أضف سؤال أو موضوع جديد          

بعض السيارات الصينيه ولعت مع الصيف

up 26 down 5



السلام عليكم ورحمة الله وبركاته :
كيف ياشباب بعد غيبه طويله وانشغال قلت ارجع نسولف شوي وناخذ علوم السيارات
الفتره اللي راحت بلشت مع اخوي وشكله كره الاكسنت 
وناوي يطلع موتر ومابي اجبره ول اضغط عليه توه مراهق لكن بنشب له ببعض النصائح واوجه فبعض الامور بعد تجربه لي فهذا الموضوع

اول سياره حط عينه عليها MG 750  وانا فاكرها وعاجبتني رحنا شفناها فالوكاله كل شي فيها خيال
طبعا عادتي ماحب اخذ على كلام الموظفين لانه فالنهايه يبغى يبيع ومالقينا عندهم تجربه او احد من العملاء عشان اسئله 

رحنا ندور على مكاتب التاجير عندهم سيرات صينيه MG ولقيت مكتب ( الاول او الاولى ) مو متاكد بس مقابل كبري الخليج ولقينا سيارتين
وحده 750 والثانيه الصغيره قلنا كويس نبي نجرب
جيت بستاجر قلي المصري هذي عطلانه
قلت طيب الصغيره
قلي عطلانه عندي سيارات غيرها
قلت انا ابي هذي السياره ودنا نشتريها بس قلنا نبي تجربه حقيقيه

قال ياعم انا بحذرك مليون مره ماتقربش من الصيني
السيارتين 2013 واكثر من مره تتعطل ونرجعها الوكاله يصلحوها وقطعها غاليه وبعضها مش متوفر
الان رجعت تعطلت مره ثانيه وارتفعت الحراره وحاليا راح نستغني عنها
وماراح نجيب اي سياره صينيه لانها خسرتنا ووقفت عندنا كثير ولا قدرنا نطلع منها ارباح
فانصحك توفر فلوسك ولاتجرب وخذها مني ابعد عنها شوف العربيتين متعطله وهذي اخر مره نجيب سيارات صينيه
ولايغرك الشكل لانه بهذلتنا

تركناها وكان جنبه محل كوفي اخذت قهوه عربي حاره هههههههههه بتقولون وش دخلها فالموضوع بس ابي اسولف

حاليا بحاول اقنع اخوي ماياخذ الا سياره من تحت ال 100 وتلبي رغبته في الفخامه والشكل وتكون اقتصاديه
من البدايه وقع اختياري على الاوبتيما خصوصا انه مع ولد عمي فل كامل ويمدحها 
لقيت سعرها فالوكاله يتراوح مابين 97 الى 95 وفي المعارض اصفار ب92 

مديل 2014 الاوبتيما تغيرت بتعديلات اكثر من رائعه من الخارج والدخال خصوصا الدركسون صار شكله احلى وتعشيقات للقير من خلف المقود

احتمال كبير انه القرار يوقف على الاوبتيما اشوف سعر ومواصفات فخمه وايرباقات اماميه وجانبيه 
واعتقد ب92 الف سعر منافس مقابل الكامري والاكورد فئات ال 4 سلندر مع المواصفات

المازدا مادخلت مزاج اخوي
باقي الفيوجن بنروح نشوفها الاسبوع الجاي يمكن تناسبه او لا
باقي البيجو 508 والكامري 
الشراء باذن الله بيكون في رمضان او بعد رمضان تكون العروض والتخفيضات نزلت


&&&&&&
الموضوع الثاني
تتذكرون خويي اللي باع فورده واخذله سبورتاج وصار عليه حادث الله يعوضه
السيارها صار لها شهرين توها تخلص والسبب عدم توفر القطع وكل شوي يقولون طلبيه !!!!
جى بيستلمها قالوا ادفع 2500 قيمة تحمل ؟
ليه طيب الغلطان صدمه وتقرير الحادث موضح فيه هالشي
قالوا ماتستلم الا لمن تدفع
قلت لخويي ارجع للعقد انت قريته ولا ماتدي عنه ؟
قال مدري عنه <<<  هذي عادة الشباب عندنا 
يشخطلك العقد ويطلع الموتر ومايدري عن شي

راجعنا شروط التامين الشامل ومن ضمنها انه في حالة هروب المطرف المتسبب في الحادث والذي يجب عليه ان يدفع مبلغ نسبة التحمل
يجب عليك انت تتحملها
ماكان بيده الا يسكت وينتظر يدبر المبلغ عشان يعطيهم

افتكر كانت عندي زوم 3 وتامينها ( اليانزا ) وكلفت السياره فحدود 22 الف بعد حادث مادفعوني الا 500 

اما هذا النظام فالتامين اول مره اعرفه
انا قد كتبت موضوع عن هذي الامور ولازالت الناس تقع في نفس المشكله

في الاخير وش رايكم في الشروكي المعفن في الصوره الاخيره ؟؟

http://www.youtube.com/watch?v=QWUVtVir23o












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


السلام عليكم  انا ارشح لخوك ياخذ هلي بس شرط ياخذا خليجي فيه ايرباق ومانع انزلاق اظاهر ولائنه حقت كرف وحقت كشتات وحتى مغامرات في شوارعنا المكسره وسعره من 88 في المعارض الى 90 تقريبن هذا السعودي غمارتين فل كامل والخليج اكيد ارخص واذا كانت البيك اب ماتستهويه فا الاوبتيما مرشح جيد خاصة انا وكيله الجبر وفي الاخير لازم يستخير والله يكتب له خيره ويكفيه شره مقدمن


up 2 down 0
نايف مجول القحطاني 366
قبل 4 سنه و 6 شهر