هونداي او كامري

انا لو خيروني باخذ النترا لكن الناس اذواق

وعليكم السلام ..

هذي مشكلتنا سمعت وسمعت النترا

انا جربتها اجار ومكروفه كرف الويل وابشرك رحت عليها الشرقيه وجيت للرياض والموتر مافي مثله

بس بالخط لك عليه شوي ماهو راسي

بس داخل البلد وبنزينها عز الطلب ومكينه 2000 سي سي

والكامري ماعليها خلاف قويه ماهي شينه

بس الكامري ماتتقارن بالنترا

لان الكامري تتقارن مع السوناتا

لاكن اذا انت داخل البلد استخدامك كثير خذ النترا اما اذا تبيها خطوط استخدام بشكل يومي او اسبوعي الكامري

اريح لك وارسى

وانت لك الخيار

موفق يالغالي

انصحك خذ كامري والله يرزقك

شوف ياخوي الالنترا اقتصادية لو بتحطها ليموزين بس الكامري تتسع لأكثر من الالنترا وقطع غيارها متوفرة 
بكثرة ورح تكد معك اكثر من الالنترا

الالنترا مكده اكثر بحكم تجربه من ٢٠١٢ 
لكن كتاكسي صغيره الا اذا مشاويرك قليله 

انتظر كامري 2015

في الفتره الاخيره اشوف أغلب اصحاب الليموزينات حولو على الالنترا 

الله يعطيكم العافيه ياشباب على مشورتكم 

أنا ابو عبدالعزيز وهذا النك الثاني 

الكامري تكده ويمسك سعره 
واعرف صاحب لومزين كان يقولي الالنترا تخبط من ممشى 250 الف 
والكامري معه وصلها 400 الف وعلى بدابة تخبيط 
وانت تبيها تاكسي خذ شي يمسك سعره مهما رشيته مهما كرفته 

يارجال  شركه لوموزين سالت عاملين فيها قالو  نجيب 50 سياره النترا  و50 كامري  هي السياره حقت مكده 

 اول سياراتنا رينو فرنسيه والتيما  ماتوكل عيش الالتيما عندهم ثنتين تماتيك وخبطت قيورها وثانيه رينو مالها قطع غيار وغالي 

  تويوتا وهواندي هي حقت تكاسي وكرف 

والله انكم تلعبون على بعض وبتدهورون صاحب الموضوع لايهمك اللي يقول الالنترا تخبط على 250 والثاني يقول الالنترا بتصبر اكثر اولا السيارة على حسب الاستخدام وثنتينهم تكرررف لكن الالنترا سعرها ارخص بواجد من الكامري ... وانا راكب مع صاحب لموزين مع الالنترا 2011 الشكل القديم لاحظ ماشيه 413 ومكيفها ثلاجة وحرارتها طبيعية ولا فيها الا العافية بطلوا سواليف هاذي تكد وهاذي مدري وشوا ... وانت ياصاحب الموضوع عارف ان شركات اللموزين ماياخذون اي سيارة الا لما يتاكدون من جودتهم ومن خلوها من العيوب والحين انت شايف اغلب التكاسي كوري يا الالنترا ولا سوناتا وبرضوه الكامري يعني كلها واحد وقطعها الالنترا طبعا ارخص والقطع كلهم متوفرين يعني المقارنة بسيطة بعكس اللي انت متخيله لكن الشباب قلبوها لتحدي متعصبين تويوتا يقول كامري ومتعصبين الكوري يقول الالنترا ... انا نصيحة شخصية خذ الالنترا سعرها ارخص بواجد من الكامري الفارق هاذا حطه في جيبك انت احوج به وثانيا الالنترا انت شايف الطلب عليها وماتكمل يومين معروضة الا هي مبيوعة كلن يبيها اجانب وشركات وبزارين وكل شي بعكس الكامري اللي فشلت في الشكل هاذا وهاذا تويوتا بتغير شكلها وهي ماكملت الا 3 سنوات هاذا دليل على فشلها

اخواني بصراحه صاحبي معاه اﻻلنترا 2013 مقاس المطور 1800 سي سي في صوت في المطور وفيها
دقه عند تعشيق القير هذي موديل 2013 ؟؟
واما اﻻلنترا2014 /2015 مقاس المطور 2000 سي سي وماحتارمنها ومن الكامري وبصراحه اﻻلنترا
ارخص بكثير من الكامري ؟؟؟ يعطيكم العافيه ياشباب 

أخوي خذ نصيحتي




إذا كامري خذمن 1998 الى 2006




وإذا إلنترا خذ 2014 او 2015