مشكلة حصلت معي وحلها

14 6

لايمكنك التصويت حتى الحصول على 20 نقطة على الأقل
إضغط هنا للإخفاء

مطلوب سياره 392
قبل 10 سنه و 6 شهر

السلام عليكم ورحمة الله

الموضوع هذا بقوله لكم علما انه صار معي وبقولكم كل التفاصيل

اولا المشكله:
بالشتا ما في اي مشكله  بس بالصيف وقت الحر  بعد فتره تشغيل ماهي محدده يعني من تسخن السياره
اكون جاهز باي لحظة  لرجفة مكينة السياره والتقطيع والعزم اللي يطيح فجاه لدرجة ودي اطلع رجلي وادف السياره
ومن تبرد السياره يكفيها اطفيها ربع ساعه وترجع صافيه ومن تسخن اكون مستعد باي لحظة للرجفة المكينه وغثا البال

والسياره كامري 6 سلندر  يعني قمة الاحباط 

الحلول:
1. الحل عن طريق الانترنت  لقيت مجموع تجاربهم يفوق 5000 ريال من ناحية غير حساس وطرمبة ووووووو
2. رحت لسباكين الصناعيه والفتاوي كانت كالتالي:
    طربمة بنزين لانها تسخن وتقطع السياره
    حساس الكرنك
    وكلها حلول للتجربة فقط

ايامها كنت مفلس ولا كان دفعت ثمن تجاربهم  علي  ،،  نتعت فيني السياره وظلت تنفض بالاشاره وحالتي حاله
وقف يمي واحد عمره بالثلايينات مو مبين على هيئته انه فاهم بالسيارات سالني شفيها سيارتك قلت مدري

قال غيرت اسلاك البواجي؟   قلت لا  قال غيرهم وغير البواجي

كلفتني السالفه ومافيها   حوالي 500 ريال ويمكن اقل اسلاك وبواجي وتركيبهم وتشييك الفيوزات عن الشكه ووو  ورجعت السياره من 
احلى ما يكون صافية وعزم قوي

بعد هالتجربه عرفت ان المشاكل ممكن تكون من اي سبب تافه وحنا ندفع لقطع سليمه ماهي تالفه

اتمنى كل شخص يعرض اي سالفه صارت وانحلت ببساطه وبدون خساير كذا

إبلاغ

الردود