مغاسل السيارات .. استغلال عيني عينك

11 4

لايمكنك التصويت حتى الحصول على 20 نقطة على الأقل
إضغط هنا للإخفاء

w176.amg 2014
قبل 10 سنه و 5 شهر

السلام عليكم ورحمة الله

اخواني الافاضل سبق و تكلمة وزارة التجاره مدري قبل كم سنه
او كم شهر بخصوص اسعار غسيل السيارات

و كلنا عرفنا ان غسيل السيارات بامر الوزارة
السيارات الصغيره 10 ريال
السيارات الكبيره 15 ريال

لكن للاسف لا حياه لمن تنادي .. الوزاره مع احترامي الشديد
كانها تنفخ في قربه مشقوقه

رحت اليوم ابغى اغسل سيارتي و عشان اوديها بكره للفحص الدوري
ابغى انظفها و اغسلها و اغسلها كمان بستم اشيل الزيوت و الشحوم
المتلاصقه اسفل السياره
لكني تفاجأة بالاسعار

غسيل السياره الصغيره 25 ريال
قبل اسبوع كان 20 ريال
و غسيل السياره الكبيره 30 ريال
و كلنا كنا نعرف ان سعر غسيل السيارات الكبيره كان 25 ريال

لكن قلت خلني اسال بكم غسيل البستم
ف تفاجأة بالسعر .. اول كنت اغسل سيارتي بستم ب 20 ريال و 
ادفعها وانا مو راضي بالسعر


الان 60 ريال !!!!!!!!!!!!!!!
السيارات الكبيره 65ريال :|
كان طلبي مويه و صابون بس 
ليه 60ريال .. لا ابوكي مغاسل ولا ابو من باقي يغسل عندك
بغسل ببيتي ارحم لي .. و حتى غسيل بالبيت .. تجي وزارة المياه
تقفل عداد المويه لانهم يدعون باني غرقت الشوارع

طيب انا محتاج اغسل اقلها بستم ليه ادفع 60 ريال..!!
وش هالاعجاز العلمي اللي بيسوونه بالسياره
هل بيجي رجل آلي يغسل سيارتي ..!! 
او هل بيشيلون السياره بيدينهم عشان يغسلونها من اسفل ..!!
كلها بستم هيدروليكي يرفع السياره و بماصورة المويه وجه
على كل مكان تبي تغسله
لكن 60ريال ليه ..!!

انا ما ادري هل الشي هذا استغلال ام احتيال ام نصب

وين قرار وزارة التجاره بالامر الجديد
هل الامر هذا وهمي ام حقيقي .. بينما صار لنا مده نسمع الخبر هذا
بتخفيض اسعار غسيل السيارات لكن ما شفنا شي

والله سيارتي كامري يالله ي رب متحملها
 لاهي فانتوم ولا ماي باخ عشان
ادفع بغسيلها 30 ريال و بستم 60ريال

اعتقد بعد سنه نصير نغسل السياره غسيل خارجي فقط ب 100ريال
و وزارة التجاره نايمه .. خفضنا خفضنا

شاركوني بتعليقاتكم

دمتم في رعاية الرحمن

إبلاغ

الردود