أضف سؤال أو موضوع جديد          

ياخوان وش رئيكم في التيما 2013 سياحي وين احصل ارخص سعر جديده

up 3 down 0
mohagjer606 555
قبل 7 سنه



السلام عليكم ياخوان وش رائيكم في التيما 2013 ؟ كيف رسوتها وتسارعها وهل تحمل الكرف؟ وين احصل ارخص سعر جديد 2013 اصفار؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


استاجر لك وحده كم يومها وجربها بنفسك

لان الاراء تختلف و الاذواق تختلف 

فانت قيمها بنفسك لانك انت اللي بتستخدمها 


up 2 down 0
xpoldx 1432
قبل 7 سنه



http://saudisale.com/SS_a_car.aspx?carid=16051

هذي بمعرض بجدة 2013 ب64 الف عاد كلم المعرض ممكن تاخذها بأقل
بالنسبة للقوة ما شاء الله 185 حصان و الصرفيه ممتازه فل ب30 يمشيك 500 مع السرعة
أنا معي 2010 نفس المكينة و القير و لكن الشكل اللي قبل مواصفات أفضل
من ناحية ..
القير اوتو/ عادي الجديدة بس اوتو ما تقدر تغير يدوي
بس سمعت انه افضل و لا يسخن و لا يفصل كثير
حط ببالك تغيير زيت القير كل 50 الف كم حتى ما يفصل مع السرعة 160 و فوق
و تراه غالي ب400 ريال

ما فيها مثبت سرعة و لا نظام ثبات الكتروني بالاستاندر مثل الموديل اللي قبل

الشكمانين بدون تلبيس نيكل بس ممكن تركب زينه بس غيره كل مده

بإختصار لمميزات ...
أقوى من غيرها مازدا و سوناتا و اوبتيما مكينة 2.0  و اوسع داخلية و افخم
بسعر مناسب و جودة التجميع الامريكي المعروفه
بالنسبة للوكيل رح اقرب فرع للحمراني اسأل عن قطع الغيار و توفرها و اسعارها
و الله يكتب لك اللي فيه الخير






up 3 down 1
أبو نجوى 2442
قبل 7 سنه



عفوا" العيسى
الحمراني خلاص انتهى


up 0 down 0
أبو نجوى 2442
قبل 7 سنه



تجربتي لاختها 2009 6 سلندر التيما اختها الكبيرة

سيارة سيارة

رساوة الى 240 فك يدك عن الدركسون والعب على الجوال وخذ راحتك ولا تحس بالخط ولا يلعب الهوا فيها ولا تهججج

بصراحة رساوتها عالية جدا اعلى من الكابريس و الكامري و الاكورد والفئه هذي كلها وعلى تجربة والي جربها يقولك رائية


انصحك بالفل كامل و6 سلندر عشان تعيش صححححح



ي أخي ركبت مع واحد معه 2011 فل كامل 
واجي اقدم المرتبه حقت الظهر واحوس وهو مستغرب يفكر أني باسوي شيء
قال: إيش تبغى؟
 قلت: أبد مرتبه الظهر أبغى أغير وضعيتها!
قال: هذه يدويه ومرتبه الجلوس فقط كهربائية حتى السواق!!!!!!!!!!!
قلت: بكم شاريها؟
قال:ب ٨١ الف ريال!!!!!!
بغيت امحطه على وجهه بكف 
وش اللي بهذا السعر وتحكم يدوي !!!!!!

والمره الثانيه ركبت وراء ولقيت التنده نازله 
وسألته ليه كذا؟
قال عشان مكان الفتحه لو فتحتها تدخل

عاد بكيفه عاجبته وماهو بيأخذ اهتمام الركاب اللي وراء هذا اذا احد ركب معه




up 3 down 7
b or not be 1423
قبل 7 سنه



وعن تجربه معه
قدام ما تحس بمطبات التهدئه وعيون القطع وهذا في كل السيارات تقريبا
لكن اذا ركبت وراء تحس انها في ظهرك وطول الخط وانا مستغرب
كان مافيه كفرات ولا شيء


up 1 down 1
b or not be 1423
قبل 7 سنه



من أفضل السيارات أقتصادية ورياضية قير سي في تي الجيل الثالث 7 نمر تخيليه قوية وللمعلومية ال6 سلندر منها يروح على المكسيما ويمسك مع الكوابرس 7 وفوق اذا كانت ستوك طبعا كلام من واقع تجربة واحد من الشباب وشوف عيني ماشاءالله معه مكسيما يمشي على كوابرس وجاء الألتيما ومشى عليه كانت مع خوينا طبعا موتر عليه الكلام والقيمة هو جودة وقوة وفخامة وامان اكثر من الكامري وارخص 


up 2 down 1
alswuilem1mohammed 14
قبل 7 سنه



ممتازه جدا وشكلها صار احلى عيبها شيء واحد
تعدد وكلائها والى الان سوقها غير مستقر في السعوديه
بسبب سحب الوكالة من الحمراني وكيلها العيسى وقبله الحمراني
اسوء وكالتين من حيث الاهتمام بالعميل و الخدمة وتوفير قطع الغيار 


معي 2008 .. افضل شيء فيها .. سواقتها ناعمه وسهله وكا شيء واضخ قدامك .. بالاضافه الى عزلها الممتاز .. بالاضافه الى رساوتها ..

سلبيتها .. تتفكك اذا ما اعتنيت فيها .. عزمها طاح شوي ماعاد مثل اول بس للامانه السياره خذتها نص نظافه ماهي نظيفه جدا يمكن عشان كذا ..


up 1 down 0
ابو يزيد 000 8712
قبل 7 سنه



سعودي سيل لقيت وحدة استاندر ب 64 وتلاقي 68 و70 وفي 74 نص فل


up 0 down 0
b1001b 92
قبل 7 سنه



عليها عروض الان عند العيسى اعتقد 68

خذ 2014 و السيارة بطلة كثبات و راحة و اقتصادية و شكلها طيب


بالتوفيق


up 0 down 0
businessman2 99
قبل 7 سنه



جميله وممتازه لكن قيره سي في تي مايتحمل كرف وحراره ومحد يعرف يصلحه يعني مع الحراره ممكن يخرب ولازم الوكاله تصلحه لانه محد يعرف عنه شي




up 0 down 0