كل من اشترى سيارة عن طريق البنك يفيدنا بالنسبة ونوع السيارة

كل ماجيت بشتري سيارة نظام تاجير من بنك جوء ناس ونصحوني وغيرت رايي للاسف ان كلهم لعابين وياكلون فلوس الناس ودك يحي نظام يدق خشومهم دق

انحش عن سيارات البنوك خذ قرض شخصي افضلك وفيه بنوك تعطيك قرض بدون فوائد

في ناس عليهم قروض شخصية ويضطرون يشترون عن طريق البنك ياحبايب وكنكم تجهلون وضع الشعب !

قعلا الأغلب عليها قروض ويضطر للايجار المنتهي بالتمليك 

السؤال واضح 

مازدا 6 2014 ستاندر 

1388 خمس سنوات 14000 دفعه اخيره 

بدون مصاريف اداريه بدون دفعه اولى .. تأمين ميدغلف واصدار لوحات 
كل شيء عليهم 
البنك الأهلي . 

ابو مساعد وش البنوك الي تعطي قرض بدون فوائد!!!

نفس السؤال وين البنوك الي تعطي قرض بدون فوائد؟!!!!!

أمس كنت عند القحطاني موزع لهونداي ونيسان ادور نفارا قال ب 74 ألف وشفت عندهم البنك العربي ورحت استفسر
دفعه أولى 26 القسط 1400 الدفعه الاخيره 22 مع المصاريف الاداره الي هي 3000 يعني بتطلع علي اجمالي 84 تقريباً انا اشوفهاا حلوه فايده 10 او 9 مع التأمين الشامل
انا طلبت منه تكون على سنتين عشان اخلص

أفضل الخيارات أكيد إن الواحد يطلع تمويل شخصي " قرض " لإن الفوائد عليه بتكون بسيطة جدا ..
لكن الخيار الثاني أكيد هو نظام تأجير منتهي بالتمليك وأفضل بنك إلى هذا الوقت هو البنك العربي لإن التنازل فيه سهل وشروطهم ميسرة وفوائدهم معقولة جدا مقارنة بغيرهم .. وللأمانة أشوف اللي مضطر يطلع موتر يدور على سيارة تكون مستخدمة مالا يزيد عن 3 سنوات راح يلقاها بسعر معقول جدا ويقدر يخلص قيمتها خلال سنة ونص أو سنتين بالكثير ,, على سبيل المثال ألنترا قيمتها ( 65 ) الف اذا طلعتها من اليسر خلال خمس سنوات توصل قيمتها قريب الـ ( 100 ) الف .. بينما لو طلعت ألنترا مستخدمة إستخدام نظيف موديل 2011 مثلا بتطلع عليك بالكثير( 48 ) ألف وقس على ذلك .. وخلال سنة بتقدر تبيعها بأقل شيء ( 30 ) الف .. بينما سيارة وكالة تطلعها خلال خمس سنوات بمبلغ يوصل لـ ( 100 ) الف واذا بغيت تبيعها بعد خمس سنوات والله ماجابت 35 الف ريال .. وكل واحد يمد رجليه على قد لحافه :p

ابو مساعد كثر من البنوك تعطيك قرض بدون فائده

بنك سامبا يعطيك قرض هامش الربح %0
 اسم القرض تمويل الخير يعطيك لحد 60 الف على حسب راتبك
ياخذ 45 رسوم اداريه  خش على موقع سامبا تحصل كل المعلومات
 

صدقت يالرديف بنوك واجد تعطيك قروض مثل بنك الجزيرة والامارت بس مدري عن شروطهم وشي
ولازم يستغلونك في اشيا ثانيه مثل تحويل الراتب ويرسلون لك مندوبات علشان الفيز اسلوب رخيص يعني
 وغيره اهم شي الواحد يفتحه عيونه زين

الحمد لله ماقد اخذت موتر عبر البنوك او تقسيط 
بالاول اخذت موتر رخيص يمشي الحال،،وبعدين كم كديت واشتغلت وجمعت لي شوية قروش وخذت موتر جديد
بلاتقسيط وبلاوجع راس ،، لان الدين والتقسيط يضيق على عيشتك دايم تجلس تفكر متى اخلص الدين او القسط اللي علي

امممم اتوقع ماتقدر تاخذ قرض بدون فائدة وانت عليك قرض تاني صح:#