تعطي السيارة بزر؟ تخيل وش ممكن يصير

الله يصلحه ويهديه .

^^^^

التمس لاخوك المسلم 70عذر

يمكن انه عليمي وبادي يتعلم

واهله يجربونه بمشاوير قريبه

صحيح انه راح يسبب زحمه لاكن يعتبر من عيالنا

افضل من كلمة (( سائق تحت التدريب ))

ولااحد اعترض ولاذم لان خادم بيته

وعاد تامن بالله اني لقيت واحد عمره ب40 يردع بالسيارات اللي قدامه ويدقش فيها

جيت وطقيت قزازه وقلت سلامات ايش المشكله

قال مااعرف ادق ريوس

يالله وش تقول وعمره كبير ولايعرف يدق ريوس

الدنيا لازم تكون بالك طويل

بعضهم من موقف يتنرفز ويعكر يومه ويخرب جووه بسبت موقف

البزران هذولي بعدين راح يكونون عيالي وعيالك بعد عمر طويل

وماراح ترضى احد يقولهم شيء او من اي كلام

صحيح الواحد يعصب لاكن يحاول يمسك نفسه

عَنْ أَبِي هُرَيْرَةَ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " لَيْسَ الشَّدِيدُ بِالصُّرْعَةِ ، إِنَّمَا الشَّدِيدُ الَّذِي يَمْلِكُ نَفْسَهُ عِنْدَ الْغَضَبِ " .

والله ي خوي اكبر معروف سويته اني تركته بدون ماهينه لو غيري كان انواع الشتايم انت وانت وانت ... بس معليش يتعلم بخط رئيسي ومعروف ... وكمان بالليل

التعليم افضل شي بالمخططات الفاضيه ... 

ليه ماساعدته واخذت المفتاح ولبقت السيارة يمكن خايف ﻻ يحك في احد
وﻻ احد يحكه وماتدري عن ظروف بعض الاسر يمكن يتيم وﻻ انه اكبر الاوﻻد
وياما نشوف من صغار السن والغشمان ماعليك الا تنتبه منهم وتدعي الله
ترجع بيتك ولعيالك سالم ﻻصادم وﻻ مصدوم والله يعين ع السواقه ف زحمة
المدن تحتاج صبر وطولة بال ﻻتدقق ومشي حالك

اخ ابوخالد انا كنت بسويها لكن وجهه مرة متعرق وخايف يناظر حوله.. مستحيل يعطيني السيارة وبعدين هو ماخاف من الدخول يعرف بس خايف من الخروج لان وراه مباشرة الشارع

للاسف كثروا مثل هالاشكال حتى مافي رد مؤدب والسبب مافي تربية

ابي اعرف من اللي اعطاني ديس لايك هههههههه حتى الواحد اذا دعا بالهدايه والصلاح يعطونه ديس لايك ناس نفسيات ههههههه .

أغلب المواقف عندنا هي مواقف طولية وممكن هذا الولد الصغير كان واقف بشكل نظامي 
لكن المشكلة فينا ... مانعرف نوقف إلا بشكل عرضي 

يا جارح الله يرحملي والديك المطعم على شارع رئيسي كيف يكون واقف نظامي؟ المفروض توقف وجه السيارة ع المطعم هذا موقفها ع جنب وموخر عن المطعم يعني تارك مساحة سيارتين المطعم ماله مواقف واسعه بس االلي قدامه فهمت علي؟

مب كلهم كذا .. فيه احد من اقاربي عمره 15  ويروح ويجي وشرط ان سواقته ازين مني ومنك   

وما يسوق اﻻ مع اهله ( مايخلونه يروح لحاله )       

شطحة



ايش اسم المطعم ؟؟

نقطتين: صادق بس انا كلامي ع فئة معينة والا فيه ناس محترف لانه لقى معلم ممتاز علمه بمكان مناسب وعطاه قواعد معينة +1

مشاكس: مطاعم اللؤلؤة على طريق الهجرة +1

صراحة مع اكثر الاخوان يمكن انو معيل اسرة كاملة 
والف فرضيات. ونفس الشي سائق تحت التدريب
يمكن ماعندهم راجل كبير او اخد ماتعرفو ايش ضروفو
لاكن في روعان ودك تمحطه بكف عمره حول ١٥ ويسوق
كانه في حرامي سيارات

لو ؛ ولو تفتح عمل الشيطان ؛ كان في بلادنا مسموح الحريم يسوقون :) > ياهلا بالديسلايك

كان اهله ما اضطروا يحطون حديد سرعته ٢٤٠ ب يد قاصر 

وكان ما اضروا يركبون مع سواقين تحت التدريب ( اجنبي وخلوة غير شرعية بالسيارة ) 

ولا اضروا يوقفوا بالشارع ياشرون للسيارات ينتظرون ليموزين ؛ ويجونهم شباب يتمصخرون وتعالي اوصلك ؛ 

؛ لا تقول انا اهلي ما يطلعون الا معي ؛ يعطيك العافيه منت مقصر ؛ بس غيرك اللي تشوفهم بالشارع يتمرمطون ؛ هذول برضهم اخواتنا واهلنا في الاسلام ! 

يالله الله يعينهم ع مبتلاهم ؛ ويحفظهم ويحقظ عيالهم ؛قالها مليكنا ابو متعب الله يحفظه بمقابلته ع البي بي سي؛ اصبروا ؛ وراح يسوقون :) 

حبيبي سال ترآ السالفة تقصير من المعيل ذاته المفروض ان الرجل هو المسؤول (االرجال قوامون على النساء)

اهلي يطلعون معي لاني اعرف اللي علي لكن غيري ماهو رجال مع احترامي يفلت اخته او زوجته مع السواق والتكاسي ويخليهم شماته

ثانيا ي حبيبي راجع مفهوم الخلوة: اذا كانت اكثر من بنت داخل المدن ماتسمى خلوه في السفر ممكن.