ارجو الدخووول للظرورة

ماشاء الله تبارك الله
الٲكورد موتر بما تعنيه الكلمه ثبات ورساوه وقوه وتماسك وموتر كرف
العيب/ اذا تحب السرعه مابه ذاك العزم يبيلها راكد ورايق
القطع / الوكاله غالي نسبياً ومحتكرها عبدالله هاشم
لكن يوجد بديل ياباني وتايواني وصيني
لكن ٲظمنها لك بعدالله اذا سلمت من الحوادث واستخدامك لين  عشرسنوات بنزين وزيت وٲقمشه فقط

اذا فاتني شي يفيدونك الشباب 

توكل على الله وخذه ولاتشاور
 موتر عملي واقتصادي وقطع الغيار ياباني ياباني
معي هوندا صارله 12 سنه ماتكلف ابد غير الصيانه الدوريه و بس

قطع الغيار معقولة
الاستهلاكية والبدي مثل الكامري
عضلات الموتر اغلى من الكامري بحدود 20 الى 30 في المية لكنها اكثر عمرا

العزم وسط
البنزين فل والتانكي فاضي الاحمر 42 ريال والاخظر 32 ريال وتمشيك فوق 700 او 800 كيلو حسب دعستك
بس تأكد من الممشى قبل كل شيء هل هو حقيقي
لان 2009 لها خمس سنوات والموتر ماشي 50 الف فقط .... شيء غريب

ٲهم شي
زيت الدركسون لا تحط حق الورش الٲحمر.....فيه زيت خاص لهوندا....ٲغلب الي يشتكي من علبة الدركسون لهذا السبب تتعطل

..كذلك ...فلتر القير مع الزيت مهم جدا كل خمسين الف......وتوكل على الله وما ندم من ٲستخار

انتبه من الممشى 50الف وموديل 2009 ترى السياره ماهي مرسيدس ولابي ام هوندا تعتبر سياره عمليه حقت استخدام يومي ماقوللك مستحيل بس دقق على الممشى وافحص بالوكاله لانه اكيد بيكون سعرها غالي

الضرورة تكتب كذا
وليس الظروره

اذا‏ ‏السيارة‏ ‏نظيفة‏ ‏‏ ‏وممشاها‏ ‏حقيقي‏ ‏خذها‏ ‏وانت‏ ‏مغمض‏ ‏معروف‏ ‏الهوندا‏ ‏بالقوة‏ ‏والرساوة‏ ‏وسيارة‏ ‏كرف