محطات الامارات وصلت السعوديه مبروك
20
2
إضغط هنا للإخفاء
السلام عليكم كيف الحال ي شباب وش الاخبار
قبل فتره في طريق الجبيل وانا راجع للدمام فيه محطه يبنونها باقي ماخلصت
وحاطين لوحه كبيره تعلمك بالمشروع والتكلفه ومن هالكلام واستغربت انها محطه اسمها (اينوك)
المحطه هذي فيه منها بالامارات كثير وشكلها وتصميمها ممتاز جدا وفخمه وبها مطاعم
وخدمات ممتازه .. المهم اني رحت مشوار قريب من حي الجوهره شمال الدمام ولقيت هالمحطه خالصه
مثل اللي يبنونها في طريق الجبيل وصورتها لكم بصراحه شي خطير واتمنى فروع كثير منها
اللي موجود فيها من خدمات غير البنزين
محل كفرات (بيع وتركيب فقط) يعني مافيه محل زيت وكهربائي مع بعض
وجنبه محل بترومين اكسبرس.. منفصل
محل تلميع وتظليل (شركه) مو محل زينه .. منفصل
المطاعم .. برجر كنج وهذا مو جديد فيه محطات غيرها سووها من قبل اظن ساسكو
كوستا كوفي
دانكن دونات
ميني ماركت اللي هي اكبر من البقاله واصغر من السوبر حجمها ممتاز
وفيه داخلها بالزاويه صراف ساب صغير بالاضافه الى محل كوستا كوفي داخل بزاوية الماركت ايضا
اذا جيت تعبي بنزين ينظفون القزازات كلها بملمع قزاز ويشطفونه بجلده خاصه للقزاز تطلع نظيفه (ومجانا)
العماله الموجوده من الهند والفلبين وكلهم يتكلمون عربي وانقلش واللبس واحد للعماله وشكلهم نظيف ومرتب
وفيه مكان موجود اول ماتدخل المحطه على اليمين فيه مويه وهوا مكان خاص فيه بعيد عن البنشر لحاله
بصراحه مشكورين على هالترتيب والشغل المتعوب عليه...
هذي صوره من تصويري وفيه غيرها واجد لكن ماتحملت لان حجمها كبير
وماعندي برنامج يضغط الصور وهذا اللي قدرت عليه واسمحونا
إبلاغ
الردود
اذا حد فيكم بيعرف محطه تبغى طرمبات الكترونى حديثه يكلمنى
جوالى و واتس اب
0540859326
و للعلم الشئون البلديه بتجبر كل المحطات تكون مثل الامارات و قطر بحلول نهايه عام 1438 هـ
و الله يوفق للأفضل
0
0
انا ارشح اينوك الاماراتيه بصراحه مافيه مقارنه ' شكرا
قبل 9 سنه و 11 شهر