كيف أعرف إن السيارة ملعوب فيها ومفحط بها ؟

اللي اعطاني دس لايك بدون سبب ونقص نقاطي 

أعتذر منك بس ما بسامحك ولا أحللك وحسبي الله ونعم الوكيل فيك !

دام ما بيدي شئ بدعي عليك ..

افحصها بالفحص وجربها بنفسك يعني اذا تسمع صوت اذا لفيت ولف الدركسون خفيف ولفه قوه مر على كم مطبه عشان تسمع اصوات وحطها على حفره وشف الاذرعه  ويردون عليك الشباب اللي عندهم معلومه اكيده ويفدونك ان شاءالله  وموفق 

المشكلة مالي خبرة بالسيارات ..

فأنا معتمد على الله ثم على فحص الكمبيوتر ..

ودها الفحص يشيكون عليها من تحت عضلاتها وكل شي ..ان زانت معك توكل على الله

السياره اصل اذا فحطت عليها كثير خلاص تنتهي 
يطلع اصوات  وطقطقه والدركسون يثقل ويميل شوي يعني ماهو عدال الاذرعه منتهيه 
باختصار الموتر يصر يقرش ووليشه من اول ما تسوقه تعرف 

بعض الناس يحسب ان التفحيط يضر الكفرات بس التفحيط يضر الموتر كله 

صراحة بالنظر صعب تعرف اذا اندمرت من التفحيط والا نظيفه
اهم شيء في السيارة المكينة والجربكس والكهرباء تكون تمام عشان ماتعبك
وكمان البودي ما يكون مقلوب لا سمح الله ولا مقصوص لان فيه شريطيه مايخافون
الله يحلف لك ب أغلظ الايمان انها نظيفة وكانت مع شايب مثلا تراهم نصابين  

افضل شيء زي ما ذكر الاخوان فحص كمبيوتر وقبل لاتروح تفحص وتخسر
نفسك خذ معك واحد  خبره ويعرف في السيارات من إخوانك ولا خويك واهم شيء لاتنسى اذا عزمت تشتري
جيب ميكانيكي خبرة يجربها ويكشف عليها وب يعطيك العلم الأكيد 

سمعت معلومه بخصوص ( كيف تعرف ان السياره جالها درفت وتفحيط )

يقولون دخل يدك في بطانه الرفارف 

طبعا كان الموضوع عن كابرس وكانت دفع خلفي

فقال لي 

دخل يدك فوق الكفر الخلفي , امسك البطانه اللي فوق الكفره من جوا , اذا حسيت ان فيها ندوب وتحس ان فيها تقطيع 

فهذي جالها درفت وتفحيط

اما ان كانت سليمه وناعمه ومافيها ندوب فما جالها درفت 

اتمنى اكون افدتك

أولا :
 تشوف كم مالك للسيارة

إذا كان مالكها واحد من وكالتها ، يبين عليه إذا أنه كبير بالعمر أو مراهق

ثانيا : نظافة السيارة من الداخل هل فيها كسور
وأهم شيء الدرج الي بين الراكب والسائق ( دايم ينكسر مع المفحطين )
ومساكات اليد الي بالسقف ( هل هي مخلوعة ) ؟

 ثالثا : افحص الجلنط كامل

رابعا: افحص الأذرعة

خامسا : افحص المكينة والقير مكانيكيا + كمبيوتر

سادسا : استخر الله وتوكل عليه

وعليكم السلام
 معروفه 

شف بطن الموتر  اذا ( محكوك )   او المساعدات والاذرعه رايحه به 

والصدمات طالعه ومركبه تركيب لك عليه 

حححححححط رجلك ! 

الكابرس ما ينفع تشتريه الا من واحد تعرفه لان بصراحه اللي يشتري كابرس ويحافظ عليه نااااااااااااادر ويمكن تحصل موتر محافظ عليه من الف موتر وهذي مشكلته 

بالنسبه للهوندا اذا بتشتري فل كامل وموديل جديد نادر تلقى راعيها يفحط فيها اغلب حقين الهوندات يمشون صفر ويرفعون ضغطي في الدائري هههه بس ترا احبهم والله ناس اغلبهم محترمين 

بالتوفيق 

اشتري سيارة تعرف صاحبها او خذ اصفار احسن لك

شف يبين معك من مقبض الجلنط اذا ملتف جهت السايق وباين انه قد انعكف معناة السيارة قد انهدرت في كم شوط ومن مستلج بعد 

لان مع التفحيط المفحط شادة في راسه يسحب الجلنط ويلعن خيرة لين ينعفط جهته وتأكد برضو من الفحص لان احتمال يعدلونه ولا يغيرونه

مواتر التفحيط ماتبين بالمعارض

لان اللي بيبيع موتر جايه كم شوط

بيعدله قبل لايطلعه يربطه واي قطعه تالفه يلفها بتجاري

فما راح تبين اغلب مواتر التاجير في يوم او يومين بالكثير تبدا الخربات بعد اسبوع الى اسبوعين فدايم

اصحاب المواتر اللي مثل كذا يستعجل بالبيعه تحصل المكينه موضبه تجاري والقير ويبي الفكه بااقرب زبون بسعر مناسب

بالنسبه له

فلا تستغرب مواتر جديده او فخمه تنباع بسعر رخيص وتنغر به

فااحذر اخي المسلم (( فخ ـ خابور ))

اخوي دامك عينك على الكابريس

الكابريس علاجة عندي :

1- روح للكفر الخلفي زين دخل يدك داخل وامسح الغلاف الداخلي الي فوق الكفر راح تشوف اثاااااار مطاط كثيررررر
لازق في الغلاف الداخلي اذا حسيت انه ملاين وخشن انحاااااااااش

اذا شفته نضيف و الغلاف نضيف وناااعم لا يفوووتك ابدااااااااااااا

عشان الواحد كتب الطريقة الصحيحة في المعرفة السيارة اذا هي مفحط فيها او لا اعطتوووني دس لايك

انا بنزل موضوع متكاااااامل عن هالسالفة ... خل الي يفحط يتحمل خطااااه

العضو youlike 
في البداية انا ﻻعطيتك ﻻيك وﻻ ديس ﻻيك 
بس حبيت اعلق على ردك انا ما اسامح وﻻ احلل مايستاهل على شيء تافه زي كذا 
استغفر ربك ترى حنا اكبر من كذا تخيل نفسك توقف امام رب العباد يوم القيامة ياربي هذا ظلمني وعطاني ديسلايك
الناس تنظلم وتخطأ عليها وتسامح عشان الاجر
فكيف بحاجه تافهة جدا ياخي ارفعها والله ماتستاهل والواحد يستحي انه يقول مثل كلامك امام الله سبحانه وتعالى 
 
 

ولا تنسى أهم ششيء قبل لا تدفع ولا نص ريال

وبعد ما تسأل ذوي الخبرة
و تسوي الأشياء اللي قالوا لك عليها الشباب











استخر ربك
و ماخاب من استخار
ركعتين و دعااء

و توكل على الله و اشتري و صدقني ما رح تندم على
اللي شريته إذا استخرت

وصلى الله و سلم

اصبر شوي و خذ جديد أو خذ من واحد ثقة و يكون مالك أول للسيارة 
و لا تنس الاستخارة 
بالتوفيق