أضف سؤال أو موضوع جديد          

حيوانت تعيش بيننا أدخل وشوف هل أنت منهم أم لا

up 63 down 31
خ.الد 102
قبل 7 سنه و 11 شهر



حيوانت تعيش بيننا أدخل وشوف هل أنت منهم أم لا



من هذه الأنواع:
- الوقوف المزدوج (يفترض يوقف بعيد ويمشي ويحرك دمه, لا تدور الراحه بأبسط شي تم تبتلى بالامراض وعمرك ما تجاوز 30)
أقسم بالله حصلت معي أذكرها مرتين وغيرها كثير ما أذكرها
جاء ووقف وراي وجنبي موقف!! قلت ياخي ضاقت بك الدنياء على طول الشارع ما لقيت توقف إلا وراي!! شف الموقف جنبي عساك العمى.
- الدخول عليك من شارع فرعي بدون يوقف. وهذه المواضع هي التي توضع فيها لوحة قف وبالعقل لازم توقف لو مافيه لوحة.
- ما يعجبه يوقف عند الإشارة وراء الناس لازم يتقدم ويعرض السيارة قدامهم ويكون هو الأول (مستعجل وراه الوزارة)
- يمسكن اليمين ويبي يسوي يوترين (فوق تحت)
- يمسك اليمين ويبي يروح على طول وكل مره يجيه احد يتقدم ويتقدم لين يلقى نفسه بنص التقاطع لو قاطع الإشارة أرحم.
- عكس السير هذا إذا شفته أنطحه طبعا عندي سيارتين أحدهم قرنبع ما يركبها بنقالي استخدمها داخل الرياض أهم شي تماتيك ومكيف شغال.
أربي فيها عيال الشوارع الي ما عرف لهم المرور.

الي ذكرتهم هم أسباب الحوادث
همج أقسم بالله يفترض لو تحته دابه يفترض بها هي من تقوده وليس هو.
هذولي يفترض تكون رخصة قيادته مدتها ثلاث سنوات وكل ما يجي يجدد يطلب منه أختبار سواقة مثله مثل المراهق أبو 17 سنة.
أقسم بالله يا جماعة الخير "أتمنى لو فيه تطوع في المرور بدون راتب وبسيارتي الخاصة أهم شي يعطوني صلاحية إعطاء مخالفات, والله لا دخل للدولة أكثر من ساهر.
لان فيه همج مثل الغنم ما يعرف الصح لازم فوق رأسه واحد يوجهه.

هذولي دايم احجر لهم
إذا قاطع إشارة اطلع بوجهه أبيه بس يصدمني
على شان ألعن خامس خامسة وأربيه تربية ما رباها أبوه.

هذولي يا أخوان إذا صدمك لا تتنازل عنه أبدا وأحتسبها عند الله لانك بالعقوبة تردعه يسوي نفس الحركة بغيرك

بالذات الي يحاول يدخل في مسارك بالقوة بزعمة بيخوفك
أو يدخل عليك من شارع فرعي ولا كأنه يشوفك وهو الوحيد الي مستعجل ومتأخر عن دوامه.

تلقى فيه أخس صفات الانسانة
إن قلت جهل
وإن قلت أنانية
وإن قلت همجية
وإن قلت غباء
وأن قلت أنتحاري
كل صفة سيئة تلقاها بذا الآدمي
من شان كذا ما احترمه حتى لو شايب ولحيته واصلة نص صدره.


أيضا يوجد من موظفي الحكومة على نفس الشاكلة:
- المرور الي متمركز عند الإشارات والعالم ترتكب المخالفات اعلاه.
هذولي أنصحهم يستفتون أهل العلم برواتبهم لا تكون حرام. أش لزوم تمركزك عند الإشارة والحادث تباشرة بعد ساعة وهي في مربعك!!
لا وعلية القوم منهم يصرح أن استخدام الجوال بواسطة الاسبيكر او سماعة البلوتوث ما فيه مشكلة!! يا ثور المشغول فكرة السائق وإلا يديه!!

