أضف سؤال أو موضوع جديد          

تجربتي وحبيت اشاركم

up 8 down 0
khalidaldeen 111
قبل 9 سنه و 6 شهر



السلام عليكم اخواني الاعزاء 

طبعا ... تجربة بسيطه علمتني ان الواحد مااايستعجل ابدا .. 

المهم اراد الوالد ان يشتري سياره لاخوي الصغير يعني مناسبه لعمره شبابيه وتكون تمام 
طبعا قال ابي امريكي له اكبر وبأذن الرحمن اامن له من السيارات الصغيره 

من هنا ومن هنا نوينا له على تشارجر وقد سألت في المنتدى وصراحتا ما قصرو الاخوان 
جلست اشوف وبمعنى الكلمه اعلان اعلان بالنسبه للموديلات من 2006-2007
والاسعار طايره وحاجه تستغرب منها 

المهم ,,, يوم جمعه وبعد صلاة العصر قلت خليني انزل الحراج اشوف ومنها الواحد يغير جو شوي 
واشوف يا اخوان التشارجرات ال6 سلندر من ال17 الف لل 23 اكثر شئ انا صدمت 
وتخوفت صراحتا .... المهم لفيت الشفا والنسيم لمده اسبوع لييين امس ولله الحمد حصلت فل كامل 2007 اسود ب 23  
فحصته وطلع وررررده ... قلت له ليه ما بعته على موقع حراج بكل بساطه قلي .. مافي زباين منه .. مافي احد جاد 

قلت الحمد لله ما اتصلت على احد المعلنين اللي يقلك انسام ب 33 واللي يشطح يقلك 37 
والمشكله يدعي على اللي يبخس ..

المهم هذي تجربتي في شراء سياره وحبيت اشاركها معكم 

ان الواحد لا يستعجل والله بتحصل بالسعر اللي تبيه والنظافه اللي تبيها 







إبلاغ إبلاغ



الردود


اغلب اللي يعرضون في حراج شريطية او ماحصلوا السعر المناسب في المعارض 

اللحين الدينا جديدة اصفار ب 95  واحد عارض سيارته موديل 2013 وماشية 100 الف يقول ب 110 الف هههههه


up 5 down 0
فهد054433 174
قبل 9 سنه و 6 شهر



يعطيك الف عافية وما قصرت 
البايع في الموقع يشطح بالسعر اللي يبيه لكن في الاخير الواقع رح يجبره على سعر السوق.



up 1 down 0
a.azher 13
قبل 9 سنه و 6 شهر



فعلا اسعار غريبه ... مدري ليش كده 

وبغض النظر عن الناس اللي من جد تبخس بس والله الممشى الموديل النظافه كله يحكم 
المال مالك وانت حر ....بس خليه يصدي ... ما في احد بيتعب 


up 1 down 0
khalidaldeen 111
قبل 9 سنه و 6 شهر



السبب الموقع فيه بزارين كثار ماتخاف الله يجيك يسوم بقيمة فوق قيمة السيارة وصاحب الاعلان ياخذ مقلب في نفسه وينتضر تجيب اكثر والمشكلة ماحد شراه وينزل اعلان ثاني ويقولك سيم بالاعلان الاول بكذا 
امس انا شفت واحد من هالاشكال فتحت عضويته لقيته يساوم على اراضي وسيارات وشوي يشطح يسوم لك على طير وسومته للسيارات ماتدخل المخ شوي يسوم النترا وشوي يسوم رنج وشوي يدخل على عقار يقول اسوم ب مليون ويحط رقمه بعد وادارة ماعندك احد 



up 4 down 0
al_orainy 56
قبل 9 سنه و 6 شهر



المفروض والله يتم حظر الناس اللي زي كده 


up 1 down 0
khalidaldeen 111
قبل 9 سنه و 6 شهر



كلامك صحيح هنا الاسعار شااطحه فوووق
                             وبتشووف الفرق شاسع الاسعار اذا نزلت الحراج وبتحصل انظف بعد
وعلى بركه ^_^ 


up 2 down 0
has90has 253
قبل 9 سنه و 6 شهر



صح ان موقع حراج وسيله كويسه جدا 
بس على قولتهم الميدان يا حميدان افضل 


up 0 down 0
b1970 88
قبل 9 سنه و 6 شهر



هذا شيء معروف

يدخل بموتره الكسره ويتشرط بسعر فووق

يبي حق اللي استخدمه وحق الصيانه اللي صرفها عليه

ويبي يبيعها بسعر اغلى ويحلف ويقسم

وش خليت للجديد بهل القيمه

فاالمعارض اسعارها جدا ممتازه ويعطونك الموتر حقه بالمعقول بعيدن عن الشريطيه

لاكن بعضهم الله يهديهم يبي يستخدم ويكرف الموتر ويفلها ومايبي يبيع بخساره

لو الف ريال

ولاهنت على طرحك للموتر

والف مبروك للموتر الجديد

بس ماايد هل المواتر باايدي مراهقين مثل التشارجر والكابرس

لان اغلبهم يبيها لاستخدام خاطى درفت وتفحيط ومن هل الامور

وان شاء الله اخوك ماهو من تبع هل الامور

موفق يالغالي


up 1 down 0
amear 1347
قبل 9 سنه و 6 شهر



اهلين اخوي
-(جزاك الله خير على الموضوع و (التنبيه للاخوه) واستمر يبطل)
-(ونصيحه للاخوه اي احد بشتري سياره مستعمله يفحصها (من الصدام للصدام) في المراكز المختصه للفحص ويكون من خيارك المركز وليس من خيار البايع لتفادي (الخش او النصب) ولو طلع شي تكون خسرت 100 او 200 ريال بدل من 10 الاف او اكثر)
والله يعطيك العافيه يـ صاحب الموضوع وشكرااا لك


up 1 down 0
صديق المنتدى 367
قبل 9 سنه و 6 شهر



كلامك صحيح الموقع اسعاره مرتفعة عن سعر السوق واجدددددددددددد


up 1 down 0
اسمي زيد 1
قبل 9 سنه و 6 شهر



ربي يسعدكم على تفاعلكم في الموضوع .. وفعلا دفعت 800 ريال فحص والله ما زعلت وبالعكس طلعت تبي فرامل بس ! ...
والله الموقع تستغرب منه بدل ما البائع يخسر والمشتري يدفع زياده عشان الوسيط ياخذ ... لا
البائع يرفع بأسعاره اكثر من الوسيط والمشتري ما يبغى لان بيجفع في شئ اكثر من قيمته ...

بس ربي يباركم فيكم ... ونصيحه السياره اتعب في البحث عليها وبأذن الرحمن بتلاقي كل شئ


up 0 down 0
khalidaldeen 111
قبل 9 سنه و 6 شهر



كنت اسال احد معارفي بحكم اني ادور لي ع موتر 

فقال لي اللاندكروزر ٢٠١٣ اذا شطح وصل ١٧٥ وكان ورده

في الموقع ي رجل بعضها تقارب سعر الوكالة



up 0 down 0
مضيع اسمي 75
قبل 9 سنه و 6 شهر



المشكله ان هو عارف ان سعره شاطح والزبون الصامل برضو يدري نفس الشئ 
وفي الاخير لا بيع ولا شراء ... 

دلحين جالس ادور على دودج ثاني لي انا شخصيا ... شكلي بنام بالمعارض ههههههههههههه 


up 0 down 0
khalidaldeen 111
قبل 9 سنه و 6 شهر