أضف سؤال أو موضوع جديد          

مكاسب ضئيله لكفرات السيارات ومع ذلك ...

up 3 down 5
bansq 193
قبل 6 سنه و 11 شهر



 اصدقائي في منتدى حراج ....بعد التحيه والسلام اود ان تشاركوني بارائكم في هذا الموضوع من باب العلم بالشيء
يوجد مشاريع مربحه لاخواننا الاجانب كاليمنيين والباكستانيين والسودانيين وغيرهم من الجاليات العاملة بالمملكة 
مثل المقاولات البناء وتشليح السيارات وقطع الغيار حيث من المعلوم انه ينتج عنها مكاسب خياليه...
لكن مالاحظته بحكم عملي بالصناعية بالطائف وانتم ربما كذلك ...هو قيام الافغان والحضارم بفتح محلات كبيرة 
لبيع الكفرات ..وما شد انتباهي هو الايجارات العاليه التي تصل لمحل مساحته 400 متر ل220 الف ريال بالسنه
ومحل اخر بايجار يتجاوز 350 الف ريال !!!
مع العلم بان تجارة الكفرات غير مربحة فكثير من معارفي اليمنيين يقولون بان مربح الكفر الواحد لايتجاوز 20 ريال
وسمعتها من اكثر من 8 اشخاص !!
كذلك جنوط السيارات التي يبيعها الافغان مشتراها جمله من المنطقة الشرقية ب800 ريال يعني بيعها لايتجاوز 1200
للطقم ..
لو قلنا محل بيع قطع غيار راح نصدق لان مكاسبهم تتعدى 200% لكن كفرات وبشهادة عمال في الصناعية بانها لا
تتعدى مكاسبها ال20 ريال!! للكفر الواحد ..يعني بيبيع كم طقم باليوم 5 اطقم او 7 اطقم ؟ماراح تطلع فايدة تذكر بجانب حق البضاعة والايجار ويوميات العمال!
فكيف يستطيع اصحاب هذه المحلات توفير الايجار المرتفع +رواتب العمال+فواتير الكهربا والنور والمعدات؟
حتى لو مكسبه الصافي اليومي 1000 ماراح يطلع بفايدة ! ومع ذلك عملهم مستمر وما ني شايف شغل جامد عليهم
انا باعتقادي انها عملية غسيل اموال لا اقل ولا اكثر ...
اصدقائي من لديه تجربة او فكرة عما يدور حوالينا في مثل هذه التجارات فليتكرم مشكورا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يا حبيبي

بالعكس لا غسيل ولا غيره

ياخذون من الترصيص و الترقيع ومن الاعلانات حقت لوحة المحل...

وبالنسبه للكفرات
انا اخر مره غيره كاسرته في كل كفر تقريبا 80ريال
وفيه غيري ركب وامش ما يكاسر




up 0 down 0
عذب المعاني 179
قبل 6 سنه و 11 شهر



بيع خمور هههههه


up 1 down 1
السيدالمحترم 547
قبل 6 سنه و 11 شهر



واحد من اخوياي ما شاء الله عليه عنده محل كفرات بالجوف مستأجره شهريا ب ١٦ وعنده اربع عمال ويصفي شهريا من ٦٠٠٠ الى ١٥٠٠٠ تعرف السوق مواسم فيختلف الشغل 

انت تقول ٢٢٠ سنويا يعني شهريا ١٨ وكسر اشوف ان شغلهم طبيعي 

وان بعض الظن اثم 


up 0 down 0
أبو ناصر 61
قبل 6 سنه و 11 شهر



والله انها فلووووووووووووووس يا حلو

انا قبل يومين شريت كفرات من اوكيل بنفسة ورحت اركبها

تركيب مع ترصيص و بلوف جديده كلفني 100 ريال

وزن اذرعة ومقصات كلفني 180 ريال

وكل هذا مقابل خدمة فقط .. ما فية شي ملموس فاهمني يعني جهد لا اكثر ولا اقل وفي اقل من ساعه


