الالة 
اللي ترجع المكبس اللي في الكليبر عشان ادخل الاقمشة
 ما اعرف اسمها الصحيح لكن اهم شيء انكم عرفتوها ههههههههههههه
المهم وتفتح الاشارة وامشي والا فيه تفتيش
انا عادي ما سويت خطأ وقلت بامشي مثل كل مره
واوصل والا العسكري اللي يساري قالي امش
وفجأه الا اللي طلع لي مثل الجني من اليمين ومتعلق في البدي
وينادي ...وقف وقف
و اقول: هلا...قال: وقف على جنب مع انه ما طلبني الاثبات
في هذه اللحظه لو دعست وتركته الحيواااااااان كان ممكن
تصير احلى لحظه في حياتي
لكن قلت ما ابغى المشاكل وبلاغ وقلة حياء وفوق هذا السيارة لأخوي
وانزل قال الاثبات .. قلت الرخصة معي لكن الاستمارة مع اخوي
قال قسيمة ويكتب فيها: (عدم حمل رخصة السير) ومعناها الاستمارة
قلت ليه وماني رايح ومخاصمة انا وياهم 
قال ي ابن الحلال رح ترا بناخذ السيارة في السطحه
قلت انا معترض ولعب الشيطان في راسي
وافكر انهم غلطانين
بعد حدود نص ساعه وكلمة من عندي وكلمة من عندهم
حملو السيارة في السطحة
وطول المدة قبل تحميل السيارة وانا اتصل على اخوي لكن ما فيه رصيد 
واروح اقرب بقالة كعابي وارجع وهم يحملونها وراحت للتوقيف
واتصل على اخوي وتجي الطااااااااااااامة ان الاستمارة منتهية وموجودة
في الدرج ولو اني مشيت كان هو اللي بيسددها
وخذاني اخوي من مكان التفتيش ورحنا لكن كان الوقت على المغرب 
وانتهت الدوامات وما معنا الا يوم الاحد.. والله يعين
طبعا راح اخوي في الليل لمكان توقيف السيارة وجاب القطع من داخلها
وانا احاول اركب القطع في اسرع وقت وانزل الموضوع
لكن عندي ملاحظات اتمنى الافادة :
1. الرخصة اخذها العسكري مع القسيمة (خطأ او فيها عقوبة)
2. اتصلت على القسايم وطلعت القسيمة غير عن اللي اعطاني 
ومسجل(القيادة برخصة قيادة منتهية)!!!!!!!!!!!!!!!!!!
اذا كان يقصد الاستمارة فيعني صحيحه
لكن اذا كان يقصد الرخصة فالرخصة ما انتهههههههت


لكم كل الود والاحترام

اخوكم/خالد







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حسبي الله على اللي ما يقدر ضروف الناس

والله ليجي يوم ووده انه يرجع لك ويبوس رجولك عشان تسامحه

لانه هو راح يسير له اشياء اسوء من اللي سواها لك

يعني ما ادري انت شاف رجال كبير طول وعرض لا غلط ولا شيء ولا عليه مخالفه

ليه تقعد تدور عليه الزله 

والله اللي يقعد يتصيد اغلاط وزلات الناس

ليجي يوم ويقول ياليتني ما سويت كذا ولا سويت كذا

لانه اللي يزرعه مهما طال الزمن راح يحصده


up 9 down 6
ابو يزيد 000 8712
قبل 8 سنه و 2 شهر



اذا مسجل(القيادة برخصة قيادة منتهية) معناه لفق لك مخالفه المفروض يكتب رخصه سير ( الاستماره)

وحتى لو منتهي المفروض مخالفه فقط وما فيها سطحه

لاكن الظلم ظلمات يوم القيامه ارفع ايديك وادعي عليه وعلى من وافقه وسمح له وعلى من عطاك ديسلايك بدون وجه حق وانا بدعي معك


up 9 down 7
Abu-Nawaf 337
قبل 8 سنه و 2 شهر



قدر الله و ماشاء فعل ..
الله يكون في عونك يااخوي وفي عون جميع المسلمين .


up 9 down 1
دلوع بابا -126
قبل 8 سنه و 2 شهر



الان عند اشارات المرور لو في حارة اربط الحزام
المرور يستغلون اللي مايربطون الحزام


up 3 down 3
elantra 6639 482
قبل 8 سنه و 2 شهر



المرور الآن مكثف الحملات التفتيشية حسبي الله عليهم 
وينهم عن اللي يفحطون ولا الدرباوية ولا عن المجرمين 
شاطرين على الشعب 
انا مرة عندي اختبار قدرات - يحدد مستقبلك - 
طالع من الاختبار واشوف اغلب السيارات عليها قسام وقوف خطا 
طيب مافي مواقف وذولي طلاب يعني من وين لهم مخالفات!!
ولقيت تفتيش وانا معي اوراقي 
قالي وقف على جمب وكان مفصلي منكسر وتمزق اوتار والتواء مضاعف مقدر انزل 
جلست 5 دقايق ونزلت  بالعصا ومقدر امشي زين 
يجي يعطيني قسيمة عدم ربط حزام الله يربط عضامة 
ويسالني سلامات وش فيها رجلك قلت مالك دخل عطني اوراقي خلني امشي

.


