فورد ايدج 2013 او مازدا cx9 2013

وعليكم السلام

صراحة اذا تبي نصيحتي 100 الف مبلغ كبير حرام تحطة في سيارة مستعملة

انت كذا قربت من قيمة الجديد المازدا افضل من الفورد من ناحية الجودة والحرارة

لكن ترى لزم تحط في عين الأعتبار انك بالقيمة هذي تقدر تجيب سيارة جديدة عندك مثلاُ

سنتافي 2014 بحدود 110 الف

اكسبدشن 2014 دبل 120 الف عليه عرض

عندك جيب دوج ديورانجو حلو وممتاز والفورد اكسبلورر نفس الشي ممتاز

وتقدر تحط 100 الف الي معك دفعهة اولى وتكمل فوها 15 او 10 الف اقساط وتاخذ سيارة جديدة وحلوة

ارحم من المستعمل الي يحتاج صيانة ومهلوووك

بالتوووفيق يارب

تسلم اخوي على نصايحك الطيبه اللي فهمته منك اقدر اروح الوكاله واحط المبلغ ذا دفعه اولى واقسط الباقي؟ مو هذا اللي يسمونه تاجير منتهي بالتمليك اعتقد وثاني شي انا احب السيارات الكروس اوفر اللي زي الايدج شكلها حلو وتنفع بر ومدينه ومرتفعه فنصيحتك اتوكل على الله واخذ المازدا؟ يعطيك العافيه

اية طبعاً المازدا افضل بالجودة والصيانة وقطع الغاير وعملي اكثر من ايدج ولا يعرف لا مشاكل حرارة ولا قير

انت زر الوكالة واطلب تكسيرة يعني خلهم يعطونك ورقه فيها المبلغ المطلوب القسط والدفعه الاولى والفائة وكل شي

دامك بتدفع 100 الف دفعه اولى مراح يطلع عليك فايدة كبيرة

أنا حبيت المازدا، لكن مشكلة الوكيل ما له فروع كثيرة. والمازدا الناس تطيح سعرها لا بغيت تبيع.

الفورد، ماركة مشهورة ومعروفة ومنتشرة، وأعتقد أنه أفضل الوكلاء في السعودية.


CX-9 رحب ووسيع (3 مراتب) ومواصفاته كثيرة وحلوة. موديل 2014 فل أوبشن بـ 126 ألف تقريباً. 

Edge حجمه أصغر (صفين من المقاعد) وغاااااااالي. 2014 فل أوبش يصل 140 ألف.




أنا بعد مثلك، طرحت نفس التساؤل هذا هنا، وأتمنى أستقر على رأي.


فكرت كثيييير في الإكسبيديشن والتاهو. وشكلي بأخذ إكسبيدشن 2010 مستخدم. سعره مناسب لي.

للفائدة ، قبل يومين كنت بوكالة مازدا ( الحاج حسين ) سعر cx9 ب 104 جديد بس ستاندر ، والفل ب 125 ألف 

ملاحظ ان الناس تمدح سيارة ولو تقول له اشترها ماشراها

لاتدور اشتر تبيع

طيب كم سعر الايدج جديد ستاندر اذا انه بحدود 100 مدري 97 ولا تبي فل انت ؟؟؟ عموما اذا كنت تبي فل او عادي عندك جديد او مستعمل انا اشوف ان كل الثنين حلوة صراحة هاذا له مميزاته وهاذا له مميزاته يعني شف الانسب لك كمركب وكشكل خارجي مقتنع انت منه اكثر وتوكل على الله ولاتنسى صلاة الاستخارة ... وبالنسبة للايدج ف واحد من اخويانا معه 2013 ستاندر مايشتكي منه ماشاء الله شيخ وايضا المازدا اشوفه ماشي مع الناس يعني مافيه عيوب ولله الحمد لكن بصراحة ماقد جربته ولا اعرف احد يمتلكه ... تقبل مروري

يعطيكم العافيه يا اخوان لكن شكلي بصمل على الايدج شكله شبابي وحلو وحجمه حلو وينفع للمدينه والسفر وفوق كذا الوكيل معروف والصيانه متوفره وقطع الغيار موجوده ولا يحتاج وجع راس بس الشي اللي ابي اعرفه هل اقدر ادفع 80 الف دفعه اولى واقسط الباقي ؟ سالت الوكاله قالوا سعر الفل الحين 125 الف تتوقعون بيقسطون الباقي بنفس السعر والا بينفخون بالسعر الى حول 200 !!!!!!!!!!! واذا احد عنده طريقه نشتري الموتر غير التاجير المنتهي بالتهليك وغير القرض الشخصي اكون له شاكر ودمتم ......