أضف سؤال أو موضوع جديد          

انتبهوا من توكيلات الجزيره ولاتغرك الابتسامه تراها بتشق جيبك

up 22 down 5



السلام عليكم على وجه الفجريه وانشالله كلكم من المصلين مع الجماعه
قبل فتره العضو abdulazizsh نزل موضوع عن سيارات 2013 وحذرته من اسلوب الموظف لانه كان حريص على الدفع اولا وبعدين له حق يشوف الموتر ؟

طلعت امس انا اخوي نكمل مشوار على باقي الوكالات نسعر ونشوف المواصفات ولازالت الاوبتيما داخله مزاج اخوي 
رحنا لبو جميل وسزوكي وبعدها على توكيلات الجزيره

استقبلنا باfتسامه قويه حتى أحسست بإن شفتيه سوف تتقطع

سئلته عن الفويجن وقلتله قبل فتره كانت واقفه برا ابي اشوفها
قال خلصت 
لكن ادفع ونوفرها !!  هذا الشي اللي انا مابيه
قلت وش خسران لو دخلتني المستودع وخليتني اشوفها
قال ماهي متوفره
قلت مو مشكله
ممكن تجيب لنا مفتاح النص فل نبي نشغل ونشوفها 
قال السياره مفتوحه بس مانقدر نشغل انت عارف الكربون بيعدم الصاله !

قاله ايه وبتموت الناس فجئه ذكرتني بقنبلة هيروشيما بس ماعلينا
الحين اخوي يرغب السياره بس للاسف ماعطيتونا مجال لا عندكم تجربه ولاتبون تشغلونها

رجع مره ثانيه قال ادفع ونوفر لها وتقدر تسترد فلوسك ؟
قلت شوف انا متابع منتديات كثيره ومريت على تجارب شخصيه في وكالة المتحدة ونيسان وفورد تكررت منها هذي اللعبه
بعد ماشرى الزبون
ورط فالسياره وطلعت مرشوشه وشاتكى عليهم ولا قدر يسترد فلوسه 
وانت الان تقولي ادفع وبعد ماتستلم السياره تسترد فلوسك ؟؟؟  

رجعنا للتورس وقال عليها عرض 2013 فل كامل دفع رباعي باقي 7 حبات عليها عرض ب109 

قلت حلو والسعر ناسب اخوي لكن قلت ابي اشوفها طيب 
قال نفسها نفس 2014 مايحتاج 
قلت لا ابي افحص بدي واشيك عليها واختار برقم الشاص  
قال ماهي عندنا الحين بس ادفع فلوس نوفرها لك واذا فيه شي تسترد فلوسك ؟ >>  رجع لسالفة الفلوس 

المهم تركته ورحت اشوف السياره لقيت وحده من التورس عندهم كبوتها نازل مع الطرف وغير مستوى مع الرفرف
قلتله هذي جايتها ضربه اثناء النقل وصلحتوها عندكم مو صح ؟
قال طبيعي هذي !
قلت لاتفكر تستغفلني ولاني مغفل عندك شوف التورس الثانيه الكبوت طرف الكبوت متساوي مع طرف الكبوت
يعي هالسياره فيها بلا
قال هذا مسمار التوازن يبيله وزن ؟
قلت شلون تقول فالبدايه انها طبيعيه والحين مسمار توازن ؟
اخوي جلس يضحك هههههههههههههههه

المهم بصراحه حسيت انهم يبحثون عن الدفع اولا حريصين اكثر حرص ولا همهم العميل يرضونه او لا
استفزني اسلوبهم وطلعت ورحت لسوبارو 

لقيت عندهم عرض على 2013 فل كامل ب93 وخلونا نقارن مواصفاتها باي سياره ثانيه

8 اير باقات
النور الواطي زنون
النور العالي هالوجين مثل البرق
بعض الانظمه اللي فيها abs ebd tcs esp
الابواب مدعمه باعمدة فولاذ منعا لدخول الابواب على الركاب
القير ( لاينر ترونيك )  
التحكم بالمقاعد ل6 وضعيات وذاكره تخزين ل3 وضعيات
مرتبة الراكب تحكم كهربائي ايضا
نظام الصعود في المرتفعات 
كميرا خلفيه
رشاشات ماء للانوار
جلنط اكتروني
المراتب جلد مخرمه للتهويه

والتجربه خلتني اكره الفورد والاكسنت 

حاليا الخيار عند اخوي يا اوبتيما او ليجاسي اعتقد سياره ب93 الف وهالمواصفات فيها كلام ثاني 
وبنزل لكم تقرير عنها










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السوبارو والمازدا سيارات روعه جدا لحد الحين يبانيه موب زي الباقين

السوبارو قويه والمازدا قويه وكلهم تحمل جبار عندنا زوم 2003اخوي ماكان يحمي السياره في الشتاء ولا ضرها شي كرفها كرف موب صاحي والقطع كلها متوفره وموجوده والحين الوكيل جالس يتحسن
سوبارو دايم افكر فيها ولاهمني الناس تويوتا ماتويوتا ولا شفر ولا فورد انا مشكلتي الوكيل لو الوكيل تمام زي حق مازدا او نيسان كان شريتها لكنه موب حولها


up 1 down 1
رايق السيارات 588
قبل 7 سنه و شهر



يا سلام عليك ليت كل من يمر بتجربة او يلاحظ شي يطرح موضوع


up 0 down 0
سيب2010سيب 91
قبل 6 سنه و 6 شهر