زبائن تبخسك عيني عينك للأسف

يبي يسوي نفسه شريطي وياخذ الغالي برخيص 
معليك منهم اعطهم اشكل ولاتفكر 

اتصل عليه وقله خذهم ب 500 ماحياخذوهم لانه بزر

اخوي الموقع مليء بالأطفال وصغار السن فلا تستغرب ولو تلاحظ اكثرهم 
حتى الإملاء مايعرفه كل كتابته غلط ما عليك الا انك تتجاهلهم وتمسح ردودهم
وسوي عليهم إبلاغ 
وبعض المشترين يبخسك الثمن اعتقادا منه انك محتاج ليستغل حاجتك وتبيعه
بالسعر الذي حدده

شكرا لكم لايك للجميع

اخوي ابو خالد اقدر اسوي ابلاغ بخس ؟ اذا بخسني على الخاص 

المشكله يشتريه منك ب 800 ويعرضه للبيع ب 1500 ياكثر هالعينات تحصلهم مبزره يسمعو بالتجاره شوف اغلب اعلاناتهم اعلى من سعر الجديد ووقت مابيشتري يخسف بام السلعه والغريب تحصله يسوم بي ام ومايباخ وماعنده قيمة الجنط ويتواصل مع صاحبها ويطلب صور بالواتس عشان يكشخ فيها قدام اخوياه بالمتوسطه

ودك الموقع يحط خاصيه حظر 

التجاهل ولا تتعب نفسك بالرد حتى اخوي على رسالته بما انك وضحت الكلام بالاعلان 

مصري واضح من كلامه نصاب خخخخخخخخخخخ اي ده يلا اديني طعمية

ما راح تنحل مشكلة البزوره الا بخاصية دفع 50 اقل شي اذا الواحد سواله حساب بالموقع وكذا ما بيدفع الا الجاد الي يبي يبيع سلعته اما الي يبي يطقطق ما بيسويله حساب وهو ما بيشتري شي هذا الحل الوحيد على الأقل لو ما محاهم بيقلل منهم بكثير

بس تبي الصراحه حتى بعض المعلنين يبيلهم شغل بعد انا مره لقيت اعلان لتشالنجر سعر 2010 بسعر 2013 وسعر 2009 بسعر 2012 ليش ط!!!!!
البائع و الشاري اكثرهم ي يحط قيمة موتره فوق او يجيك شاري ويبخس والله كريم "

المبزره مليانين بهالموقع ولو تلاحظون أنهم يختفون وقت الاختبارات النهائيه ويرجعون يغثونا بعد ما يعطلون 
انا افضل كل واحد يفتح حساب بالسجل المدني حقه عشان يقلون المبزره 

اخ سآآآل الله يهديك ما كان لازم تذكر جنسيه محدده 

انا عارف جنسيته وكنت اقدر اذكرها لكن هذا الشي لا يجوز وفي مصري طيب ومصري سيء وفي سعودي طيب وسعودي سيء
وفي هندي طيب وفي هندي سيء في الاخير كلنا اخوه ومسلمين وكلنا كنا فيوم ( عزتنا ورفعتنا ) تحت دوله واحده 

والشعب المصري معروف شعب الفتوحات الاسلاميه في بلاد المغرب الاسلامي والاندلس استعانو فيهم في الفتوحات كثير

وهم الذين اسقطو المغول ايام المماليك وهم من خرج من دولتهم صلاح الدين الايوبي لفتح القدس وقلعته في مصر

واليوم وانا راجع من صلاة الجمعه فتحت اذاعة القرآن الكريم وكان فيه اثنين حفظه للقرآن سعوديين واثنان مصريين 

فارجو احترام الاخرين وكل دوله فيها نصاب وفيها محترم 

الاستهزاء بالناس والسخرية بقبائلهم من الأمور المحرمة في الشرع،
 قال تعالى: يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ
وَلَا نِسَاءٌ مِنْ نِسَاءٍ عَسَى أَنْ يَكُنَّ خَيْرًا مِنْهُنَّ وَلَا تَلْمِزُوا أَنْفُسَكُمْ وَلَا تَنَابَزُوا بِالْأَلْقَابِ بِئْسَ الِاسْمُ الْفُسُوقُ بَعْدَ الْإِيمَانِ
وَمَنْ لَمْ يَتُبْ فَأُولَئِكَ هُمُ الظَّالِمُونَ {الحجرات:11}.

سئل الشيخ :.
محمد بن محمد المختار الشنقيطي
.حفظه الله ..
س / ماحكم ( النكته ) إذا تم تسمية بلد معين أو قبيلة
معينة كقولنا كان هناك رجل من قبيلة كذا فعل كذا وكذا على سبيل السخرية 
؟

فقال حفظه الله : هذه غيبة لكل أفراد القبيلة

.وكلهم غرماؤك يوم القيامة
.ويقتصون منك عند الله في يوم عظيم
ويزداد الامر سوءا إن كانت النكته ضد قومية او جنسية معينه فعندها
 يزيد غرماؤك يوم القيامة ..انت في ذلك اليوم تحتاج الحسنه الواحده
.فكيف ستواجه هؤلاء الغرماء جميعا
يوم القيامة ..
.إن الامر مخيف وخطير ولابد له من توبة عاجله !!


أخيراً كفارة المجلس 


دعاء كفارة المجلس




قال النبي صلى الله عليه وسلم:من جلس في مجلس فكثر فيه لغطه فقال قبل ان يقوم




(( سبحانك اللهم وبحمدك اشهد ان لا اله الا انت استغفرك واتوب اليك ))

الادهى من ذالك بعضهم ما عنده سياره اصلا يصور لعبه سوني3 ( لعبه
حرامي السيارات)

ويحطها ويوقول للبيع ويحط سعر بعد




http://haraj.com.sa/113561994



وش الحل معه ومع الي يسومون ومصدقينه

جزاك الله خير احرجتني:$ ,,

ياخي على عيني وراسي المصاريا بسس لايجيك مصري نصاب :/

سآآآآآل 

اعتذر منك احس اني كنت هجومي زياده عن الزوم ههههههههههههههههه

اما الي حاط حرامي سيارات الله يهديه ويصلحه

ومن جد ادارة موقع حرااااااااااج نايمه بس اهم شي عندهم العمولات ولا دورو في الخدمه السيئة وتحسينها

المفروض نسوي مقاطعه دفع عموله