أضف سؤال أو موضوع جديد          

اتمنى المساعدة ..

up 4 down 1
fahadlfc 314
قبل 7 سنه و 8 شهر



بسم الله الرحمن الرحيم 

السلام عليكم ورحمة الله وبركاته .. 

اعتذر عن كتابه هذا الموضوع الغير متعلق بالسيارات .. 

صباح الخير اول شيء .. 

الحمدلله باقي أيام وبتخرج ان شاء الله من الثانوية ومحتار أشد الحيره وضايع 

ومهموم وش اتخصص ووش ادخل ... 

انا اسف جدا عن كتابه هذا الموضوع ولكن م شاء الله عليكم تشرون دايم 

وناس فاهمة ومحترمة .  

محتار ب تخصصات : قانون . علم نفس . تربيه خاصه . تخصص علمي 
إحياء فيزياء رياضيات كيمياء . 

وفي ناس أشاروا عليه بكلية الملك خالد العسكرية ( الحرس الوطني ) 

ومزاياها حيث تعطى مكافأة قدرها 3500 .. 

اتمنى ان تشيروا علي ولكم مني دعوه بظهر الغيب امام الحرم المكي ان شاء الله . 

اعتذر جدا عن اضافه هذا الموضوع .. 

بانتظاركم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اول شي الله يوفقك ويرزقك الدرجات العليا بالدنيا والاخرة ولي ولاخواني المسلمين

ثاني شي اخوي بقولك بعض النصائح 

اول شي لو تخصص تربية بدنيه وربي كاتب لك الرزق راح يجيك

ولو تتخصص اي قسم اخر وربي اراد لك التاخير راح تتاخر وما توظفت

الامر الاخر انت حدد مصير مستقبلك لا تخلي احد يحدده

بالنسبه للجامعة شوف المجال اللي تحس نفسك راح تبدع فيه وراح تجيب درجات عاليه فيه

اي مجال انت تحبه صدقني راح تبدع فيه او اي تخصص

اذا قررت انك تدخل جامعة شد حيلك فيها وراح تحصل ع امور كثيره اذا تخرجت بمعدل مرتفع
منها الكلية الامنية .. معيد في الجامعة .. تكمل دراسات عليا .. معلم 


الكليات العسكرية حلوة .. لكن اذا مالك رغبه في العسكرية

لا يغرك المبلغ البسيط اثناء الدراسه .. صدقني ما راح تتحملها اذا مالك ميول

اما اذا تحب العسكريه وتعرف انك راح تدرس وتجتهد فيها اقولك الله يوفقك وأحدى الخيارات الممتازة


up 5 down 0
مضيع اسمي 75
قبل 7 سنه و 8 شهر



الله يعطيك العافية كللمك جميل ... 

هو المشكلة م اعرف ميولي محتار مدري التخصصات هذي ي دوب اخترتها بعد 

تفكير طويل .. الرزق مقسوم ونا أفعل الاسباب 


up 0 down 0
fahadlfc 314
قبل 7 سنه و 8 شهر



التخصصات العلمية مستقبلها افضل ومجالاتها مطلوبة ودخلها اعلى ... بالتوفيق


up 2 down 0
muayad 1 768
قبل 7 سنه و 8 شهر



الله يعطيك العافيه ... كلام جميل .. 


up 0 down 0
fahadlfc 314
قبل 7 سنه و 8 شهر



حاول انك ماتعتمد انك تدخل الكلية وحط نسبة قبولك فيها 10-20% ﻻنه معروفة لمين هي  وحدد تخصصك انت وﻻ تقول ابروح مع خويي في تخصصها وﻻ ابختار ذا التخصص بناء على كﻻم واحد قام يمدحه لك الميول والفه والحفظ تختلف من واحد لواحد ثاني انا ممكن يجبني تخصص لكن لك بيعقدك وحاول انك تحدد تخصصك من الأن عشان تجيب معدل مرتفع من البداية ويسهلك طريق النجاح 
انا اكلمك الحين وقد ضاعت من عمري سنتين في اختيار تخصص غير مناسب لي ورح قدمت من جديد في جامعة ثانية واخترت تخصص ثاني والحمد لله 


