قذف السيارة بالبيض ... ليه الأذى

الله يعيينك احمد ربك والله فيه ناس سياراتهم اتكسر وتصدم

ذكرتني لما سكنت بحي جديد , المهم كل ماوقفت سيارتي بآخر الليل اجي الصبح والاقي بيض مكسر , استمريت على هالحاله اسبوع كامل



طفشت وقفلت اخلاقي اعطيت سواق جارنا 50 ريال قلت له ابغاك تراقب اللي يرمي البيض وتعلمني ... المهم الهندي ماشاء الله عليه شغل الزنون حقه وجلس يترصد له يوميا لين قفطه 



عرفته ورحت لبيتهم وطلع لي وطلع ابوه معه وعلمته بالسالفه , واعتذر مني والده وكان بيضربه لكن حلفت مايمد يده عليه ... وطلع السبب بالاخير ان صاحب الشقة طلعهم وقال لهم انه ولده بيسكن في الشقه وهو في الاصل مايبغاهم 



فلما عرفوا انه سكن شخص ثاني حبوا ينتقمون وييطلعوني انا علشان انتقام من صاحب الشقة وكل هالامور بتدبير من ام الولد هههههههههههههه ( النساء كيدهن عظيم ) ..

هههههههههه
شكلك مطفشهم

وآخر مره كنت نايم العصر وتعرف نومة العصر بعد الدوام تحس انك في غيبوبة هههههههههههههه , المهم اسمع صوت خشب يندق بقووه في الشارع 




حاولت انام وماقدرت لان نومي خفيف اي صوت اصحى على طول , قفلت معي واناظر من النافذة واحصل بشكة متجمعين في زاوية وماسكين لي برتقال حق الكهرباء ويضربون به كرتون في الشارع 




قلت والله ماخليهم طلعت لي هذاك اليوم ام العبيد وانزل بسروال وفنيلة ركض لهم قلت ابسدحه مكان الكرتون وابجلده باللي لين ينشف دمه لكن للأسف لما جيت هرب هههههههههههههههههه 



كنت ابلحقه بس اللياقه 0 توي صاحي من النوم ومافيني حيل اركض هههههههههههههههههههههههه 




توعدت فيه وهددته ... قلت له ان طلعت وسمعت صوت اعرف اني ابقضي عليك ... المهم رقيت فوق ورجع يضرب بالكرتون مره ثانيه .. قلت ياولد خلني اجيه بالطيب لايجلس يبهدلني مع السيارة يكسر قزازها او شيء 



رحت له وكلمته وجيته بأسلوب حلو واعتذر مني ... وحاليا من يشوفني يسلم .. لذلك ياصاحب الموضوع راجع حساباتك يمكن انك بيوم غلطت على احد او ضربته ... :)

ورعان .. لو هو مشتري البيض من جيبه ماكان سوا ذا 

مايدرون ان البيض الان ب 17 ريال

رااضي 
وينك مختفي لك فتره

اولا انتبه من الحمض الناتج عن البيض ع البويه والجلود أغسلها بسره بموية حااااار

بعد لي جاري يطفشني ع الموقف . ودايم هههههههه اهدده بالمزح اني ارمي بيض وطماطم ع سيارته
واااانت كذا تأكد لي انها عملية مضبوطه ... فيس شرير 

لكن الي يسوي مثل هذي الحركات ..
واحد قااااااااصدك او ورعان الله يهديهم 

امس عندي بالحارة صغار يرموا علبة الموية الصغيره ع السيارات المتعدية
ههههههه الثوب بفمي وطريدي وراهم بالحارة والله تعبوني الله يصلحهم

والله بزارين هالوقت مشكله أنا شبه يوميا اجيب أخوي من المدرسه وكل واوصل للمدرسه القى بزارين بنص الشارع ادق لهم بوري ما يوخرون يتعندون ويصفون قدام السياره وكل يوم على هالحال لين صرت اشطف تشطيف عقبها كل ما شافوني يوخرونن

تلقاك تلبق عند بيتهم   لبق عند بيتك  افضلك 

انتبه غسل موترك سريع انا كان معي فورد 97 كنت مطلعه بطاقه وماشاء الله اول ما وقفته عيون الناس عليه كان يبرق برق المهم 
جا واحد الله يهدي وصكه بكم بيضه وطنشت ولا غسلته المهم يوم غسلته طلع البيض مطبوع ع البدي ولا راحت والله يعينك

الله يعينك ..
عشان الريحة حط ثلاث قطع فحم في السيارة وحدة قدام ووحدة بالنص ووحدة ورا ةبإذن الله تسحب الريحة من السيارة
الفحم يسحب الروائح

ههههههههههههههههههههههههههه شر البلية مايضحك عموما حاول توديها تلميع ولا شف لها معطرات وان شاء الله بتروح الريحة بس والله فقعت ضحك يوم كتبتا مع الشمس بتصير مسلوق ههههههههههههههههههههههههههههههههه ... تقبل مروري