ياخوان وش رايكم باهوندا اكورد 2013

اللي اعرفه انه موتر كفو وتصميمه ماشاء الله جذاب , للأمانه ماقد جربتها لكن اثنين من اخوياي مطلعينها وكاله ويمدحونها سياره تستاهل كل ريال يندفع فيها 

انا معي اكسنت 2014 معذبتني سيقتها مافي رساوه بالحيل احس الفرق؟ واقدر امسك الدركسون بيد وحد على السرعات من 140 فوق الاكسنت مشكله لزم تمسكها بدينك الثنتين

الاكورد انا استاجرتها من هانكو داخليه ممتازه و ثباتها ممتاز و جودة تصنيع الديكورات الداخليه ممتاز .. و المكيف ماشاء الله ثللللللللج.. حلوه جداً..



انصحك تستأجرها و تجربها بنفسك يوم او يومين ..

^^ تخبر لي مكتب ياجر بدون ورقه عمل؟!! انا طالب بالجامعه مايعطوني

عليكم السلام 

انا شريتها وبعتها بعد 3 شهور وأسباب البيع كالتالي ..
1- قساوه في تعليق السيارة 
2- العزل الأرضي سيئ 
3- عزل صوت المحرك عن المقصورة ضعيف وابمكان الركاب سماع هديل المحرك 
4- قطع غيار غالي شوي سعرت الشمعه ب 4300 ريال 
5- القير لازال 4 غيارات 
6- يوجد تنسيم هوا جهت السائق على سرعه 120 كيلو 

أما الإيجابيات هي كالتالي ..
1- المقصورة الداخلية فخمه ومواد تصنيع ممتازه 
2- الدركسون كهرباء وذا مريح جدا في القياده ويعطيك التفاف دقيق جدا وثابت 
3- رساوة ممتازه جدا 
4- وسائل الأمان فيها متكاملة وممتازة وحصلت على 5 نجوم في نظام الأمان 
5- عملية ويعتمد عليها في كل شي 

عادي خل واحد من اقاربك يستجرها لك 

نسيت اقلك الفرامل سيئه لأبعد الحدود 
رجه مع الفرامل وصوت الاقمشه صفير وإذا حميت الهوبات الفرامل تصير صبه ولا تمسك 
والشركة تقول عيب مصنعي 
وشكرا

ايه والله حاول تستاجرها انا مع واحد من اخوياي وماشاء حللوه ف الناس اذواق واستاجر وجرب خساره 300 او 200 ولا تشريها ولا تعجبك 

سلبياتها :
عزل الهواء على سرعات عاليه
العزل الارضي
قطعها مرتفعه نوعا ما ب المقارنه مع السيارات نفس فئتها


ايجابياتها 

موتر يكد معك واعتمادي درجه اولى
اقتصاديه
رساوه ممتازه
والكثير من الايجابيات اللي تغطي على السلبيات

مثل ماقالوا الاخوان اول شي استخير واستأجرها او حاول احد يستأجرها لك للتجربه
او شوف الوكاله يمكن عندهم تجربه قياده للسياره ، والله يكتب لك الي فيه خير ب التوفيق

جرب السياره 
يعني اثنين يركبون سياره وحده تلقاء الاول معجبته والثاني لا وصعب اقولك خذها 
لان كل انسان له ذوق التجربه ولاتسال احد

ابو ندا
القير للاربع سرندل خمس غيارات والست سرندل ست غيارات
الشمعة للاسبورت اللي تجي زنون وعدسات ب 3200 مسعرها قريبي
أما الفئات الاقل اللي شمعتها مافيها زنون فبحدود 1000 ريال تقريبا

شيء غريب تمتلك أكورد وهذي معلوماتك عنها
بالنسبة للعزل الأرضي أكرر هي مثل جميع السيارات اليابانية بدون اختلاف
ممكن تسمع صوت احتكاك الكفر بالاسفلت أكثر بقليل من بقية السيارات اليابانية وهذا بسبب الكفر ميشلان
بمجرد ماتغيره الا نوعية أخرى سترى الفرق

خذ ال 6 سلندر .

سلطان انا مسعر الشمعه بنفسي أول ما أخذتها كان توها نازله بالأسواق 
وشريتها من جده لأن بعد ما نزلت في المناطق الأخرى وكان هذا رد الموضف 4300 ريال 
ممكن نزل السعر الله اعلم وبالنسبه للقير نعم 4 نمر وترييحه ولا تسمى 5 نمر وشكرا 

لي تعليق على جودة المواد الداخلية
ماعرفت كيف جودة عالية القماش المستخدم في بطانة الأبواب والتكاية والمقاعد من اردئ انواع المخمل الي شفتها بسيارات 
قد استاجرت وحده قبل أسبوع 2013 ماشية 40 الف الداخلية كلها مفكفكة وتطلع انواع الاصوات وفيه صوت حنة ومساعدات لكنها سيارة اجار للتاكيد لكن 

لا يغرك الشكل !!!!!!!!! 

ابو ندى 
كيف اربع نمر وترييحة
الاكورد من 2003 وهي خمس نمر

بالنسبة للشمعات شكله موظف الوكالة مو داري وين الله حاطه
ارجع سعرها وشوف بنفسك

انا جربتها ماشاء الله

عز الله انها موتر

بس صوت مكينته بالدعسه شوي عالي

وتفصل على 210

ولا الموتر عز الله انها كفوو ويكد

الاكورد سياره اعتماديه بدرجه كبيره وكانت اكبر مشاكلها تهريب الدركسون والدوده وبهالموديل صار الدركسون كهربائي يعني ماعاد فيها هوز هيدروليك وطرمبة وهالكلام... الراي الاول والاخير لك بس ترى تعليقها قاسي وغير مريحه للخطوط اما غيرها تعجبك

سعر الشمعه ماخذها ١٠٠٠ اول مانزلت بشهرين.  
وبعدين مافي تنسيم.  هذا صوت الهوا فقط