سبحان الله وبحمده سبحان الله العظيم

المقصد من السرعه القصوى يعني الشارع افضل سرعه فيه واامن سرعه فيه 
120 انت ماقد طلعت مع مخرج يكون جسر زي مخرج الملك فهد الي يطلع على خريص 
يقول لك السرعه 50 جرب تاخذه ب100 اقرب مستشفى الطبيه ترى ههههههه 
المقصود اهليه الشارع 120 فوقها على قد جيبك ومسوليتك من المخالفات والخطوره 

يخلون الطبلون بسرعات عاليه 

عشان لا مشيت 120 فيها تكون السياره مرتاحه جدا جدا جدا والظغط عليها بسيط

انت تخيل الطبلون اخره 120 

يالله يالله تجيبها والمكينه بتنفجر عليك وصوتها يفقع الاذن

فعشان كذا تشوف الطبالين فوق الـ 200 عشان يريحون السياره :)

وترا السرعه مافيها خير

اتمنى افدتك 

ليتهم يصلحون الشوارع المكسره بعدين يفكرون في نظام السرعه المسموح 

في دول فيها طرق مالها سرعة محدده زي طريق الأوتو بان في ألمانيا .. لو تمشي 500 ماحد قالك شيء 

http://www.youtube.com/results?search_query=autobahn 

دبي عندهم الخط بين دبي و ابوظبي السرعة 120 كم لكن سرعة ضبط الرادار 140 يعني لو 141 تجيك مخالفة

عندنا 120 + 10% هامش يعني 132 كم

120 لان بعدها الاجسام كالسيارات بعدها تصير مقاومة الهواء الضعف وسلامة الركاب تقل هذي للسيارات الكبيرة و العادية باستنثاء السيارات الرياضية الهواء على السرعات العالية يثبتها

بالاضافة ان السرعة بين 100-120 اكثر سرعة اقتصادية تقريبا 

وعليكم السلام المصانع اجمالا تحدد سياراتها 250 كلم وتقفل في المانيا السرعه مفتوحه غير محدده واذاتبي تمشي اكثر تدفع مبلغ مادري كم بالنسبه لباقي دول العالم في امريكا السرعه مقيده عشان كذا سياراتهم تفصل على 170اغلبها زي الفوردات البلد المستورد يحدد مواصفات معينه زي امريكا مثلا الصدام الامامي يجي فيه اصطب برتقالي للسلامه وزي كذا كل بلد له مواصفات ومقياس للامان عشان كذا تجي السيارات مقيده سرعتها في بعض الدول وبعضها تكون السرعه مفتوحه

شف الفرق بين 120 و160و200
 في سرعه التوقف والمسافه
بعض الشوارع يقول 70هم حاسبين 
مسافه التوقف المفاجئ والسرعه
المناسبه اذا كانت الخط فيه حركه

ربعنا حاطين السرعه 120  لان لو يحطون السرعه المسموحه 140 يدرون انهم ماراح تجيهم مخالفات بالهبل  لان اكثر المخالفات على سرعه مابين 135 الى 140 كم 

معك في كلامك يا صاحب الموضوع ١٠٠٪ ؛ وهذي الفوردات تفصل على ١٨٠ ؛ ويجي اكسنت بعد نزلة يكبس له والهوا يلعب فيه مو مهيأ ابدا خخخخ ؛ 

يعني وش كلف عليهم لو فصلت ع ١٤٠ مثلا ؟ ويتركون مركبات الطوارئ ؛ توصل ٣٦٠ ان شاء الله ماعندك مشكلة .. 

وانا برايي ؛ كل سيارة مفروض يكون لها قانون سرعه خاص فيها ؛ يعني اللي سيارته سبورت ؛ له حق يمشي اكثر من ١٤٠ ؛ ولا يخالف ؛ واللي بزر توه يسوق له اقل من ثلاث سنوات ؛ يمشي ١١٠ ؛ وكذا 

دائما اشوف مقاطع تجربة السيارات الرياضية يقولون انسب الشوارع لتجربة السرعه شوارع الشرق الاوسط
وين الشوارع اللي تقدر تجيب فيها 300 ماني شايفها.

بس مثل ماقال ابو يزيد تخيل انت تمشي طبلون السيارة يوميا وش بيصير؟مانت مكمل سنة الا وهي مخبطة ومعدومة
نفس الوضع لو كان قوتها القصوى 120

مثال اوضح انت تهرول بسرعه 7 كم لمدة نصف ساعه متواصله اذا حاولت تجري بسرعه 15 كم ماراح تكمل خمس دقايق بسبب ان القوة الكاملة مستحيل تخرجها بشكل دائم

احم بالنسبة للاذكياء اللي يقولك تخيل الطبلون ١٢٠ ؛ راح تخبط المكينة ؛

ياخي شدخل بالله ؛ سوي مكينة قوية ؛ والفصله ع ١٢٠ ؛ وبيكون عداد الضغط اقل من ٣ بعد ؛ بالعكس مفروض يطول عمر المكينة ؛ مثل المرسيدسات ؛ المكينة عز وقوة تقدر توصل فوق ال ٢٥٠ لكن الفصله قبلها بالموديلات الجديدة ؛ 

طيب الفوردات الجديده طبلونها 180 وتفصل 179 ومع فكه الفصله تنزل 240 وهي تضحك ..
مو شرط ع الطبلون 
هي ع حسب الكارونه والقير والخ ..
زي الاكسنت مثلا طبلونها 200
ولو تمشي 180 تحصل ضغط المكينه ع الاخر
بينما الفورد تمشي 180 تحصل الضغط 1.5 تقريبا 

وين 180 والضغط 1.5؟؟ معليش قير الفورد مريح ومذهل لكن هذي لااا والف لا

انا شفت فكتوريا جاب 100 بالاول موديل 2012 لكن ابدا ماشفت فورد جاب 180 وضغطه 1.5 اصلا مستحيل حتى اطنخ سيارة ماتقدر

الفورد يجيب 150 وضغطه فوق 2 بشوي اذا كان مرتاح بدعسته لكن 180 انا اقلك مابينزل عن 3 وهي تعتبر مريحة جدا اذا ماقارنتها بالسيارات اللي تكون على 5 او فوق

بدون مبالغات بالله مانبي ينهد المنتدى من صواريخكم الفورد قيره مريح لكن ماله داعي نبالغ

اثبات لكلامي شوف هذا المقطع ماشاءالله تبارك الله اكثر تصوير عجبني لاتقولي انه تسارع وضغط ع المكينه
لاحظ بالاخير ريح السيارة والاول ماعشق الا قريب 100

http://www.youtube.com/watch?v=HjwIH1XLLvY

الفورد باختصار انا اشوفه ملك الخطوط وفي السفر ماتلقى مثله لكن اكرر ماله داعي نبالغ

المفروض جميع السيارات تفصل على 160

بنسبه للي يقول السيارات لازم ماتتعدا ال140 160 اقول السرعه قد تكون مفيده وتنقذ اروح بعدين تخيل السيارات ماتتعدا 120 كيف تبي موكب الامراء والملوك تمشي الموكب ماتنزل عن 140 اظن وكيف تبي دوريات المرور وغيره تطارد المجرمين  اذا قلت مثل الاحين اقولك انت مخطئ سيارات الامن مجهزه تجهزت غير عن السيارات العاديه مثلن عندك بعض السيارات يجي فيه نوع يسمونه بوليسي كانت تستخدمه الحكومه  

هم يحطون السرعة في الشارع 120 عشان عارفين انه في ناس بتمشي 140 
ولو حطو 140 في ناس بتمشي 160 الخ