هل تنزل أسعار السيارات الأن

وعليكم السلام ورحمة الله وبركاته

الحين الاسعار مرتفعة بسبب بداية الاجازة والسفر اذا بتبيع بع الحين لكن بعد اسبوعين بتبدا تنزل لان الناس سافرات 

المستعمل ينزل شي طبيعي 

يعني 2010 بداية السنة تكون ب 100 قريب نهاية السنة تكون 85 مثلا

اما تنتظر عشان ترتفع ماتوقع خاصة برمضان تنزل عروض قوية على الجديد و بعد رمضان تكون تصفية على المخزون

طيب وش نوع الموتر ياغالي وياليت تذكر لنا مواصفاته وكذا عشان نقدر نفيدك هو بيجيب لك المبلغ اللي يطيب الخاطر ان شاء الله ولا لا ... وبعدين وانا اخوك اذا كنت محتد وبحاجة القرش ياحبيبي بع ولا يهمك احد ولين قال لك خويك لاتبيع ومدري وشوا قل اجل سلفني لين يرتفع سعر السوق يعني مع احترامي لبعض الناس تجي تقول له بشتري السيارة الفلانية نص فل او ببيع كذا وانا على قدي قال لا ولا يحسب الناس كلهم كاش ... وبعدين وانا اخوك فرق 4 ولا 5 الالف مهيب ضارتك اهم شي تخلص امورك والله يوفقك وييسر لك في زواجك ويرزقك الذرية الصالحة ... تقبل مروري

وبعدين للمعلومية السوق بدا يدج لان ماعاد فيه احد الا الشريطية يلعبون على انفسهم العالم هجت وصارت تدور الجديد حتى لو انه اكسنت ملوا من الصناعية والتصليح وصاروا يخافون من الغش ومن الموتر يكون ملعوب فيه ولاحظ الشوارع الان اغلب المواتر من 2010 وطالع ويمكن اعلى قليل تحصل موديل قديم

موتري اوريون 2011 ستاندر ماشي 107

در على موضوع هل ستنزل سيارات الان ؟  معروفه قبل الاجازات  وفي اجازات ترتفع اسعار سيارات صالون لكن سيدان كل يوم نسمع الاشاعه هذي لكن الاسعار هي هي 

شوف اللي مثل سيارتك كم تسوى بالموقع ونزلها المعارض وشوف كم تسوى 

والف مبروك مقدما ،، 

الاوريون فيها سعرها خصوصا انها تويوتا طيب انت كم حاط في راسك بتجيب ؟؟؟ او كم المبلغ اللي ممكن تبيع عليه

لاترد على خويك لانه يقدح من راسه
بداية الاجازات ترتفع السيارات المستعمله لانه يزيد الطلب عليها

عموما بشكل عام السيارات المستعمله لها حد معين ما تتعداه ولا احد يزيد عليه ريال طبعا حسب النوع
لكن الي يلعب دور بالموسم هو سرعهة البيع

حاط براسي 61 إلى 65

فعلا بدايه الصيف تتاثر السيارات الصغيره والكبيره تزيد الطلب عليها

الله يرزقك بالبيعة الي تسر خاطرك

يبن الحلال توكل على الله بس ونزله الموقع وبيجي زبونها ان شاء الله خصوصا اذا كانت نظيفة والافضل لك حدها عشان مايدق عليك الا الصامل شف كم تبي فيها مررة من الاخر صافي لك واكتب حدك واللي يبيها يجيك وان لاقدرالله ماجابت قيمتها موترك عندك ودراهمهم عندهم وصدقني بتجيبها ان شاء الله تويوتا معروف والحين لحقه الهونداي تمسك سعرها بشكل خيالي