أضف سؤال أو موضوع جديد          

خطأ يقع فيه بعض أصحاب السيارات

up 16 down 2
جارح حراج 229
قبل 8 سنه و 4 شهر



سلام عليكم
أسجل دائما استغرابي لتصرف يتصرفه البعض 
خصوصا لما يشتري سيارة جديدة 
يروح محلات الزينة ويشتري جنوط نوعية صيني جودته متوسطة الى رديئة ويبيع جنوط شد بلد بثمن بخس 
مع ان جنوط الموتر شد بلد لاتقدر بثمن وأصلية وحرام تبيعها بسعر قليل جدا يلعب عليك فيه المحل ويبيعها بعد ماتروح بأضعاف مضاعفة
ولد اخوي وولد اختي واحد اشترى يوكون والثاني تاهو 
على طول ركبوا جنوط ٢٠ وباعوا جنوط شد بلد
لو انا لاحق عليهم ماباعوها 
انا اشتريت تاهو ٢٠١٢ وودي بجنوط ٢٠ 
بالمقابل مستحيل اتنازل عن جنوط شد بلد ولا بمبلغ ٣٠٠٠ ريال لكل جنط
لايمكن ان تضاهى الجنوط التجارية بالاصلية واحذروا بيعها
نعم اشتروا تجاري لكن خلوا شد البلد مركون عندك بالبيت لانه ثمين ولايقدر بثمن ومستحيل تلاقي جنط تجاري بجودته
وشكرا لكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعين ويساعد ... الصغار مايسمعون الكلام من قلة خبرة . بكرا يعرفون
لايك :)


up 3 down 2
كارمي 2038
قبل 8 سنه و 4 شهر



عندنا لكزس جي  اس موديل 2005 حجم 300  رحت محلات زينه بغرابي وابي اركب جنوط 430  اليمانيه تجمعوو علي   يبون جنوط شد بلد 

 بس قلت لهم والله تبطون  اعطيكم جنوط وكاله  ركبت جنوط 18 430  وجنوط وكاله اخذت جنوط وكاله معي ولا عطيتهم  وحطيتها في  مخزن  والله انك صادق اخوي يستغلونك زي خويي معه فياقرا وركب جنوط نجمه لمعه واخذو جنوط 300 حقت وكاله اخذوها منه 1100 بعد اسبوع مريت على محل حصلته عارضه 2000 ريال والله من قهر بغيت اقتل يماني    


up 5 down 3
سكودر 14927
قبل 8 سنه و 4 شهر



ههههاااي سكودر كان تغنيت عليهم شوي


up 2 down 0
كارمي 2038
قبل 8 سنه و 4 شهر



كارمي 
ولابأس بتنبيه ممكن يفيد بعضهم 
شكرا لك 


up 1 down 0
جارح حراج 229
قبل 8 سنه و 4 شهر



نعم صحيح كلامك سكودر 
والمقصد هنا هو عدم التفريط بجنوط شد البلد مهما كان 
مشكور


up 1 down 0
جارح حراج 229
قبل 8 سنه و 4 شهر



التغير في السياره حلو ويعطيك انطباع جميل عن سيارتك وتميز عن غيرها ، مثل تغير الجنوط والمسجلات بشاشات مثلا والشمعات العاديه 
 بشمعات فيها عدسات او led والزينون وغيرها كثير من الاشاء الجميله .
 لكن مثل ما قال صاحب الموضوع لا تفرط بالاصلي ابدا وخصوصا الجنوط الا اذا ركبت اصلي مقاس اكبر مثلا او شكل موديل 
احدث او اجمل ممكن تبيعها بسعر جيد
تمنياتي بالتوفيق للجميع


up 3 down 0
dub_r-50 425
قبل 8 سنه و 4 شهر



موضوع مفيد ..... بس يا شباب الجنوط الصينيه تسبب رجه في السيارة


up 0 down 0
نواف الشريهي 64
قبل 8 سنه و 3 شهر