up 4 down 0
بدون آسم 236
قبل 8 سنه و 2 شهر



طيب يشيك السيارة مطلوبه او لا .. مو مطلوبه يمشيك وين المشكلة .....؟

وياشباب سؤال ..
احين اللي سيارته استمارته منتهيه .. تنزل غرامة 100 ريال اذا ما جددت صح؟
طيب المرور يقدر يعطي مخالفة ؟؟؟؟؟


up 3 down 0
ammar-512 21
قبل 8 سنه و 2 شهر



قايلكم مستقوين ع ضعوف. يارجال راعي هايوكس بنطل تنطيل وقدامه دوريه. لحقه اشوي وخله. ولا جاب خبره وراعي هايلوكس فاك لوحات  ودعسس بوجيهم 


up 3 down 0
سكودر 14928
قبل 8 سنه و 2 شهر



السلام عليكم
الشي اللي متأكد منه ان مافي مخالفه للإستماره المخالفه وقت التجديد فقط على كل سنه ١٠٠

روح للمرور شوف وضعك


up 1 down 3
المدينه 300 784
قبل 8 سنه و 2 شهر



تستاهل وماجاك باين عليك همجي والمرور يعرفون الرياجيل من يوم تقول للعسكري حيوان وانا غاسل يدي منك


up 5 down 16
أبو عوض 2012 227
قبل 8 سنه و 2 شهر



احمد ربك 500 سيارة بالمدينه دخلت الحجز في ليلة وحده بسبب عدم حمل الاستمارة هذا كلام واحد اعرفه يقول توهم بدوا فيها عدم حمل رخصه مخالفة لكن الاستمارة فيها حجز

يعني نعمة انك تركك ..والاستمارة شي ضروري اشوفه اهم من الرخصه اصلا حط نفسك بمكانه وش بيدريني انها لاخوك؟


up 0 down 3
m11013 923
قبل 8 سنه و 2 شهر



السلام عليكم
اخوي اذا هو مسجل المخالفه ( الرخصه منتهيه )
فهذه حجه عليه لان رخصتك مثل ما تقول ساريه المفعول وتقدر تحجهم فيها بسهوله


up 2 down 0
dub_r-50 443
قبل 8 سنه و 2 شهر



ياشيخ وليد 
فيه زلات وغلطات في رجال الامن ولكن ماتوصل لدرجة وصفهم بالارهابيين وحيوانات 
واذا كان قصدك انهم يفرفرون في الشوارع من فضاوه وتغيير جو فأنت غلطان حبيبي هذولا في واجب ومحاسبين على الغلطه من رؤساهم عندهم معقبين وترى الشغله ماهي مفلوته الواحد يستلم 8 ساعات مايصدق على الله وهو يسلم عشان يرجع يشوف عياله وهو في عافيه 

نسأل الله ان يشد من ازرهم وان يجعلهم سد منيع في وجه المتربصين بأمن هذا البلد 


up 6 down 1
هاوي5000 130
قبل 8 سنه و 2 شهر



الله يهديك بس والله انا مع الحمﻻت والنظام عشان الهمج والدرباوية يفكونا نن الزحمة


up 4 down 4
أبو عوض 2012 227
قبل 8 سنه و 2 شهر



ضبط الفرامل حقتك واستانس بالويكند ,, وروح اعترض على المخالفة ادخل فيي عينهم قولهم رخصتي جديدة !!

 حمدلله جاك عسكري سكران قال منتهية هههههههههههههههههه :D 


up 3 down 0
سآآآل 318
قبل 8 سنه و 2 شهر



لعنة الله عليهم 
سرقونا 


up 3 down 1
zxz95 2
قبل 8 سنه و 2 شهر



مشكورين كلكم بدون استثناء ...وتم التقييم
واللي يقول ليه ما اخذت الاستمارة: فهذه ما هي اول مرة امشي بدون استمارة وماهو بكيفي
كلها طلعة للمشوار المطلوب وراجع البيت بدون جريمة ولا مصيبة
واذا كان الامن قوي بما فيه الكفاية وعندهم ثقة بافرادهم وضباطهم
فلو نمشي بدون لوحات ومسوين مصيبة او مشكلة فما يهمهم وراح يجيبوننا

واللي يقول همجي،
كيف عرفت اني همجي ي متخلف
لا سرعه ولا قطع اشارة ولا اي شيء
اصلا السيارة الاكسنت ماهي الكابريس
 وما ابغى ادخل في النيات واقول انه عطاني
عشاني مرتب نفسي ونظيف مع ان ملابسي عليها شوية زيوت من الكابريس
ويبغاني اجيه مثل شباب قدام عيني مشاهم لانهم من معرفة وانا اشوف وفوق هذا ماهم رابطين الحزام
الحين من اللي فينا متخلف وخاين؟؟؟؟؟؟؟؟؟؟؟؟؟؟؟؟؟؟؟؟
وبالنسبة للمخالفه ما باسددها الين نشوف الحيوان اللي مسجلها على كيفه 
واحسه من المتوظفين الجدد اللي ما يدري وين الله حاطه..تخرج وسلموه جهاز وقام يلعب في خليقة الله
وهم جابوها على نفسهم الدلوخ



up 3 down 0
b or not be 1422
قبل 8 سنه و 2 شهر



صاحب الموضوع كل زق بس وش ددخلنا قاعد تبكي عندنا سدد ولبخ على شحم


up 2 down 10
جنوون الشوق 12
قبل 8 سنه و 2 شهر



^^^^ بدا شغل التشبيح


up 0 down 0
Abu-Nawaf 337
قبل 8 سنه و 2 شهر