محتار يبن البي ام دبليو 2005 وشبح 98 افيدوني

الاثنين لهم ميزانيه خاصه بالشهر لكن اذا دخلك الشهري طيب فخذ البي ام اهم شي تكون نظيفه واذا علي قدك خذ المرسيدس واول ما تشتريه سوي له صيانه وسوي كل مشاكله طبعا هو اقل تكلفه بالصيانه يعني المكينه بتحصل له ب 5000 النظيف والبي ام اقل شي ب 17000 

واحسب قيمه القطع الاستهلاكيه لكل وحده بتحصل الشبح اقل بكثير 

سيارة موديل 98 وش تبي فيها

كانت معنا والوالد كل فترة ثلاثة شهور او خمسة شهور يحط فيها مبلغ 1500 3000

وحتى انا قلت الى الوالد لو انت مشتري سيارة جديدة افضل وبالاخير باعها بعد ما خسر مبلغ جامد عليها اقتنع انها خرابات

اذا معك فلوس تصلح كل فترة اشتريها ماعندك مشكلة

كلهم عينين براس واحد

اشكركم على تفاعلكم لكن كم أسعار قطع الغيار
انا عمري ما شريت الماني 
طول عمري راعي افيو ومن ست
شهور اخذت كامري
هههه
الله يعين على الاماني
انا ميزانيتي 
توصل الستين اانشالله

اخوي ( بسدك ) والله السالفه ومافيها اعشق اشوف الشبح في الخط احس لها رزه
ولا من ناحيه المواصفات البي ام افضل واكشخ

اللي يخدم اكثر بالسعر نفسه لكزس 430 تحصل موديل 2003 يخدم اكثر منهم وقطع متوفره وارخص

اما ادفع بشبح 45 الف والله ما دفعتها صحيح موتر لكن وينه اللحين كلها قد سخنت ووقفت بجنب الخط حتى خبطت

ب 60 اللي معك دور فيها افلووووووووووووووون


افلووووووووووووووووووووون تستحق الثقه واذا50 معك دور كاااااااااااااامري 2011 نصيحه لاتوهق وتطيح بحفره مايطلعك منها او كلين ههاي احذر ترى امامك منعطف خطررررررررررررررر وانتبه

طيب انت قادر على صيانتهم يوم انك تشتريهم اذا انت قارد ف أقول لك توكل على الله وخذ الب ام مع احترامي للشبح لكنه ولى زمانه وقدددديم مررة وان حصل تشيل الموترين من بالك وتشتري لك سيارة عملية وعايدية وقطعها موجودة عندنا وكل شي احسن لك لاتكبر ....... بالخرق مهب كل من جمع له 50 ولا 60 الف طق الماني واخرتها فق خشته بصيانته .... تقبل مروري

اشكركم على التفاعل اخوي امير الاصيل الحمد لله عندي كامري 2011 اخر دفعة
لكن ابي سياره كشخه 
وش تنصحوني باذن الله اقدر ارفع ميزانيتي 
بعد شهرين الى تسعين او ميه

نصيحة ابتعد عنهما !!
الالماني اذا قدم معاناة لا تطاق
يبقى لك مصاريف الصيانة المهلكة و السيارة عفى عنها الزمن




خذ شي يخدمك و يريحك مو تقعد تتعب تصرف عليه و تحلم تدخله الشركة حتى لتغيير زيت و فلتر بسبب الغلاء الفاحش







ان كنت فعلا صاحب خطوط و محتاج الماني روح طلع فولجس فاجن مع صيانة و ضمان 5 سنوات بين 65 الى 80 الف سيارة كرت على يدك




الكامري سيارة زي اي سيارة توصلك و تخدمك و يوم تبي تبيعها خمسين واحد يجيك مو تدخل معارض ماحد يطالع فيك! و الكامري او الافيو توصلك و تجيبك فين ما تبي بعز الحر و لا عمرك تشيل هم انذارات و انوار بالطبلون .....



430 لكزس ممتازة و عملية بس فين النظيف ؟؟ صعب تلقاه - 60 بالراحة طلع مازدا 6 كرت و مشي امورك بسيارة زيروا على يدك ع الاقل 3 سنوات ما تحط الا زيت و بنزين و اشتري راحة بالك






بالتوفيق

مشكور ^^^
كيف الفكس واجن هل هي مريحه
على قولك الافيو خدمتني خمس سنين ولا زالت موجوده
والكامري نظيفه الحمدلله
لكن ابي سياره موريحه
ومشكورين

من ناحية التحمل الشبح

مشكور ماقصرت^^ يالغالي 

يالغلا روح و خذ تيست درايف و ممكن تاخذها مع الاهل ساعتين او ثلاثة فرفر فيها و ما تخلي شي ع قلبك (و اعطينا انطباعك)


طبعا بيسوو لك تفويض كانك مستاجر السيارة و جرب مثيلاتها بنفس الميزانية و قارن بينها بس الجديد مهما كان بتريح نفسك و راسك معاه




استخير و الله يكتب لك الخير




بالتوفيق

الله يجزاك خير ^^^^
باذن الله اجربها وان ناسبت
توكلنا على الله