أضف سؤال أو موضوع جديد          

شي غريب في بعض البائعيين في الموقع ؟؟؟هل احد انتبه لهذا الشي

up 5 down 4
ابو عزوز8 430
قبل 11 سنه



كثير من الاخوان هنا في في الموقع لاحظت لهم مواضيع كثيره بيع وتوصيل ووو الخ

الغريب له اكثر من سنه او سنتين وبعضهم اكثر

والاغرب تحصل نص موضوعه صور مدح له في التعامل والثقه

المشكله تدخل على اسمه وتنتبه لشي مهم الي هو عمولة الموقع ماسدد ولا ريال!!

هل بعضهم نصاب او مايخاف الله او وش السالفه

اذا عمولة الموقع الي تعهد على سدادها ماسددها وتحصلها شي بسيط

كيف تبي الناس تثق فيك بكلام مصور لانعلم عن مصداقيتهم

اقتراح بسيط

اتمنى من ادارة المنتدى ان الشخص الثقه يكون عنده اسمه علامه ان الموقع يضمن التعامل مع هذا الشخص

طبعا الموقع مايسوي كذا الا بعد ماياخذ معلومات هذا الشخص كامله لدواعي امنية مستقبلاً

هل تؤيدون هذا الاقتراح اخواني؟







إبلاغ إبلاغ



الردود


اخوي بغض النظر العموله ـ. احتمال انه يسدد ويحذف الاعلان ـ ويكتب السبب
تم دفع العموله ويطلع انه ماسدد ــ احتمال الخطا من الموقع 
دام ماضر الزباين وماهوب نصاب وثقه ـ الدخول في النيات شي عظيم
هالشي بينه وبين الله ــ يمكن انه يسدد بس في خطا نحسن النيه دام
انه ماغش احد او خدع احد


up 3 down 0
ابو نورره 98
قبل 11 سنه



^^
ابو نوره حتى لو حذفت الاعلان مالها دخل


العموله علامه بارزه عند اسمك

بس البعض للاسف يتهاون بالامور وهذا حرام ونهى الله ورسوله عنه

اذكر في شخص بعد ماباع موتره نزل اعلان يسال لازم ادفع العموله!!

تخيل انت تشتغل عند واحد ويوم خلاص وتبي حسابك قالك لازم!!

هل عند البعض استعداد بالدخول للقبر وبذمته كم ريال

ياخي زمان كان الواحد ماينام الا هو مسدد كل ريال عليه بدون مايقسم ويتعهد

هنا يقسم ويتعهد واخرتها مايسدد ولا ريال!!


up 3 down 0
ابو عزوز8 430
قبل 11 سنه



اخي الغالي 

الكلام نسخته لك و ركز فيه ربي ي بارك فيك


كما هو مذكور في معاهدة استخدام الموقع،
فإن الموقع يحصل على عمولة قدرها 1% من سعر السلعة
المباعة عن طريق الموقع و يدفعها المعلن،
وهي أمانه في ذمته. إذا كانت السلعة المباعة سلعه عقاريه،
وبها أكثر من وسيط، فإن الموقع يكون أحد الوسطاء،
ويتقاسم العمولة معهم. ويعتبر هذا الشرط اتفاقاً ملزماً،
يحق بموجبه للموقع المطالبة بهذه العمولة.
إن كانت قيمة العمولة أقل من 20 ريال سعودي ،
فيمكن التصدق بها عن الموقع. 


لذلج في بعض الاحيان عمولة الموقع اقل من 20 ريال
لذلك بامكانك تتصدق بها عن طريق الموقع
انا مره بعت اغراض بالموقع و كانت البيعه ب 600ريال
و عموبة الموقع 6 ريال .. عادي تصدقت فيها لاني لقيت الكلام اللي
يثبت ذلك

شكرا لك



up 2 down 0
w176.amg 2014
قبل 11 سنه



كلن ذنبه على جنبه

كلن بيحاسبه ربه بقبره وبيوم القيامه بخصوص العموله




up 1 down 0
amear 1347
قبل 11 سنه



بالنسبة لي تعاملت عن بعد 3 مرات وربك ستر اجهزة ماتتجاوز قيمتها 300 ريال

ووقفت من 3 اشهر لان مو كل مرة تسلم الجرة .. بالنسبة للرسائل فبركة ي حبيبي فبركة انا اقدر اصور اي عضوية هنا وافبرك عليها رد او موضوع  او اقدر ارسل على جوالي رسالة كأنها جاية من رقم معين ويظهر الرقم بالرسالة هو المرسل



up 1 down 1
m11013 923
قبل 11 سنه



بالنسبة لي نفسي اشوف بائع من قسم العقار دافع عمولة
قسم حراج السيارات فيه تحصل ناس مسجل انه دافعة لكن العقار فريت عضويات كثيرة ومحصلت شي


up 1 down 0
albroker99 744
قبل 11 سنه



نفس ملاحضتك أخي العزيزتلقى أعلاناته كثيره جدابالموقع ولكن تخش على اسمه ماعمره دفع عموله مستحيل انه ماباع عن طريق الموقع وحتى لوحذف الاعلان يضهرانه دفع عموله


up 0 down 0



ادارة الموقع ليست مهتمة بإقتراحات تسهم في الحد من المتلاعبين سواء من المعلنين او اصحاب الردود 

والسبب : المهم هو استلام العمولات + زيادة ترافيك الموقع ( من صالح ادارة الموقع وجود بعض الأكشن في الردود ) 

قبل فترة اقترحت على الإدارة ترتيب عرض الإعلان للمعلنين على شكل خانات اجبارية واختيارية 

مثال :

خانات اجبارية لـ : لون السيارة وممشاها وآخر سومة ورقم الجوال + خانة اختيارية لوضع الحد + تكون جميع الاعلانات مصورة 

وكذلك الكثير من اقتراحات بعض الأعضاء ولكن لم يستجيبوا

اعجبني اقتراح لأحدهم بإجبار جميع الأعضاء على ربط عضوياتهم برقم الجوال 




up 1 down 0
abo mbark 614
قبل 11 سنه