up 1 down 0
ابوابراهيم ksa 1391
قبل 7 سنه و 8 شهر



هلا اخوي اول شيئ هل تشوف نفسك في الدرسه يعني ناوي تخذ شهاده لان اكثر من شخص يدخلون ولا يكلملون او يكملون لاكن يطردون لسوء درجاتهم  اذ كنت بتدرس جامعه في سنه تحضيريه طبعن مب في كل الجامعات يعني عندك وقت تفكر وتستشير وتتبع ميولك اذا كانت درجاتك تئهلك لي هذا التخصص بس انتبه دور التخصص المرغوب في سوق العمل والتربه الخاصه بعض الناس يمدحونه ويقولون تعينه سريع بس صعب اي واحد يدخله الا ذوي الاحتيجات الخاصه والي عنده واسطه وبنسبه لكليه خالد العسكريه في شخص يقول انهم يعطونك سكن بعد التخرج وعلاج وغيره والدوره 9 اشهر بس الكلام هذا قبل سنتين مدري اذا كانو على نفس النظام الزبده لاتستعجل واستشر وصلى ركعتين الاستخاره والي ترتاح له ادخله


up 2 down 0
نايف مجول القحطاني 376
قبل 7 سنه و 8 شهر



اذا انت راعي فهم ولك فالحفظ شوي ادخل تخصصات علمية واذا انت راعي حفظ ومالك في الفهم ادخل تخصصات نظرية


up 1 down 0
ابوابراهيم ksa 1391
قبل 7 سنه و 8 شهر



كلامكم جميل .. 

انا م عندي مشكلة ادرس 10 سنين واجيب شهادة ترفع الراس .. 

تخخصي علمي ونسبتي وقياس الحمدلله ترفع الراس بقى التحصيلي .. 

لي بالحفظ اكثر من الفهم .. لكن مدري وش ادخل وش المرغوب الان .. 

وماعندي مشكله اكمل ماجستير .. 

مااي خبره واسعه لكن الطب . الهندسة القطاعات العسكرية مالي فيها 

وبدخل بقناعه وارادتي الشخصية والله يوفق كل من يبي يدخل منب 

داخل مع فلان علشانه خويي لا لا م افكر كيذا 

الله يعين بس :( كود اروح لمكه واستخير وادعي للوجيهه الطيبه اللي ساعدتني 


up 1 down 0
fahadlfc 314
قبل 7 سنه و 8 شهر



اخوي انا اعطيك فكرة ولا اقترحها عليك..
تخصصات هندسة الحاسب وعلومه بصفة عامة هي تخصصات هذا العصر..
..سواء هندسة بحتة او فرع اكثر تخصص من علوم الحاسب الالى.
لكن هذا النوع من التخصص يجب..يجب ان تعشق ماتقوم به عشان تستمر بالتعلم والتطور..
لان التعلم والتطور فيه لايتوقف..وبالكن لمقابل الرواتب فيه مجزية .


up 1 down 0
badalfa -39
قبل 7 سنه و 8 شهر



كلام جميل .... جزاك الله خيرا 


up 0 down 0
fahadlfc 314
قبل 7 سنه و 8 شهر



لو رجع بي الزمن واختار تخصص اما بختار الحاسب وﻻ لغة انجليزية لغات وترجمة او هندسة كهربائية 


up 0 down 0
ابوابراهيم ksa 1391
قبل 7 سنه و 8 شهر



اخوي الشيء الي احذرك منه هو تربية خاصة لان أحد اخوياي دخل التربية يقول والله من أول محاضرة قال الدكتور ترا مالكم مستقبل زين واذا تخرجتوا بتتعبون الي يبي يحول احسن له يقولي الرجال انه تحطم عقبها مره .. 
انا عندي ملاحظة بسيطة الواحد هو الي يعرف وش يحب ووش يكرهه ومهما كان حبه  لشيء فطبيعي بيبدع فيه فانا انصحك  تدخل الشيء الي تحبه طبعا بشرط انه يكون مقبول نوعا ما موب أي شيء ..
ونصيحتي ابعد عن الكلية الامنية مدري ايش ولا تغرك الدراهم الي تدفع لك وانت تدرس لانك بتندم اذا خلصت عليك الحين من الشهادة موب من المكافأة ..
وكانك تبي الي ارشحة انك تدخل هندسة ام حاسب او معمارية وترا لها مستقبل قوي او هندسة طيران او زي كذا والله يوفقك وييسر امورك ..
ولا تنسى ان كلية الشريعة ممتازة ومن اكثر المجالات الوظيفية في المملكة ولكن بتدخلها اخلص النية لوجه الله والله بيسر دروبك وبالتوفيق .. 


up 2 down 0
..mohannad.. 64
قبل 7 سنه و 8 شهر



ادخل قانون 

واذا ودك بالنجمتين

قدم على الكلية الامنية 


up 2 down 0
mgnonk_702 599
قبل 7 سنه و 8 شهر



عموماً الرزق بيد الله جتى بتخصص لغه عرببه لني اعرف خريجين قبل ثلاث سنوات 

متعينين بالبجاديه تربيه خاصه اعاقه عقلية .. 


وكلامك جمبل وشكرا للجميع 


up 0 down 0
fahadlfc 314
قبل 7 سنه و 8 شهر