أضف سؤال أو موضوع جديد          

مستغني عن سيارتك ولا ايش بالظبط ؟؟

up 9 down 2
out cast 126
قبل 7 سنه و 8 شهر



السلام عليكم ورحمة الله وبركاته  ..

رجعنا لكم من جديد (:

المهم ندخل بموضوعنا طبعا كلنا نلاحظ سيارات واقفه في الورش بالسنين و في الصناعيه وفي كل شارع وحي 

تحصل سيارة ولا اثنين ، وبعضها موديلها جديد مو شرط قديم وتلقاها واقفه بالسنين ؟؟ 

فما اعرف ايش السبب اللي يخلي شخص يترك سيارته السنوات ذي كلها !!

على الاقل يوديها للتشليح ولا يصلحها ويبيعها ؟؟

 ويفك الناس من الزحمه في الورش ولا تلقاها اخذه موقف في الشارع على الفاضي ومسببه زحمه 

وغير كذا تخاف الاطفال يلعبو فيها ولا يحرقوها وتسبب اضرار !!

اتخيل مره رحت لصاحب ورشة (مكانيكي) وحصلت عندة سيارة يقول لها ثلاث سنين واقفه في الورشه وصاحبها تاركها مو مهتم  ؟؟

وغيرها سيارات كثير >> ف ايش السبب ؟!














إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هذي اسمه سكراب

صاحبها ما يقدر يصلحها ولا يبيعها تاركلها لزمن

الاستمارة تكون مطوفة اكثر من 10 سنوات والتصليح مستحيل ونقل الملكية صعب جدآ

ولا يبي يسقطها من اسمة بس يفك اللوحات ويتركها للقطط وللغبار وياكثرها في شوارع الرياض خصوصاأ الاحياء الجنوبية


up 6 down 0
ms any 542
قبل 7 سنه و 8 شهر



بالقصيم بريدة الصفرا كان في سيارة واقفة حوالي 3 سنوات وسيارة كانت 2009 ماركيز بدون لوح
... مهم كنا نمر من جنبها يوميا ونستغرب 
ليش مرمية والمهم تاني يوم ماوجدناها
طلعت مسروقة منه وانا سالت راعي مغسلة قلي طلعت سيارة مسروقة وحرامية فاكين لوح عشان شرطة لما يمرو جنبها مايشكون



up 2 down 0
bmw x6 235
قبل 7 سنه و 8 شهر



مثل ماذكر صاحب الرد الأول وأزيد على كلامه

فيه نظام غبي وضالم بنفس الوقت وهو في حالة رغبتك في بيع سيارتك تشليح

يجب عليك تجديد الإستماره إذا كانت مطوفه أي منتهيه وبعدها نسقط اللوحات

يعني تخيل معي سياره محترقه أو معدومه لايستفاد منها شي يجبرونك تجدد

يعني أنت تكون الخاسر الأكبر إذا مشيت على هذا النظام الغبي

اللذي بسببه تكدست السيارات التالفه في كل مكان 


up 16 down 1
مورسدس24 3640
قبل 7 سنه و 8 شهر



كل هاللي بالصور لو تبيعهن مايجيبن قيمة اكسنت ٢٠٠٣ احسبك لاقي سيارات تسوى 


up 2 down 8
أبو ناصر 60
قبل 7 سنه و 8 شهر



مثل ماقال ms any..متعلق لايقدر يصلحها ولايعرف يبيعها..وبعضهم ضروف وبعضها لاجانب تركوها وسافروا.
لكن لو تلاحظ اغلبها سيارات قطع غيارها نادرة او غالية...يعني ماهي جايبه حق تعب تصليحها.



up 1 down 0
badalfa -39
قبل 7 سنه و 8 شهر



برأيي اي سياره قديمه وموقفه لها اكثر من ٦ شهور يتم سحبها من قبل المرور ووضعها
 في مواقف كبيره وخاصه لمثل هالسيارات ،، 


up 1 down 0
iturki1 540
قبل 7 سنه و 8 شهر



عزي للكواببرس الثلاث اهه ياشيخ 


up 1 down 0
عاشق الشفر 90 707 128
قبل 7 سنه و 8 شهر



اعرف واحد عنده سيارات نوعا ما جديدة يعني 2005-2007 وترك كم.مرة سيارته بورشة حول 4 شهور ووحدة نقل ملكيتها بعد سنة مم بيعها
والسبب الأساسي اهمال وعنده سيارة.غيرها


up 1 down 0
super x 175
قبل 7 سنه و 8 شهر



طيب ي اخوان مايمديه يفككه 
ويبيعه قطع غيار!!!!


up 1 down 0
ما يهزك الريح 148
قبل 7 سنه و 8 شهر



واللي قهرك ان السيارات اللي واقفات قدام الورش
تحصل العماله يقلبونها تشليح وياخذون قطع منها

انا معي ددسن قديم وكنت اصلح في الصناعيه فلقيت ددسن نفس ددسني دار عليه الزمن ماكلته الارضه من وقفته ومافيه شي كله مشلح
فبغيت اخذ المرايه مع انها مكسوره لاني ماعندي فطلعاي جيب الشرطه
قال وش تسوي قلت اخذها السياره رايحه

قال ممنوع قلت العمال مابقو فيها شي قال وش نسوي فيهم


up 2 down 1
ابوصقر202020 51
قبل 7 سنه و 8 شهر



بعضهم كمان ما تجيب له القيمه يقوم يقول احرقه ولا ابيعه وخلاص وتنرمي سنين ومنين


up 2 down 0
sultan9891 592
قبل 7 سنه و 8 شهر



وبعضهم ماتوا وخلوا سياراتهم ولا احد درى عنهم


up 2 down 0
وعلى نياتكم ترزقون 311
قبل 7 سنه و 8 شهر



والله ياخوان اني اعرف واحد ماشاء الله عليه الله منعمم عليه وعنده 9 سيارات والله انه رامي 
البهبهاني ببرحه ورامي باترول يمكن 2004 ولا حولها لها سنين ماتحركت حيته 
قلت له بيع لي البهبهاني قال مالي نيهه ابيع انا ماني محتاج فلوسه 


up 1 down 0
جني يجنن 82
قبل 7 سنه و 8 شهر



ياكثرها السيارات المرمية بالصناعية !!!

استغرب والقهرر انها موديلات حديثة كوابرس كرايسلرات لومينات مرسيدس .....الخ 


والسبب مثل ماقال اخوي مورسدس24 اغلب السيارات المرمية والموقفه على شان هالسبب 


up 1 down 0
ahmad77771 305
قبل 7 سنه و 8 شهر



بالمختصر المفيد الشعب طفران 


up 1 down 0
sokar1983 272
قبل 7 سنه و 8 شهر



هذول مسافرين يخلونها احيانا ما يرجعون فتظل مكانها غالبا تلاقيها موديلات قديمه عشانهت حقت مصاريه


up 1 down 0
معالم التقنية 145
قبل 7 سنه و 8 شهر