up 0 down 0
خ ا ل د ا ل ز ه ر ا ن ي 224
قبل 6 سنه و 11 شهر



مين قال ان ربحها بس 20 ريال ؟ الاجانب وخصوصا الافغان واليمنة يجتمعون ويشترون من المصدر 10 الاف كفر 
ويحصلون على خصم باكثر من 70 ريال واكثر 
مثلا انت رحت للموزع لهانكوك راح تحصل الفرق بس 20 او 15 في الكفر الواحد عن اصحاب المحلات طيب لو شخص بيشتري منهم 10 الف كفر كم بيحصل على خصم ! اكيد اكثر 
وغير كذا كثير 
مثلا الافغان يشترون مزرعه كاملة برسيم ويلبنونها ويبوعونها على التريلات والدينات بربح مايقل 6 ريال في اللبنة الواحدة 
السعودي المسكين لانه لوحده يشتري ويبيع بربح 3 ريال او ريالين فقط 

ياعمي عندنا لوبي اجنبي مسطر على البلد 


up 4 down 7
فهد054433 174
قبل 6 سنه و 11 شهر



يعني لو 16 شخص اشتركوا في 10000 كفر 
يعني كل شخص تقريبا 600 كفر ،، ال 600 بيصرفها في شهر اذا ركب 5 اطقم في اليوم 
600 كفر في 70 ريال راح يكون مكسبه في الشهر 42 الف  يعني في السنة 504 الف هههههههههه


up 1 down 1
فهد054433 174
قبل 6 سنه و 11 شهر



صحيح قد شفت فواتير كفرات تطلع عليهم قريب من سعر البيع بفرق20-40 ريال بالكفر

لكن عندها خدمات ثانية من زيوت وووووو هي بمجموعها تكسب

ومعليش الي يقول 10 الاف كفر يعني طقم كامل 2500 سيارة وشي ضخم على بنشر مهما كان


up 2 down 2
super x 175
قبل 6 سنه و 11 شهر



لكن الافغان ماعندهم مهنية مايعرفون يركبون مساعد ولا يعرفون اكثر من تغيير زيوت وترصيص كفرات !!
لكن الظاهر زي قال الاخ لوبي اجنبي ...تحياتي لمن شارك 


up 0 down 5
bansq 193
قبل 6 سنه و 11 شهر



والله انك مسكين ياصاحب الموضوع
تدري ان البنشري لو يعطيك الكفر براس ماله انه كسبان ؟؟؟؟؟؟؟؟؟؟
لازم تعرف ان شركات الكفرات يعطون الموزعين على حسب الطلب والتصريف
يعني اذا شريت عشرة طقوم من الكفر اللي مقاسه كذا وكذا نعطيك طقم لك انت
يعني كل عشرة طقوم تشتريها لك فيها طقم كامل راس ماله ومكسبه لك
وانا متأكد من هالمعلومه


up 2 down 0
الباحة غير 5
قبل 6 سنه و 11 شهر



مربعات الترصيص ماتكلفه هللات ويبيعها علينا ب 30 ريال والترصيص العادي اقل من المربعات ويبيعه علينا ب 15

الرقعه بساكو حدود 10 رقع تيوبلس مع الساحب حقها بحدود 30 ريال ونوع جيييد

عاد هو نوع مش حالك والحبة ب 10 ..!!

مصدق انت ان مكسبه 20 ؟

الكفر الصيني ماله وكيل وسعر ثابت ويقدر يتفنن بسعره ,, فيه كفر اسمه بترفلاي صيني ,, البنشر الاول 320 الثاني 300 والثالث 280 بعد المكاسر طبعا الين وصلت 240 ..!!!!!!!