- الأمانات الي تعطي تصريح بناء سوق أو مطعم أو شقق مفروشة أو عمارة شقق سكنية ولا تشترط بناء قبو مواقف تحت المبنى وعلى فكرة فيه قرار صادر من عام 1432 أن الشقق المفروشة والمطاعم الكبيرة اجباري تضع مواقف في القبو ولا يطبق إلا على جزء بسيط من المشاريع الي ما عندهم واسطة بالرغم أن اغلب الأراضي دفان يعني هو بيحفر مترين تحت حتى يوصل الأرض الطبيعية (العزاز)

هذولي ماخذين حق الناس في الشارع تلقى الشارع ثلاث مسارات ما يشتغل إلا واحد والعجيب الغريب الدورية تجي وتدخل بالزحمه ومنا ومنا ويدق بوري مثله من أي سيارة ويطلع ولا كأنه يشوف شي!!
هذا صاحب المطعم او السوق الي يفتح بدون مواقف يفترض تؤخذ عليه ضريبه أو يجبر يشتري مبنى مجاور له ويهده ويخليه مواقف حتى لو يستفيد من زبائنه برسوم المواقف.


فضفضه أرجوا أن تتقبلوها بصدر رحب وبالذات الي على رأسه بطحى.













إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أعتقد والله أعلم
أن الهمج الي نشوفهم بالشارع هم الي نشوفهم بحياتهم يتحلون بالصفات التالية:

- عشوائي وفوضوي بكل شي وإذا كان في القطاع الخاص تلقاه كل شوي مفصول.
- من النوع الي كل شوي مقفل سيارته على المفتاح او ناسي الجوال بالسيارة وثائقه الرسمية كلها بدل فاقد ثلاث واربع مرات.
- ينطبق عليه حديث آية المنافق ثلاث إذا حدث كذب وإذا وعد أخلف وإذا آختمن خان.
- أناني مستعد يكسب اي شي وطز بغيره.
- أبو وجهين في الوجه مرايه وفي القفى موس.
- عقلية فارغه مؤهله العلمي أقل من الشهادة الي يحملها فعليا, إذا معه بكلوريوس مستواه تقدره ثانوي وإذا معه ثانوي مستواه تقدره بمتوسطه.
- تسأله كم الساعة يقولك تسع مثلا وهي 9:50 ههههه طيب وين راحت الخمسين دقيقة!!
- تقوله وين يقول عندك دقايق بس ويلطعك ساعة!
- عنده أمل تسقط عنه مخالفات ساهر ويكره ساهر كره العمى.
- يخاف الناس أكثر من الله ويوقف معك حتى لو مخطي ويظلم غيره ويشهد الزور ماعنده مشكلة.
- ذممهم وسيعة إلى حد ماء.
- تصرفاته تصرفات مراهق وقد يصل عمره فوق 40 ويسوي حركات ما يسويها مراهق أبو 16 سنه.

مادري احس أصحاب الصفات السابقة هم نفسهم الهمج المتهورين في الشوارع.


up 1 down 4
خ.الد 102
قبل 7 سنه و 11 شهر



على الجرح هذا الي كنت بسويه وسبقوني مواليد برج مخافة الله والعقل والمنطق.


#مواليد_برج_الكلب :

1-
http://cdn.top4top.net/i_a37c6f70ec0.jpg

2-
http://cdn.top4top.net/i_a37c6f70ec1.jpg

3-
http://cdn.top4top.net/i_a37c6f70ec2.jpg

4-
http://cdn.top4top.net/i_a37c6f70ec3.jpg

5-
http://cdn.top4top.net/i_a37c6f70ec4.jpg

6-
http://cdn.top4top.net/i_a37c6f70ec5.jpg

7-
http://cdn.top4top.net/i_a37c6f70ec8.jpg

8-
http://cdn.top4top.net/i_a37c6f70ec9.jpg



up 0 down 2
خ.الد 102
قبل 7 سنه و 11 شهر