اللعب والتزوير في عداد ممشى السيارة

حسبي الله على كل غشاش 

لكن السؤال هل يوجد جهاز يكشف التلاعب بالعداد سواء عند الوكاله أو الورش المتخصصه 

ايو والله حسبي الله ونعم الوكيل في كل غشاش وطماع والله لو درا ان فلوس الغش بتوديه جهنم كان ماغش من أصله .

الله يعوض صاحب اللكزس بخير وينتقم من كل غشاش .. ولايك لك .

ايو والله حسبي الله ونعم الوكيل في كل غشاش وطماع والله لو درا ان فلوس الغش بتوديه جهنم كان ماغش من أصله .

الله يعوض صاحب اللكزس بخير وينتقم من كل غشاش .. ولايك لك .

والله ما أدري كيف اترسل الرد مرتين ؟؟؟؟؟؟ أسف .

مستربن بالنسبه له هو الغش  يحيب نتيجه ومال كثير والحرام ماحسبله حساب 

لأن شيخ المعارض قدر السياره إذا كان ممشاها 3000 بسعر 323 ألف ريال

ولو كان ممشاها 49 ألف كيلو تكون بسعر 279 ألف ريال 

يعني المكسب الحرام اللي أخذه يقدر بأكثر من 43 ألف ريال .... لكن لايأمن العقوبه تكون عليه أو على عياله وماله 

ومثل ماجاء بالحديث (( الجسد اللذي بني على السحت فالنار أولى به ))

تتوقع يابو سند القاضي وش يكون حكمه على الخصم هل يجبره يرجع كامل المبلغ أم يدفع له الفرق الي ذكرته ؟

والله ياأخوي كرومان المعقول القاضي في هالأمور يكون حازم ويوقع على المتلاعب أقسى الغقوبات 

سواء ماليه أو معنويه مثل السجن والجلد والتشهير وتقفيل المعرض لكن الخوف لو كان معه واسطه كبيره 

ساعتها بيطلع من السالفه بدون حساب ... إلى الله المشتكى 

صحيح هو عمله غش وحرام بس في عالم بعض الشريطيه يعتبرو هذا العمل من التكسب في بيع السيارات ويقول في نظره انه شرى سياره اليوم بسعر معين وبكره يبيعها بمكسب والمكسب نتيجه تعبه عليها ويتمثل التعب في نظره هو انه نظفها وداخليا وخارجيا وصلح الاعطال الي فيها الى هناء نقول اموره في السليم
اما انه يغيير العداد ويقول للشاري انه مالك السياره الاول وهو كاذب هنا يتغير وضعه من التكسب بالحلال الى الحرام

الله يعين يابو سند زين أن راعي المقطع راح وطالب عن حقه وما سكت وأنا أتوقع أن فيه الكثير حصل لهم مثل ذا الشي وسكتو 

وما طالبو بحقوقهم ولكن عند الله مايضيع شي وبالنسبه للجهاز الي يكشف مشي السياره أتوقع لا يوجد مثل هذا الجهاز وانا والله ماكنت أدري ان العدادات

الالكترونيه يمكن التلاعب بها كنت أتوقع بس العدادات اليدويه تبع السيارات القديمه !

ياكثر النصابين في المعارض والشاطر بيعرف حركاتهم 

بتلاقيهم مغبرين السياره نفس غبار الوكاله ويقول شريتها للولد وكان مايبغاها يبغى نوع كذا عاد هو يحط نوع يختلف عن ماركة السياره

اللي معه عشان يغررك وترا لو تحلفه بيحلف اهم شي انه يكسب مكسب قوي 

لكن مااقول غير حسبي الله على من غش الناس في سلعته 

الله يعوضه خير ناس ما تخاف الله تغشك عيني عينك لكن ماقول غير الله يكفينا شرهم .

معقوله في ناس تسوي كذا وتاكل ابنائها حرام

اطلب على الدنيا السلام

والله يا جماعه صرنا نخاف انا ناوي على شراء بانوراما حديثه من 2010 الى 2011 واخاف انغش مثل كذا كيف اعرف كم عدد اللي تملكوا السياره وكيف اكشف تلاعب العداد

لاحول ولاقوة إلا بالله.. اللهم لاتجعل الدنيا أكبر همنا

اكثر الغشش في معارض الطائف وابها .

صراحة عشان كذا ماأشتري مستعمل تشتري وكالة وغالي أحسن من مستعمل ورخيص وحتى الوكالة عليها ضمان

وبالذات اللي يشتري مستعمل جديد ﻷن اللي قبله ماباع السيارة إلا فيها عيب

اذا ماخذ حقهفي الدنيا بياخذه  ان شاء الله يوم ﻻينفع مال وﻻ بنون
و الله حرام الى متى الغش حتى الجديده ماعاد تظمن انها مو مصدومه 
وﻻ مسمكرة وﻻ مرشوشه لكر عشان لمعتها راحت من كثر الوقفه في الشمس
خاصة السيارات الامريكيه عند الجميح كثير شكاوي في سبق من اشخاص
شروا السيارة على انها جديدة وتفاجاؤا انها مرشوشة ومءمكره

بصراحه أنا غسلت يدي من المستعمل .
غش ونصب وتلاعب بالعداد والخ... إلا من رحم الله !

المال الحلال فيه بركه .. عكس المال الحرام
والله يمهل ولا يهمل

إن شاء الله يلقاها الغشاش بصحته أو بماله

أنا أنصحكم تبعدون عن المعارض ؛ إذا أعجبتك سياره أحد وناوي تشتريها وجاد أسأله اذا بيبيعها وهل فيها صدوم أوالخ...
ثم أفحصها فحص كامل عند أكثر من مركز فحص .. ولا تقوله عند وين راح تفحص عشان ما يتفق معهم

الجديد أفضل بكثيييييير من المستعمل ؛ وأضمن

لكن فيه ناس كثير طفرانين ما يقدرون على الجديد