وفوق هذا ربحان

فيه كفرات مايربحون فيها ليه ؟؟ لانها ماتتزيف بسهولة وهي ميشلان وكونتينال وبريلي

هنكوك ياكثرر الصيني ,, برجستون حتى بالوكيل حقه فيه صيني هههههه والباقي حدث ولا حرج

للمعلومية يوكوهاما ماعاد فيه اصلي لا احد يكذب عليكم الشركة موقفه من زماااان بالسعودية


up 1 down 3
YASSER505 4173
قبل 6 سنه و 11 شهر



600 كفر بالشهر !!!ماادري قدامي ما اشوفهم يصرفون طقمين ثلاثه باليوم !! 
عموما اسئل انت واياه وما انتم خسرانين والمويه تكذب الغطاس ...
لكن اعتقد فيه كم واحد ابوهم افغاني بنشري زعلوا واعطوني ديسلايكات!! حسبهم الله



up 0 down 7
bansq 193
قبل 6 سنه و 11 شهر



هههههه تارك مزين الإبل والمبالغ الخيالية غسيل اموال 100%  عيني عينك وحاط حيلك بها اليمني يبيع ويشتري أمام اعيون الناس 
تتوقع بيعلمك كم يدخل باليوم او إذا كان خسران بيستمر بالخسارة اكثر من 6 شهور 


up 1 down 2
sokar1983 272
قبل 6 سنه و 11 شهر



سبب كسبهم الرئيسي هو البيع بالاجل وليس الكاش و تعاونكم مع بعض وتشكيلهم  لوبي مستحيل
يدخلوا احد من غير جنستهم
 المطاعم  والفوالين ماسكينها الافغان واللي يجيب لهم
الدجاج المثلج والرز من جماعتهم
 البقالات تخصص اخواننا اليمنيين قبل الازمه
بس بعدها فقدوا الصدارة وتربع الهنود على تجارة المواد الغذائيه بالجملة
ولو تلاحظوا الكاشير هندي والبايع هندي واللي يوصل لللبيوت هندي
والسعودي بس واجهة وغطى ومايأخذ الا الفتتات
المكوجيه تخصص اخواننا اليمنيين الورش تخصص اخوانا الباكستانيين والشوام
وسبب كسبهم هو البيع بالاجل يعني المورد للكفرات
 او البطارياتينزل لهم الكميه المطلوبه ويعطيهم فاتورة فقط
ولا ياخذ ريال الا بعد مايصرف المحل السلعة
واذا ماباعها مو خسران اي من الطرفين 

ولو  كان سعودي صاحب المحل اتحدى لو المورد يبيع له بالاجل راح يبيعه
كاش عشان لاينفعه 


up 1 down 1
ابو خالد الناصري 476
قبل 6 سنه و 11 شهر



ياخي الله يرزق الناس بعدين رزق الواحد اسرع من اجله ليش حستوهم


up 0 down 2
امجد 10 163
قبل 6 سنه و 11 شهر



ياخي الله يرزق الناس بعدين رزق الواحد اسرع من اجله ليش حستوهم


up 0 down 2
امجد 10 163
قبل 6 سنه و 11 شهر



لا حول ولا قوة الا بالله 
اتعجب من كل شخص يحسبها صح ويقول اليمانى يكسب والبنقالى والهندى وهذا وهذا والسعودى لايتكسب
الله اعطاك عقل انت بس تستخدمه لتحسب ارزاق الناس وان كانوا اجانب عليهم العين
استخدموا عقولكم العبقريه واشتغلوا مثلهم والله يرزقكم ويرزقهم على قد تعبكم بدل ماتحسدوهم


up 1 down 1
spiderman66 288
قبل 6 سنه و 9 شهر



ياخي  الصراحة ظل واحد وزرقه ربنا  وزع الارزاق بين الناس حتى لو عملت ليل نهار تاخذ رزقك والله يبارك لهم ويبارك لنا ويزرقنا ويرزقكم  الصراحة  اتخيل لو ما في المحلات هذي وين تصلح سيارتك ؟ على  فكرة برا كل واحد يشتغل بنفسه واغلب المحلات من نفس  شباب البلد اول مثلا السويد والدول الاوربية  وعاد امريكيا  حدث ولا حرج  واليوتويوب ما يقصر فيدوهات كثير عن المهندسين 


up 1 down 1
makkahboy 81
قبل 5 سنه و 4 شهر